1 Ŋirw. 19:11 - Ebaibul

¹¹ Tema nai Ekapolon neni ke Eliya, “Toloma kiŋa, towo alomoru alokiŋaren Ekapolon anerae eapi Ekapolon atubor a nen.” Apaki ŋin tokut ekuwuam ŋolo apolon, agogoŋ ekuse keŋ, acilicili ŋimukura ka atubutubui ŋamoru ekusi alokiŋaren Ekapolon, nai amam Ekapolon alokuwuam. Ekaku ke ekuwuam, toyakaun amaran ka akwap, nai amam Ekapolon anamaran ka akwap.

1 Ŋirw. 19:11 Iomraidhean Croise

Yob 38:1

Toboŋok nai Ekapolon Yob, kirworik etoil a Ekapolon alokuwuam a ŋolo epiripiri tema,

Ŋikiru. 50:3

Ebunit Akuj yok, ido nyililiŋi iŋes; eyai akim kiŋaren keŋ ŋina enyamuwari ŋinibore, eyai ekuwuam nawaetin keŋ ŋolo ekusi nooi.

Ŋikiru. 68:8

abu akwap tomaranik, tobukunos ŋakirusyo alokidiama, alokiŋaren Akuj, Akuj ŋina a Sinai, alokiŋaren Akuj, Akuj ŋina a Isirael.

Ŋikiru. 68:9

Okoe Akuj, ibu iyoŋ tobuku akiru ŋina alalan nakwap; kitojoku nabo akwap kon ŋina sek abu toruwor akoŋinait.

Awos. 19:16

Ani taparacu edoli akoloŋit ŋina apeniata ŋirwa ŋiuni, toyakaun agiro ka akimilyaa, ido min edou ŋolo pa acaor kidiama emoru. Toru arupepe ŋina arwo nooi ŋina apotu ŋituŋa daadaŋ kiirasi analomar tomaranikis.

Awos. 19:20

Totiyaun Ekapolon min kidiama emoru Sinai, tonyaraiya Ekapolon Moses kidiama emoru, ido abu Moses kitipeiyo kidiama emoru,

Awos. 20:18

Ani iirarete ŋituŋa daadaŋ agiro ka eruye ŋolo ka arupepe ka ani iŋolikinete akimilyaa ka emoru epurui, abu akuryanu min neni kec, tomaranikis, towua aneni alwanan.

Awos. 24:12

Tema Ekapolon neni a Moses, “Bua neni kaŋ ne kidiama emoru, kidareu a ne; okoinak iyoŋ ŋamoru ŋuna edapal ŋuna eyakasi ŋikisila ka Ŋakiciketa. Egirit ayoŋ ŋikisila ka Ŋakiciketa nen aŋuna ka akitatamya ŋituŋa.”

Awos. 24:18

Toloma nai Moses tooma lodou apaki ŋina adokarya kidiama emoru. Kiboi Moses alomoru ŋapaarasya ŋatomoniomwon ka ŋakuwarisya ŋatomoniomwon.

Awos. 34:2

Kitemokin eriŋa ataparacu, kitipeu lomoru Sinai, ibu neni kaŋ alokidiama emoru.

Awos. 34:6

Kitor Ekapolon kiŋaren a Moses iserae ekiro keŋ ebala, “Ekapolon, Ekapolon, Akuj ŋina esyonion ka ŋina ajokan nooi, ŋina nyepatana akiŋo, Akuj ŋina eyakar amina ŋina nyiryaŋiryaŋa ka akikinyoma ŋina apolon nooi,

Isa. 30:30

Isiirari Ekapolon ŋituŋa etoil keŋ ŋolo ailiilon ka iŋolikinete ŋituŋa apedor a Ekapolon ebuni kwap, ebuni apedor ŋin eyakar aŋoit ka akim ŋina ikimunyari, ebuni eyakar ŋidouwon, akiru ŋina ireta egiro ka ŋakako.

