1 Ŋirw. 2:10 - Ebaibul

¹⁰ Totwana nai Daudi iwapei ata papaa keŋ tonukae akuwan keŋ lotaun a Daudi.

1 Ŋirw. 2:10 Iomraidhean Croise

2 Sam. 5:7

Tari daŋ kelimunito ikes ikoŋina, abu Daudi kikama aduketait a Sion ŋinajiet. Enyaritae tokona etaun ŋol ebe “Etaun a Daudi.”

2 Sam. 5:9

Kiboikin Daudi naduketait ŋinajiet, tolimok ekiro a aduketait a ŋin, “Etaun a Daudi.” Todukok arwatata a etaun a ŋol kisiryam, toluku tooma, toremokin kai ka apukan.

2 Sam. 7:12

Ani edaun ŋirwa kon anakwap a na, apaki ŋina ikinukere iyoŋ neni enukitae atapapaa kon, etopoloori ayoŋ eletonit kon kilunyokin lokicoloŋ kon, eletonit ŋolo erae iyoŋ elope iuruunit, ido etogogoŋi ayoŋ apukan keŋ.

1 Ŋirw. 1:21

Ani pa kisubak iyoŋ ŋun, epedorio ayoŋ ka lokoku kaŋ Solomon akituruwor ŋikasecak apaki ŋinapei ikinukakinere iyoŋ ekapolon kaŋ erwosit neni eya atapapaa kon.”

1 Ŋirw. 11:21

Ani eriŋa Adad eyai Ijipit, kiira atemar adau Daudi atwanare ikwapei atapapaakeŋ ka adau Yoab daŋ ekarikon ka ajore atwanare, tema Adad neni a Parao, “Kimyekinae ayoŋ alot, ikotere aboŋori nakwap kaŋ.”

1 Ŋirw. 11:43

Abu Solomon totwana ikwapei atapapaa keŋ ka aponi tonukae lotaun a Daudi a papa keŋ, kilunyokin Reoboam lokoku keŋ lokicoloŋ toruwor erwosit.

1 Ŋirw. 14:31

Abu Reoboam totwan, ido aponi tonukae lotaun a Daudi neni anukitae atapapaa keŋ. Arae ekiro a toto keŋ Naama ŋina arae Amonait. Abu lokoku keŋ Abiyam kilunyokin lokicoloŋ keŋ kipuka Yudaya.

1 Ŋirw. 15:24

Totwana nai Asa, ido tonukae lotaun a Daudi a papaa keŋ, neni anukitae atapapaa keŋ. Abu lokoku keŋ Yeosapat kilunyokin lokicoloŋ keŋ kipuka Yudaya.

1 Ŋirw. 15:8

Abu Abiyam totwana, ido aponi tonukae iŋes lotaun a Daudi. Abu nai lokoku keŋ Asa kilunyokin lokicoloŋ keŋ kipuka Yudaya.

1 Ŋirw. 22:51

Alokaru a ŋolo a ŋitomon ka ŋikanikaarei ipukat Yeosapat Yudaya, kisyak Aasia lokoku ka Aab akipuka Isirael alo Samaria. Abu iŋes kipuka Isirael ŋikaru ŋiarei.

1 Ŋirw. 3:1

Toyenakin Solomon ka Parao, erwosit ŋolo a Ijipit anakiit Solomon nakoku a Parao. Yau Solomon aberu ŋin akiboi lotaun a Daudi akitodol ŋina erikakinia Solomon akiduk akai keŋ ka Akai ke Ekapolon ta arwatata ŋina eryamit Yerusalem.

1 Ŋirw. 8:1

Ekaku nai a ŋun, tonyarau Solomon ŋikasikou ka ŋikarikok a ŋikabilae a Ŋisirael daadaŋ ta ŋatekerin a Ŋisirael, potu ŋul neni a erwosit Solomon a ŋolo ayai Yerusalem, ikotere yaut kiŋa alo Sion alotaun a Daudi, Asaduku ŋina ka Acamunet ke Ekapolon.

2 Ŋirw. 14:20

Kiwokunae akuwan keŋ a ŋaŋolei tari Yerusalem, tonukae neni anukitae atapapaa keŋ alotaun a Daudi.

2 Ŋirw. 15:38

Abu Yosam totwana, tonukae akuwan keŋ neni anukitae atapapaa keŋ alotaun a Daudi. Kilunyokin Aas ŋolo arae lokoku keŋ lokicoloŋ keŋ kipuka Yudaya.

2 Ŋirw. 16:20

Totwana Aas, tonukae akuwan keŋ neni anukitae atapapaa keŋ, alotaun a Daudi. Kilunyokin Esekia ŋolo arae lokoku keŋ lokicoloŋ keŋ kipuka Isirael.

2 Ŋirw. 8:24

Abu iŋes totwan, tonukae neni anukitae ata papaa keŋ, lotaun a Daudi. Kilunyokin Aasia lokoku keŋ lokicoloŋ keŋ kipuka Yudaya.

2 Ŋirw. 9:28

Todakasi ŋikapolok a ŋasigarya keŋ akuwan keŋ kiwuakis nagaari yaasi tonuka Yerusalem. Tonukae iŋes neni anukitae atapapaa keŋ alotaun a Daudi.

1 Ŋakiro a ŋirwa 11:7

Kiboikin Daudi naduketait ŋinajiet ŋina ayai lotaun ŋol. Aŋun, aponi tonyarae etaun ŋol ebe, “Etaun a Daudi.”

1 Ŋakiro a ŋirwa 29:28

Abu iŋes totwana emojoŋit nooi ka ebarit, torae ŋolo etopolooritae; ido abu Solomon lokoku keŋ kilunyokin lokicoloŋ keŋ ikwapei erwosit.

2 Ŋakiro a ŋirwa 24:16

Aponi iŋes tonukae neni anukitae ŋirwosi alotaun a Daudi, anerae kebu iŋes kitiya ŋuna ajokak neni a ŋituŋa a Isirael, neni ka Akuj ka Akai ka Akuj.

2 Ŋakiro a ŋirwa 9:31

Abu Solomon totwana ikwapei atapapaa keŋ ka aponi tonukae lotaun a Daudi a papa keŋ, kilunyokin Reoboam lokoku keŋ lokicoloŋ toruwor erwosit.

Ŋitic. 13:36

Nai kire abu Daudi totwan, kedau akitiya ŋuna acamit Akuj iŋes kitiya ananyamet keŋ, tonukae diyete atapapaa keŋ, ido tobos.

Ŋitic. 2:29

“Ŋikaitotoi: itemokino ayoŋ ekesileerek iyes ŋakiro ŋuna a papaa yok a Daudi. Abu iŋes totwan ka aponi tonukae, ido eyai alyal keŋ tari tokona ne neni ikiya iwon.