1 Ŋirw. 18:29 - Ebaibul

²⁹ Ani elunyar kidiŋ apaaran, torubakis ŋikadwarak a Baal edwarete nooi esibit ŋibaŋaanotin, todol tari apaki ŋina einanakinere ŋainakineta, nai mam etoil aponi kiirarae, mam ŋini abu toboŋok ikes ka mam ŋini amitakinit ŋakiro kec.

1 Ŋirw. 18:29 Iomraidhean Croise

1 Ŋirw. 18:26

Aŋun, apotu ikes kipakasi emoŋ ŋolo ainio ikes, ido kitemokis. Tonyarata ikes ekiro a Baal ŋinapei taparacu akitodol kidiŋ apaaran. Tocela ikes ebasi, “Okoe Baal toboŋokinoe isua!” Nai mam etoil aponi kirarae, mam ŋini abu toboŋok ikes. Nai apotu torubakis idoŋaete irimete namuroet ŋina adukito ikes.

1 Ŋirw. 18:36

Ani edoli apaki ŋina ainanakinere ŋainakineta, bu ekadwaran Eliya kiŋaren ŋituŋa, kilip tema, “Okoe Ekapolon Akuj ka Aburaam, a Isaka ka Isirael, kimyek toyenunae nakoloŋit na atemar irae iyoŋ Akuj alo Isirael ka arae ayoŋ eketiyan kon, ido etiya ayoŋ ŋakiro nu daadaŋ aŋuna ikicikakinia iyoŋ ayoŋ.

1 Ŋirw. 22:10

Apaki ŋin, anapito erwosit a Isirael ka erwosit a Yudaya ŋilowi ŋulu ka apolou, kiboiyete analapatu a ŋina alotooma epuke ŋolo ke etaun, alokicoloŋo kec a ŋulu ka apolou, ayai alapatu ŋin lopuke a etaun Samaria, ido apotu ŋikadwarak daadaŋ todwara a nen alokiŋaren kec.

1 Ŋirw. 22:12

Apotu ŋikadwarak ŋuluce daadaŋ todwara ŋakiro ŋunapei ŋun temasi, “Ape, kitijik ŋituŋa a Ramos-Gilead, ireuni iyoŋ ikes, anerae einakini Ekapolon Ramos-Gilead neni kon a erwosit.”

Ŋikiru. 115:4

Nai erae ŋakujo kec esilipa ke egolid, ŋuna itiyaunito ŋituŋa.

Ŋikiru. 141:2

Tocamu akilip kaŋ lopite ŋolo icamunia iyoŋ eure ke ekinyate ŋolo abobon; tocamu akikyaarit kaŋ ŋakan kaŋ lopite ŋolo icamunia iyoŋ amuronot ŋina ka ataboŋ.

Awos. 29:39

Ya ikale ipei taparacu Namuroet, ido iya ŋinice eboŋ.

Awos. 29:41

Ya imesek ŋinice daŋ eboŋ, ido iya ikwapei ainakinet akimuj ŋina etya ŋina iyait iyoŋ iyai ikale ŋini ka ataparacu. Erae ŋun ŋamuja ŋuna akainakinitae ayoŋ Ekapolon, ŋamuja ŋuna epeyo akabobokinit ayoŋ eure kec eketalakarit.

Awos. 8:14

Totukonokis ŋituŋa ŋakidodoka ŋuna apotu kitobosut akwap ŋin tul.

Isa. 16:12

Ani ecunakinosi ŋituŋa a Moab akilip nakibois kec ŋina aoyan, ituupasi akilip a nen koŋin; ani elosete ikes akilip nakiriket kec, emam ibore eryamunete.

Isa. 46:7

Eryoŋeneneete ikes akuj ŋin aloseketa kec, kiwoko, tosodo tosipokis nakibois ŋina eseunito ikes aŋuna keŋ, kimyekinae ewoi a nen; nyepedori akuj ŋin akiyotokin a nen. Ani kilip ituŋanan neni keŋ, emam aboŋokinet eryamuni ituŋanan ŋin, kori nyepedori akuj ŋin alakun idiotuŋanan alocan.

Dan. 9:21

ka ani eriŋa ayoŋ erworo elipi, bu Gabriel ŋolo sek eŋolikinit ayoŋ anakisileerekinet neni kaŋ ekeri nooi topori, abu iŋes bu neni kaŋ, apaki ŋina einanakinere amuronot ŋina ke eboŋ.

Ŋigal. 4:8

Koloŋ sek, pa iyenete iyes Akuj, ido ipotu toruworos ŋipi ŋulu a ŋakujo a ŋuna nyerae Akuj ŋina a kire.

1 Sam. 10:5

Kilunyar a nen, idoli iyoŋ Gibeas-Eloim, nakibois ŋina elomito ŋasigarya a Ŋipilistin. Ani idoli iyoŋ nen ilomari lotaun, iryamasi ka atukot a ŋikadwarak etiyaun anakibois a ŋinamukur etiŋito: Aduŋgu, ebur ka apilu ta agita, idoŋaete. Iryamuni iyoŋ ŋikadwarak edwarete.

1 Sam. 18:10

Akoloŋit ŋina atupakini ŋin, abu etau ŋolo aronon aneni ka Akuj bu neni a Saul egogoŋ nooi, kisyak iŋes akirworo bon ecela alokidiŋ akai keŋ. Apaki ŋin, abolya Daudi agita, lopite ŋolopei sek abolyaa a ŋinakoloŋit, ido atiŋit Saul apaki ŋin akwara keŋ;