1 Ŋirw. 18:24 - Ebaibul

²⁴ Kirikakin nai nen, inyaraete iyes ekiro ka akuj kus, ido anyarae ayoŋ ekiro ke Ekapolon. Ŋina ikiboŋokini anakujo a ŋun yau akim, iŋes erae Akuj ŋina a kire.” Toboŋokis ŋituŋa daadaŋ temasi, “Ejokak ŋakiro ŋuna irworo iyoŋ.”

1 Ŋirw. 18:24 Iomraidhean Croise

Akisy. 4:26

Touru Set daŋ isapat, tolimok ekiro Enos. Apaki ŋin nai esyakiniata ŋituŋa akikinyomit ekiro ŋolo ke Ekapolon.

2 Sam. 14:19

Kiŋit erwosit iŋes tema, “Mam kire nyirworito iyoŋ ka Yoab ŋakiro ŋun daadaŋ a?” Toboŋok aberu ŋin tema, “Ekoŋi ayoŋ ekapolon kaŋ erwosit neni kon atemar ani ca kire eriŋa iyoŋ iyari, mam ituŋanan emaikina ikimunon iyoŋ ŋakiro ŋadi ŋuna iŋita iyoŋ ekapolon kaŋ erwosit. Iyookino, Yoab eketiyan kon abu ekecik ayoŋ, erae iŋes abu okolimok ayoŋ aketiyan kon ŋakiro daadaŋ ŋuna akalimok ayoŋ iyoŋ.

1 Ŋirw. 18:23

Yautu ŋimoŋin ŋiarei neni kosi a ŋikadwarak. Emaikina ŋikadwarak a Baal tosyaasi epei aŋuna kec, toara, totubutuboto, ido kiwuakis kidiama ŋakito nai nyinokakis akim. Aari ayoŋ emoŋ ŋoloce, ido ewuak kidiama ŋakito nai nyenokakini ayoŋ akim.

1 Ŋirw. 18:25

Tolimok nai Eliya ŋikadwarak a Baal tema, “Tosyaasi epei alomoŋin a lu kitemokis eriŋa ayoŋ, anerae ilalak iyes; ani kitemokis, tonyarata ekiro ka akuj kus, nai nyinokakis akim.”

1 Ŋirw. 18:38

Tocakun nai akim ke Ekapolon, tonyamuwa ainakinet ŋina epeyo ŋin, ŋakito, ŋamoru ka ŋalup, kideuwa tari ŋakipi ŋuna aya nakitelosit.

1 Ŋirw. 18:39

Ani iŋolikinete ŋituŋa daadaŋ ŋun, toramakinos kwap, kijuuroto, temasi, “Erae Ekapolon Akuj kire! Erae Ekapolon Akuj kire!”

1 Ŋirw. 2:38

Tema Semei neni ka erwosit, “Ejokak ŋakiro ŋuna ilimu iyoŋ; ikwapei ilimunio iyoŋ ekapolon kaŋ erwosit, etiyae ayoŋ eketiyan kon ŋun.” Aŋun, abu Semei kiboi alo Yerusalem ŋirwa ŋulu alalak.

1 Ŋakiro a ŋirwa 21:26

Abu Daudi todukok Namuroet a Ekapolon nen, ido inak Ekapolon ŋainakineta ŋuna epeyo ka ŋuna ke ekisil. Kilip Daudi neni ke Ekapolon, ido abu Ekapolon toboŋok ŋakilipasinei keŋ, kiyaku akim anakuj, min Namuroet ŋina a ŋainakineta a ŋuna epeyo.

2 Ŋakiro a ŋirwa 7:1

Ani irikakini Solomon akilip, totiyaun akim anakuj tonomiya ŋainakineta ka ŋamuronisya ŋuna epeyo, ido abu akica ŋina ka ayakau a Akuj kilelebun Kai ka Akuj.

2 Ŋakiro a ŋirwa 7:3

Ani iŋolikinete Ŋisirael daadaŋ akim etiyaun kwap ka akica ŋina ke Ekapolon emini kidiama Akai ka Akuj, toryediko aneni enaminamitae ŋamoru, kijuuroto todolo ŋireetin kwap, ido kilipa elakara neni ke Ekapolon ebasi, “Ejok Ekapolon; anerae erubakini amina keŋ ŋina nyiryaŋiryaŋa eyai ŋikaru ka ŋikaru.”

Isa. 39:8

Tolimok nai Esekia Isaya tema, “Ejok akirot a Ekapolon ŋina ilimu iyoŋ.” Atamatamae Esekia ikona, “Abe ejok bo erae ca keyakaun ekisil, akinapakina alorwa a ŋulu ayarya ayoŋ.”

Yer. 27:18

Ani kire kerae ikes ŋikadwarak ka ani kire keya ŋakiro a Ekapolon neni kec, emaikina ikes kilipa Ekapolon ŋolo erae Ekapolon ŋolo a ŋajoresyo ikotere nyimyek yaarae Babilon ŋiboro ŋulu idoŋito Kai ka Akuj ka kai a erwosit a Yudaya ta Yerusalem;

Ŋilep. 9:24

Bu akim aneni ke Ekapolon, tonyamuwa ainakinet ŋina epeyo ka asepwae alokidiama namuroet; ani iŋolikinete ŋituŋa daadaŋ ŋun, tocelut elelyanete, ido toryediko kijuuroto.

Ŋikat. 6:21

Tolemu nai emalaika ŋolo ke Ekapolon ebela keŋ ŋolo sek atiŋit iŋes, totapak ebela ŋol nakiriŋ ka namugati ŋuna amam ŋakinyalet, tonoku akim anataaba, tonomiya akiriŋ ka ŋamugati ŋuna amam ŋakinyalet, tosodi abu emalaika ŋolo ke Ekapolon toŋopiya alokiŋaren keŋ.