1 Ŋirw. 19:19 - Ebaibul

¹⁹ Aŋun, abu Eliya toboŋo a nen, toryamu Elisa lokoku a Capat itae. Aenit Elisa ŋimoŋin ŋatomoniarei ka ŋiomwon ŋulu etaete apaki ŋin amyat Elisa ŋimoŋin ŋulu a emeleku a ŋolo a ŋitomon ka ŋiarei. Tolot Eliya neni ke Elisa, kimasak elou keŋ neni ke Elisa.

1 Ŋirw. 19:19 Iomraidhean Croise

1 Ŋirw. 19:13

Ani iirari Eliya etoil ŋol, kimuko ereet keŋ a elou keŋ, toloma kiŋa alopuke ka aturukan. Kirworik nai neni keŋ etoil ŋolo abala, “Nyo itiyae iyoŋ a ne Eliya?”

1 Ŋirw. 19:16

Kiosak Yeu lokoku a Nimisi akimyet, kituruwo iŋes erwosit a Isirael, kiosak neni ke Elisa alokoku a Capat a ŋolo alo Abelimeola kituruwo iŋes ekadwaran kilunyokin moi lorot kon.

2 Ŋirw. 2:8

Tolacu nai Eliya ekaaso keŋ, tobilaki tosodi toramya ŋakipi. Totyakas ŋakipi alokidiŋ, totyeikis Eliya ka Elisa totuboros ekekwaye emeto neni aonit.

Awos. 3:1

Apei koloŋit etwarit Moses ŋamesekin alokamuran keŋ a Yesiro a ŋolo arae esacaradoti anakwap a Midian, abu iŋes totwara ŋamesekin yaye aloŋisat, todolo lomukura ŋolo enyaritae Oreb, emukura ŋolo ka Akuj.

Amos 7:14

Toboŋok nai Amos ŋakiro ka Amasia tema, “Pa arae ayoŋ ekadwaran, kori lokoku a ekadwaran, nai arae ayoŋ ekeyokon ka ekepitan ŋikiya,

Amos 7:15

ido abu Ekapolon okonyara ayoŋ anakiyok ŋakinei, okolimok ayoŋ tema, ‘Tolot todwar neni a ŋituŋa kaŋ a Ŋisirael.’

Sakar 13:5

Etemari iŋes, ‘Nyarae ayoŋ ekadwaran. Arae ayoŋ eketan, ŋalup iŋes ayarya ayoŋ ŋinapei anasorokanu kaŋ.’

Ŋibur. 11:37

Aponi tocakae a ŋamoru, totubutuboe, toarae a ŋatumio. Apotu ikes kirimo akwap enapito ŋilowi ŋulu a ŋakinei--arae ikes ŋikaŋican, ŋulu aponi kisicanae ka tobolyanakinae.

Ŋikat. 6:11

Apaki ŋin, abu emalaika ŋolo ke Ekapolon bu kiboikin kwap ekuyon ŋolo alo Opura, ŋolo arae ŋolo ka Yoas a ŋolo arae Ebiesarait. Apaki ŋin arami lokoku keŋ Gideon ŋikinyom ŋulu a ŋaganoi aneni acuyere epiini, kiwaite nyiŋolikis Ŋimidian.

1 Sam. 11:5

Apaki ŋin, abunit Saul alomanikor ameunit ŋimoŋin; kiŋit Saul ŋituŋa tema, “Anukiro atakanut lotuŋa, ŋuna isigworete ikes?” Aŋun, apotu ŋituŋa tolimokis Saul ŋakiro a ŋituŋa a Yabes.

1 Sam. 28:14

Kiŋit Saul iŋes tema, “Ikwaan iŋes ka inyoni?” Toboŋok iŋes tema, “Alomu ekasikout alokwap, enapit iŋes ekaaso.” Aŋun, abu Saul toyenu atemar erae Samuel, aŋun abu toryedik, kijuuru todol ereet kwap, itoodiunit akitopoloorit keŋ Samuel.