1 Ŋirw. 19:17 - Ebaibul

¹⁷ Ituŋanan daadaŋ ŋini ebucar alokileŋ ka Asael, eari Yeu, ido ŋini ebucar alokileŋ a Yeu, eari Elisa ŋin.

1 Ŋirw. 19:17 Iomraidhean Croise

2 Ŋirw. 10:32

Alorwa a ŋul, abu Ekapolon kisyak akitiditeun akwap a Isirael. Abu erwosit ŋolo ka Aram ŋolo anyaritae Asael torem ka kilou Isirael daadaŋ;

2 Ŋirw. 12:17

Alorwa a ŋul, abu Asael ŋolo arae erwosit ka Aram torem etaun ŋolo anyaritae Gas, kikama. Ani irikakin, kiitan akirem Yerusalem.

2 Ŋirw. 13:22

Ŋirwa daadaŋ ŋulu epukator Yeowas, arukaunito Ŋisirael ŋican aneni ka Asael a ŋolo arae erwosit ka Aram.

2 Ŋirw. 13:3

Abu Ekapolon tolili nooi neni a Ŋisirael, tosodi tocamak Asael erwosit ka Aram ka Benadad lokoku keŋ akilounun Ŋisirael a ŋina paki.

2 Ŋirw. 8:12

Kiŋit Asael iŋes tema, “Kaanukiro igworor iyoŋ Ekapolon?” Toboŋok Elisa iŋes tema, “Egworo ayoŋ anerae ayeni aronis ŋina ilosi iyoŋ akitiyakin Ŋisirael: Icunyakini iyoŋ ŋitaunio kec, iari ka atum ŋisorok kec, iryedanari ŋiŋwea kec, tosodi topuununu ŋidwe anakokyes a ŋaberu a ŋuna epotiyete.”

2 Ŋirw. 8:8

tolimok erwosit Asael tema, “Ya ŋainakineta, tolot kisiryam Elisa, tolimok iŋes kiŋit Ekapolon erae kaŋaleuni ayoŋ anadyak a na.”

2 Ŋirw. 9:14

Aŋun, abu Yeu lokoku a Yeosapat a ŋolo arae lokoku a Nimisi kiman akiar Yoram. Apaki ŋin arukito Yoram ka Ŋisirael daadaŋ alo Ramos-Gilead neni eyokiyete ikes ikotere Asael erwosit ka Aram nyerem.

2 Ŋirw. 9:2

Ani idoli nen, kiwaru Yeu lokoku a Yeosapat a ŋolo erae lokoku a Nimisi. Toseta iŋes nawae aneni a ŋirukitos keŋ, tosodi ya iŋes tooma agule adio.

2 Ŋirw. 9:20

Tolimo nabo eketeon alotaun tema, “Abu ekile ŋolo eyakitae todol neni kec, nai awou aboŋun. Etakani esibit erae Yeu lokoku a Nimisi, anerae ekeri ŋolo a ituŋanan a ŋini a ŋikerep.”

2 Ŋirw. 9:24

Tosodi Yeu kiketak nooi akau ŋina a ŋikaleŋeleŋe, togum Yoram popire akau, kiporo ekaleŋeleŋet todol loliŋa, totwanik Yoram tooma agaari keŋ.

2 Ŋirw. 9:25

Tolimok Yeu ekapolokiniton ŋasigarya keŋ Bidikar tema, “Todakutu akuwan keŋ anagaari, kimasakis tooma emanikor ŋolo paaran a Nabos a ŋolo alo Yesireel. Totamunite mono iyoŋ apaki ŋina paaran emetere iwon ŋagaari yok ŋuna eritae a ŋaŋolei ibakiyaritae, iwuapitae erwosit Aab ŋolo arae papa keŋ a Yoram, abu Ekapolon tolimu ŋakiro a Yeu tema,

Isa. 11:4

Nai etubi iŋes ŋakiro a ŋikulyak anakiyookino, etubi iŋes anakiyookino ŋakiro a ŋulu iyapara anakwap; isicani iŋes ŋituŋa a ŋakiro aŋuna elimuni iŋes, eari iŋes ŋulu aronok a ekieŋanu a ŋolo elomuni anakituk keŋ.

Yer. 1:10

Kiira, nakoloŋit na akaseu ayoŋ iyoŋ topolok ŋakwapin ka ŋapukasinei, arutun ka aritakin kwap, amunaar ka akikamar, adukokin ka adupakin.”

Yer. 48:44

“Ŋini eemi aŋuna a ekabule ibusokin nakipany, ŋinituŋanan daadaŋ edokuni anakipany ikamuni aloc, anerae ayauni ayoŋ ŋiboro ŋul Moab, alokaru a ŋolo a akisicanio kec.

Esek. 15:7

Etekini ayoŋ ikes etoroniyarit. Tari daŋ keiuna ikes alomoe a ŋulu ke ekiŋaren, emunyarete ŋimoe ikes, ido iyenunete iyes atemar arae ayoŋ Ekapolon apaki ŋina etekinio ayoŋ ikes etoroniyarit.

Osea 6:5

Aŋun, abu ayoŋ ekeyakik iyes ŋikadwarak kaŋ alimokin iyes ŋakiro kaŋ ŋuna ka atubokino ka akinyasuno, aar ayoŋ ikes a ŋakiro a ŋuna adau ayoŋ alimun, ileere atubokino ŋina ayauni ayoŋ neni kus, ikwaan ka akica,

Amos 2:14

Nyeiunosi tari ŋituŋa ŋulu sek apiranak ekerete, epalagunete ŋituŋa ŋulu sek agogoŋok, nyepedorete tari ŋituŋa ŋulu ajiok nooi aiun akiyar kec;

Amos 5:19

Ikwaanikin akoloŋit ŋin ka ŋina ani keem ituŋanan kilany eŋatuny, kiryamunos ka etyaŋ ŋolo adedeŋan akilo, kori ani ieŋuni alokai keŋ erwaarit akan keŋ narwatata, tokony emun nakan.

Akis. 19:21

Aponi ŋasigarya kec toarae ka atum a ŋina alomuni anakituk a ŋolo amet aŋole, tonyama ŋikyeny daadaŋ ŋawat kec lopite ŋolo apedoritotor.