Esek. 1:4

Abu ayoŋ eŋoliya Kuju, eŋolik ekuwuam ŋolo apolon ebunit, toyai edou ŋolo apolon nooi ŋolo emilyaa jik pa ajoŋoenene, kidiŋ neni anoki ikwa akim ayai ibore ŋini amilimilan ikwa eburonis.

Esek. 37:7

Aŋun, abu ayoŋ odwar lopite ŋolo ekicikitere; ani eriŋa ayoŋ adwari, bu eruye atipei ŋolo abala bo-bo-bo, tocunakinos ŋakoyo iwapei tocunakinos ŋakoyo a ŋinituŋanan a kec.

Naum 1:3

Nyeŋoi Ekapolon atipei nai egogoŋ iŋes nooi, mam nyeesikini iŋes ŋikasecak nyisicana aŋuna a ŋasecisya kec. Neni daadaŋ itori iŋes, eyakaun ekuwuam ŋolo ipiripiri ka ŋolo ekusi ka agogoŋu. Erae ŋidouwon apuwa ŋina a ŋakejen keŋ.

Sakar 14:5

Iemete iyes kitoro nakadipaalat ŋina ke emukura kaŋ, anerae itooyaaryo akadipaalat ŋin tari Asal. Iemete iyes lopite ŋolo aponiata atapapaa kus toemyata apaki ŋina amaranikinia akwap ŋirwa ŋulu araakar Usia erwosit ŋolo a Yudaya. Ebuni Ekapolon Akuj kaŋ, erukunete iŋes kaapei ka ŋimalaikan daadaŋ.

Sakar 4:6

Aŋun, abu iŋes tema neni kaŋ, “Erae ŋin akirot ke Ekapolon neni a Serubabel. Ebala Ekapolon ŋolo Etiron, nyilouni iŋes alotooma agogoŋu, kori apedor, nai alotooma Etau kaŋ.

Mat. 24:7

Ejikinosi ŋituŋa aŋakwapin, ejikin apukan ka apukan, eyakaun ŋironia ka emaranikini akwap anakiboisyo a ŋuna egelegelya.

Mat. 28:2

Ŋolopeikiro tomaranik akwap; bu emalaika ŋolo ke Ekapolon anakuj, kikokoriyo amoru nawae, kiboikin kidiama keŋ.

Ŋibur. 12:26

Abu etoil keŋ kitamaranik akwap apaki ŋin, nai tokona adau iŋes akiikin ebe, “Etamaranikini nabo ayoŋ akwap apeikitamaranikinet; nai meere akwap bon, nai nakuj daŋ.”

Akis. 11:19

Aponi toŋaarae Akai ka Akuj anakuj, totakanu Asaduku ŋina ka Acamunet. Toyakaun akimilyaa, ŋitoilon, agiro ŋina ereta, amaran ŋina ka akwap ka ŋakako ŋuna apolok.

Akis. 16:18

Toyakaun akimilyaa, ŋitoilon, agiro ŋina ereta ka amaran ŋina ka akwap ŋina apolon. Nyetakanuna amaran ŋina ikoni ŋin ŋinapeisubunet ituŋanan, arae ŋin amaran ka akwap ŋina aronon nooi akilo daadaŋ.

Akis. 20:11

Abu oanyuwa ekicoloŋ ŋolo akwaŋan ŋolo apolon ka iŋes ŋini icoloŋit. Toŋopiyasi akwap ka nakuj alokiŋaren keŋ nyeanyuwar nabo jik.

1 Sam. 14:15

Tobul Ŋipilistin daadaŋ ŋulu aya neni eboiyo ajore ka ŋulu aya lomanikorin, ŋulu edarito ŋimoe anakiboisyo a ŋace ka ŋulu aŋaarito ŋajorei akirem iwace. Abu daŋ akwap tomaranik. Toyakaun ekabule neni a Ŋipilistin, ekabule ŋolo erae Akuj ayauni.