1 Ŋirw. 17:6 - Ebaibul

⁶ Yaununut ŋikurukwa neni keŋ ŋamugati ka akiriŋ a ŋinataparacu ka a ŋinataboŋ; ido amasi iŋes a nayonae.

1 Ŋirw. 17:6 Iomraidhean Croise

1 Ŋirw. 13:28

Torotok nai iŋes toryamu akuwan a ekile a ŋol imasakinitae lorot, ewuasi esigirya ka eŋatuŋ alodiyete akuwan. Ariŋa eŋatuŋ nyenyama akuwan ŋin, kori nyisiiryakina esigirya.

1 Ŋirw. 17:5

Aŋun, abu Eliya tolot, kitiya ikwapei alimunitor Ekapolon anakirot keŋ, tolot iŋes kiboi alodiyete ayonae Ceris, ŋina ayai Kide Yorodan.

1 Ŋirw. 17:7

Nai ani elunyar apaki adio, kijuwa ayonae toono deu, anerae amam akiru anakwap a ŋin.

1 Ŋirw. 19:6

Toŋoleŋolek iŋes, kiŋolik alodiyete akou keŋ amugati ŋina apeyo a ŋamoru a ŋuna amwanak, ido ayai nen amot a ŋakipi. Kimuj iŋes ka tomat, ido toper nabo.

1 Ŋirw. 19:8

Tonyou iŋes kimuj, ido tomat, torotok nai keryamu agogoŋu kedau akimuj. Torubak iŋes elosi alorot ŋapaarasya ŋatomoniomwon ka ŋakuwarisya ŋatomoniomwon, akitodol ŋina adolio iŋes Oreb, lomoru ŋolo ke Ekapolon.

Ŋikiru. 33:18

Kire jik, ite Ekapolon ŋulu itopoloorito iŋes, ite Ekapolon ŋulu iwuakinito akigeno kec namina keŋ ŋina nyiryaŋiryaŋa.

Ŋikiru. 37:19

Nyeryamunete ikes ŋican alorwa a ŋulu aronok, eyakaunotor ikes akimuj ŋina alalan alorwa a ŋulu ke eron.

Ŋikiru. 37:3

Kikinyoma Ekapolon ka kitiyata ŋuna ajokak; ikotere iboiyete iyes anakwap ka emam ŋace.

Awos. 16:35

Kimuja Ŋisirael Manna ŋikaru ŋatomoniomwon, akitodol ŋina adolunioto nakwap ŋina apotu kiboikinos. Apotu ikes kimuja Manna akitodol ŋina adolunito lokukoru ŋolo ka akwap a Kanaan.

Isa. 33:16

Ŋituŋa ŋulu ikote nen ikes eyarete aneni emam ŋican, eiunosi ikes anataaba a ŋina esibit aduketait ŋinajiet, einanakinio ikes akimuj kec ka eyakaunotor ikes ŋakipi a ŋinapaki.

Yer. 37:21

Aŋun, abu erwosit Sedekia tolimu atemar yae Yeremia nalapatu ŋina eboiyoto ŋasigarya ŋuna iyokiyete akai a erwosit ka aponi a ŋinakoloŋit inakinae iŋes amugati ŋina ayaununuyo alorot a ŋolo aya ŋikepok ŋamugati, akitodol neni adaunotor ŋamugati alotaun. Aŋun, abu Yeremia kiboi analapatu a ŋina eboiyoto ŋiketeok akai a apukan.

Yer. 40:4

Topupok tokona, adau ayoŋ alacar nakoloŋit na ŋiriko ŋulu aya nakejen kon. Ani kicamit iyoŋ alosit ka ayoŋ Babilon, bua apena, ekericakini ayoŋ iyoŋ ejok, nai ani pa kicamit iyoŋ alosit ka ayoŋ Babilon, nyemaikina ibu, kiŋolik, eyai akwap ŋin daadaŋ kiŋaren kon, tolot neni itami iyoŋ ejok ka iyookino iyoŋ alosit.

Ekim. 11:23

Toboŋok Ekapolon Moses tema, “Edit mono apedor ke Ekapolon a? Iŋolikini iyoŋ tokona, kiyookin ŋakiro kaŋ, kori pa kiyookin.”

Mat. 19:26

Kitek Yesu ikes tema, “Alotuŋa nyepedorosi, nai aneni ka Akuj epedorosi ŋiboro daadaŋ.”

Luk. 22:35

Kiŋit Yesu ikes tema, “Ŋina ekeyakiaritor ayoŋ iyes emam ecwee ŋolo a ŋisiliŋa, ekikapu kori ŋamuk, ayai ibore ŋini ipotu iyes kicanakinosi a?” Toboŋokis ikes temasi, “Amam ibore ikicana.”

Ŋibur. 6:18

Tokona eya ŋakiro ŋaarei nu, akiikinet ka akikoŋiet, ŋuna nyiloconokinosi kori ŋuna nyelimuni Akuj alyokonu jik. Aŋun, itemokino iwon ŋulu ikiem akimec neni keŋ, oyakatar atitinyu ŋina ikirubakinia ikigeno ŋuna eponito alokiŋaren.

Ŋikat. 14:14

Tolimok nai Samuson ikes tema, “Abu ibore ŋini enyamyo tolomu alotooma ibore ŋini epedori akinyam, abu ibore ŋini abobon tolomu alotooma ibore ŋini agogoŋon.” Nai apotu ŋirwa ŋiuni tolunyaros eriŋa ŋikilyok ŋul nyetedoro ŋakiro ŋun.