1 Ŋirw. 18:26 - Ebaibul

²⁶ Aŋun, apotu ikes kipakasi emoŋ ŋolo ainio ikes, ido kitemokis. Tonyarata ikes ekiro a Baal ŋinapei taparacu akitodol kidiŋ apaaran. Tocela ikes ebasi, “Okoe Baal toboŋokinoe isua!” Nai mam etoil aponi kirarae, mam ŋini abu toboŋok ikes. Nai apotu torubakis idoŋaete irimete namuroet ŋina adukito ikes.

1 Ŋirw. 18:26 Iomraidhean Croise

1 Ŋirw. 18:24

Kirikakin nai nen, inyaraete iyes ekiro ka akuj kus, ido anyarae ayoŋ ekiro ke Ekapolon. Ŋina ikiboŋokini anakujo a ŋun yau akim, iŋes erae Akuj ŋina a kire.” Toboŋokis ŋituŋa daadaŋ temasi, “Ejokak ŋakiro ŋuna irworo iyoŋ.”

1 Ŋirw. 18:25

Tolimok nai Eliya ŋikadwarak a Baal tema, “Tosyaasi epei alomoŋin a lu kitemokis eriŋa ayoŋ, anerae ilalak iyes; ani kitemokis, tonyarata ekiro ka akuj kus, nai nyinokakis akim.”

1 Ŋirw. 18:27

Ani edoli kidiŋ apaaran, tokyenar Eliya ikes tema, “Tocelutu nooi! Kire jik erae iŋes akuj; acepaki etamatamae iŋes, kori elalakinit etic, kori elosit iwace, kori acepaki ejotoe, ido emaikina kitekyenyunae.”

Awos. 8:14

Totukonokis ŋituŋa ŋakidodoka ŋuna apotu kitobosut akwap ŋin tul.

Isa. 37:38

Akoloŋit apei eriŋa Senakerib ilipi alokai a akuj keŋ a ŋina anyaritae Nisirok, apotu ŋidwe keŋ ŋulusapa Adiramalek ka Sareser toara iŋes a ekileŋ, ido tosiwa nakwap ŋina ka Ararat. Abu lokoku keŋ ŋolo anyaritae Esaradon kilunyokin lokicoloŋ keŋ kipuka Asiriya.

Isa. 44:17

Akitoe a ekitoe a ŋol nenice daadaŋ, ituruwori iŋes akuj, akuj keŋ, eryediki kijuuru alokiŋaren kilip neni keŋ, etemari iŋes ilipi neni keŋ ebe, “Toiunae ayoŋ, anerae irae iyoŋ akuj kaŋ.”

Isa. 45:20

Tocunakinos, ido potu kaapei, tocunakinos, ido potu iyes ŋituŋa kaŋ ŋulu irae ŋipiya anakwapin. Emamukatar ŋituŋa ŋulu iwokito ŋakujo aosou, ŋituŋa ŋulu iwokito ŋakujo ŋuna erae ŋakito, ido erubakinito ikes ilipete neni a akuj a ŋina nyepedori aiun.

Isa. 46:7

Eryoŋeneneete ikes akuj ŋin aloseketa kec, kiwoko, tosodo tosipokis nakibois ŋina eseunito ikes aŋuna keŋ, kimyekinae ewoi a nen; nyepedori akuj ŋin akiyotokin a nen. Ani kilip ituŋanan neni keŋ, emam aboŋokinet eryamuni ituŋanan ŋin, kori nyepedori akuj ŋin alakun idiotuŋanan alocan.

Yer. 10:5

Ikwaan ŋakujo kec ka ŋiboorei ŋulu itwarere ŋikyeny alomanikor a ŋolo itakinitae ŋakolil, nyepedorete ŋakujo ŋun akirworo, iwokitae ikes anerae nyepedorete alosit. Nyikuryaketa aŋuna kec, anerae nyepedorete ikes akitiya aronis, kori nyepedorete daŋ akitiya ajokis.”

Dan. 5:23

idau iyoŋ akitopoloor bon anaŋerit Ekapolon ŋolo eyai nakuj. Adaun ayaun ŋiboro ŋulu ka Akai keŋ neni kon, ido isitiyata iyoŋ ka ŋikapolok kon, ŋaberu kon ka ŋaberu kon ŋuna nyiisitae ŋiboro ŋul amasya epiini. Ipur iyoŋ ŋakujo ŋuna itiyaunitae a egolid, a esilipa, a eburonis, a ŋasuwa ka a akitoe ta a amoru, ŋakujo ŋuna nyiteete kori nyepupete, kori nyeyenete ŋakiro; nai nyitopolooro iyoŋ Akuj ŋina ikiinit iyoŋ ekieŋanu, Akuj ŋina ikidarit iyoŋ aloticisyo kon a daadaŋ.

Yona 1:5

Tobul ŋikametok ameeli, kiworou ŋolokile neni ka akuj keŋ. Kimasasi ikes ŋiboro anameeli nanam ikotere towowoku ameeli. Nai keberakin sek Yona alomar neni esibit akai anameeli neni ajotoo iŋes nooi.

Abak. 2:18

Nyo epoida a akuj a ŋina itiyaunitae? Erae iŋes ibore koŋin ŋini erae ituŋanan itiyaunit, emam ŋakiro ŋuna ikilimokini, nai irworosi ŋiketiyaunak kec alyokonu aŋuna kec. Anijokis itiyae iŋes neni a ŋini abu kiceu iŋes, ikotere kikinyomae iŋes? Erae iŋes akuj ŋina itiyaunitae ka erae iŋes koŋin, nyirworo.

Abak. 2:19

Ekaŋ iyes, ŋulu ibasi neni ka akitoe ebe, “Tonyou!” Kori neni ka amoru ebe, “Tonyou!” Epedori mono akuj ŋina itiyaunitae alimokin iyoŋ ŋakiro ŋadi a? Epedoryo akuj ŋin bon akitiyaun ke esilipa, kori ke egolid, nai mam akiyar eyai tooma keŋ.

Sepan. 1:9

Esicani ayoŋ akoloŋit ŋin daadaŋ ŋulu ilipete neni a ŋakujo car, ŋulu ilelebete ŋakais a ŋakujo kec ŋiboro ŋulu edemyo ŋituŋa ka aryenyeo ta amodiyo.

Mat. 6:7

“Ŋolopite ilipya iyoŋ, nyiyat ŋakiro ŋuna alalak ŋuna emam apolou, ikwa ŋituŋa ŋulu nyeyenete Akuj, ŋulu ebasi kori epedoryo akiirar ikes aŋuna a ŋakiro kec a ŋuna alalak.

1 Ŋikor. 12:2

Iyenete iyes atemar apaki ŋina iraakatar iyes ŋituŋa ŋulu pa inupito Akuj ŋina a kire, aponi ikitooliyor iyes alorotin a ŋulu alalak nakujo ŋace ŋuna etwakito.

1 Ŋikor. 8:4

Aŋun nai, ŋuna etapito akinyam ŋamuja ŋuna einanakinio erae amuronot nakujo ŋace: ikiyeni atemar erae ŋakujo ŋuna kitiyauna ŋuna eyakasi nakwap ŋakoŋinae. Eyai Akuj apei bon.

1 Sam. 5:3

Ani taparacu enyounete ŋituŋa ŋulu ka Asidod toryamut Dagon imasakina kwap edot aloreet, eyai kiŋaren Asaduku ŋina ke Ekapolon. Kikeut nai ikes Dagon kiwuakis nenipei sek ayai.