1 Ŋirw. 19:8 - Ebaibul

⁸ Tonyou iŋes kimuj, ido tomat, torotok nai keryamu agogoŋu kedau akimuj. Torubak iŋes elosi alorot ŋapaarasya ŋatomoniomwon ka ŋakuwarisya ŋatomoniomwon, akitodol ŋina adolio iŋes Oreb, lomoru ŋolo ke Ekapolon.

1 Ŋirw. 19:8 Iomraidhean Croise

1 Ŋirw. 17:6

Yaununut ŋikurukwa neni keŋ ŋamugati ka akiriŋ a ŋinataparacu ka a ŋinataboŋ; ido amasi iŋes a nayonae.

1 Ŋirw. 19:7

Bu Emalaika ke Ekapolon neni keŋ abunet ŋina a ŋaarei, totap iŋes tema, “Tonyou kimuj, acepaki ikioyakini iyoŋ erot.”

Awos. 19:18

Apaki ŋin, aburusiyarit apuru emoru Sinai, anerae abu Ekapolon min nen kidiama keŋ eyai nakim. Topuruu apuru a nen torem kidiama ikwa ŋina ke ekitet a ŋolo icunyere ŋasuwa. Apaki ŋinapei, amarani emoru nooi neni aronon.

Awos. 24:18

Toloma nai Moses tooma lodou apaki ŋina adokarya kidiama emoru. Kiboi Moses alomoru ŋapaarasya ŋatomoniomwon ka ŋakuwarisya ŋatomoniomwon.

Awos. 3:1

Apei koloŋit etwarit Moses ŋamesekin alokamuran keŋ a Yesiro a ŋolo arae esacaradoti anakwap a Midian, abu iŋes totwara ŋamesekin yaye aloŋisat, todolo lomukura ŋolo enyaritae Oreb, emukura ŋolo ka Akuj.

Awos. 34:28

Abu Moses kiboiyoto ke Ekapolon alokidiama emoru ŋapaarasya ŋatomoniomwon ka ŋakuwarisya ŋatomoniomwon emam akimuj imuji, kori ŋakipi emasi. Abu Moses kigir namoru ŋunadapal ŋun ŋakiro ŋuna ka Acamunet, ikes Ŋakiciketa ŋunatomon.

Awos. 4:27

Tema Ekapolon neni ka Aron, “Ape naloŋisat kisiryam Moses.” Aŋun, abu Aron tolot; kiryamunos ka Moses lomoru ŋolo ka Akuj, tonu Aron Moses.

Dan. 1:15

Ekaku a ŋirwa a ŋitomon aponi kiŋolikinae ŋawat ata Daniel erae ŋuna ajokak ka etumito daadaŋ akilo ŋuna a ŋisorok a ŋulu emujete akimuj a erwosit.

Mat. 4:2

Kiriya Yesu eronit ŋapaarasya ka ŋakuwarisya ŋatomoniomwon, ani ekaku tonyam akoro.

Mar. 1:13

Kiboi Yesu analoŋisat ŋirwa ŋatomoniomwon, kitem nai Satan iŋes. Ayakasi ŋityaŋ daŋ naloŋisat ŋin, nai apotu ŋimalaikan kiŋarakis iŋes.

Luk. 4:2

kiboi aina ŋirwa ŋatomoniomwon, kitem Satan iŋes. Kiriya iŋes ŋirwa ŋul daadaŋ nyimuja, tonyam nai akoro.

2 Ŋikor. 12:9

Nai abu iŋes okolimok ayoŋ tema, “Ajokis kaŋ iŋes bon iitanit iyoŋ, anerae egogoŋ apedor kaŋ nooi apaki ŋina ipalagia iyoŋ.” Alakari ayoŋ nooi eturokin aŋuna ka apalagu kaŋ, ikotere min apedor ŋina a Kristo tooma kaŋ.

Ŋikis. 9:18

Ekaku abu ayoŋ aramakin kwap elip neni a Ekapolon lopite ŋolopei sek etiyator ŋapaarasya ŋatomoniomwon ka ŋakuwarisya ŋatomoniomwon, abu ayoŋ nyemuj adio kimuj, kori nyamat ŋadikipi aŋuna a ŋasecisya a daadaŋ aŋuna ipotu iyes kitiyata, kitoŋoa Ekapolon aŋuna itiyaata ŋuna aronok neni keŋ.