1 Ŋirw. 2:15 - Ebaibul

¹⁵ Tema Adoniya, “Iyeni roboca iyoŋ atemar arae sek apukan ŋina kaŋ, ido ayenete Ŋisirael daadaŋ atemar ayoŋ aruwor ekepukan, tokona, nyeriŋa apukan erae ŋina kaŋ, nai aruwor ŋina alokaato kaŋ. erae Ekapolon abu kituruwo apukan ŋina alokaato kaŋ.

1 Ŋirw. 2:15 Iomraidhean Croise

2 Sam. 12:24

Aŋun, abu Daudi tolot akisirworiun Basiseba aberu keŋ, ekaku tolot iŋes kai a Basiseba kiryamakinos ka iŋes; touru Basiseba ikoku ŋinisapat, tolimok Daudi ekiro a ikoku a ŋin Solomon. Tominak Ekapolon Solomon.

2 Sam. 15:13

Apaki ŋin, bu ituŋanan ice neni a Daudi tema, “Esupa Abusalom ŋitai a Ŋisirael a daadaŋ.”

2 Sam. 15:6

Abu Abusalom kitiya ŋun neni a Ŋisirael a daadaŋ a ŋulu aponeneete aanyun erwosit, ikotere totub ŋakiro ŋuna aponitotor ikes. Aŋun, abu Abusalom kisupa ŋitai a Ŋisirael.

2 Sam. 16:18

Toboŋok Usai Abusalom tema, “Mam, nai arubakini ayoŋ ikirukit ka ikiriit ka ŋini aseu Ekapolon ka ŋituŋa a Isirael daadaŋ ta ŋituŋa lu daadaŋ.

2 Sam. 3:3

ŋolo a ŋiarei arae Kileab lokoku ka Abigail a ŋina alo Karimel, apuserut a Nabal; ŋolo a ŋiuni arae Abusalom lokoku ka Maaka a ŋina arae nakoku a Talimai a erwosit a ŋolo a Gesur;

2 Sam. 3:4

ŋolo a ŋiomwon arae Adoniya lokoku ka Agis; ŋolo a ŋikan arae Sepatia lokoku ka Abital;

2 Sam. 7:12

Ani edaun ŋirwa kon anakwap a na, apaki ŋina ikinukere iyoŋ neni enukitae atapapaa kon, etopoloori ayoŋ eletonit kon kilunyokin lokicoloŋ kon, eletonit ŋolo erae iyoŋ elope iuruunit, ido etogogoŋi ayoŋ apukan keŋ.

1 Ŋirw. 1:25

Eŋita ayoŋ nu, anerae akoloŋit na, atiyaar iŋes kwap ama, ido aar ikwapei ŋamuronisya ŋimoŋin, ŋitak ŋulu atumak ka ŋamesekin ŋuna alalak nooi. Anyaraiya iŋes ŋidwe a erwosit ŋulusapa daadaŋ ta Yoab ŋolo erae ekarikon ajore ka esacaradoti Abiasar. Imujete ka emasete tokona ikes aloŋaren Adoniya, ido ebasi, ‘Ikigasi isua torubak erwosit Adoniya eyari.’

1 Ŋirw. 1:38

Aŋun apotu esacaradoti Sadok ka ekadwaran Nasan ka Benaia lokoku a Yekoiyada ka Ŋiceresi ta Ŋipelesi totiyaaros Gion, kitodokakis Solomon aŋole a Daudi a erwosit, kitenasi ikes Solomon Gion.

1 Ŋirw. 1:39

Ani edolete ikes nen, tolemu esacaradoti Sadok amomwara ŋina eyai akimyet alo eema, ido kiosak akimyet neni a Solomon. Tokutakis nai arupepe, temasi ŋituŋa daadaŋ “Ikigasi isua torubak erwosit Solomon eyari.”

1 Ŋirw. 1:5

Apaki ŋin, abu Adoniya lokoku ka Agis kitopoloor bon tema, “Ayoŋ aruwwor erwosit;” abu kitemok aŋuna keŋ ŋikametok ŋaŋolei ta ŋikilyok ŋatomonikan ŋulu iŋarenikinete iŋes.

1 Ŋirw. 2:14

Toropak irworo tema, “Tocamakinae ayoŋ erworikinos ka iyoŋ.” Toboŋok Basiseba tema, “Tolimu ŋuna eya.”

1 Ŋirw. 2:16

Nai tokona, eyai akirot apei ŋina acamit ayoŋ akiŋit iyoŋ, nyikiŋer ca ayoŋ.” Tema Basiseba neni ka Adoniya, “Tolimu ŋuna eya.”

1 Ŋirw. 2:22

Toboŋok erwosit Solomon toto keŋ tema, “Kaanukiro iŋitar iyoŋ Abisag ŋina erae Asunamit toruwor aberu ka Adoniya? Nyo bo nyiŋitar aŋuna keŋ apukan daŋ? Anerae erae iŋes lokaato kaŋ ŋolokiyae; nyiŋit ŋun aŋuna keŋ bon nai kiŋit daŋ aŋuna ka Abiasar a esacaradoti ka aŋuna a Yoab alokoku Aseruya a ŋulu eriitotor iŋes.”

Ŋakit. 21:30

Emam ibore itiyakini ituŋanan aŋuna ka aosou keŋ, ayenut keŋ ka ayere keŋ ŋuna kitiya, erae pa kecamakinit Ekapolon.

Dan. 2:22

isileereununui ŋakiro ŋuna nyepatana ayenun ka ŋuna imunono; eyeni ŋuna eya nakiryonut ka eyai akica neni eyai iŋes.