1 Ŋirw. 17:18 - Ebaibul

¹⁸ Tema apuserut ŋin neni ke Eliya, “Anukiro eya iyoŋ, ŋuna ikitoronitor iyoŋ ayoŋ, okoe ekile ŋolo irae ituŋanan ŋini ka Akuj? Ibu iyoŋ neni kaŋ akitatamun ayoŋ asecit kaŋ ka iyau atwanare neni alokoku kaŋ.”

1 Ŋirw. 17:18 Iomraidhean Croise

Akisy. 44:16

Kiŋit Yuda iŋes tema, “Anukiro tokona elimunio isua ekapolon kosi? Anukiro ikirworikini? Alipite elemarere isua ŋileec aneni kosi? Adau Akuj aryamun asecit a ŋiketiyak kon; isua nai tokona lu ŋipi a ekapolon kosi, isua kaapei ka ŋolo aryamunere ekopo.”

Akisy. 50:15

Ani eanyunete ŋikaitotoi a Yosepu atemar atwana papa kec, temasi, “Ani mono keriŋa Yosepu ikimanit iwon, ido kinyaŋa ŋuna aronok ŋuna aponi iwon kitiyae neni keŋ?”

Akisy. 50:17

‘Tolimokisi Yosepu nu: Ekemaimai ayoŋ iyoŋ, kisyoni ŋikaitotoi kon aŋuna aronok aŋuna apotu ikes kitiyata neni kon itogyelasi iyoŋ.’ Aŋun nai, tokona ikimaimai isua iyoŋ, kisyoni adyakaret a ŋiketiyak a Akuj a ŋina a papa kon.” Kikalou Yosepu irworikinete ikes neni keŋ.

2 Sam. 16:10

Nai kiŋit erwosit Abisai tema, “Anukiro mono emaikina ayoŋ etiya neni kus ŋidwe a Seruia ŋulusapa? Ani kicenonor iŋes aŋuna alimokinia Ekapolon ebe, ‘Kicen Daudi’ ŋae nai epedori akiŋita ebe, ‘Kaanukiro icenio iyoŋ Daudi?’ ”

2 Sam. 19:22

Nai abu Daudi kiŋit iŋes tema, “Nyo mono emaikina ayoŋ etiya neni kus ŋidwe a Seruia ŋulusapa, aŋuna iruworotor iyes nakoloŋit na ŋimoe kaŋ? Ejok mono akiar ituŋanan idio alo Isirael akoloŋit na a? Nyeyenuna mono ayoŋ akoloŋit na atemar arae ayoŋ erwosit ŋolo epukat Isirael a?”

1 Ŋirw. 12:22

Nai abu akirot ka Akuj na bu neni a Semaia a ekile ŋolo amina Akuj ebe,

1 Ŋirw. 13:1

Ani eriŋa Yeroboam ewoi alodiye Namuroet icunyanakini ekinyate, bu ekile ŋolo alo Yudaya ŋolo arae ituŋanan ŋini ka Akuj, ayakar ekile ŋol akirot aneni ka Akuj aŋuna a Besel.

1 Ŋirw. 17:17

Ekaku aŋun, todyakakin lokoku ka aberu a ŋin a ŋinalope akai, todyakakin edya ŋol nooi neni aronon, ido kiridak.

1 Ŋirw. 17:19

Nai tema Eliya neni keŋ, “Yau lokoku kon neni kaŋ.” Kijaa Eliya edya anatorobu a toto keŋ, todaka ya nagule ŋina aperi iŋes, ŋina ayai kidiama, kiperik Eliya edya lokitaada keŋ.

1 Ŋirw. 18:9

Kiŋit Obadia iŋes tema, “Anukiro etiyat ayoŋ ŋuna aronok, ŋuna ikipotokinio iyoŋ ayoŋ ŋolo arae eketiyan kon nakan ka Aab okoari?

1 Ŋirw. 20:28

Bu ekile ŋolo arae ituŋanan ŋini ka Akuj diyete neni ayai erwosit a Isirael tema, “Ebala Akuj, ‘Aŋuna etamyata Ŋiramean atemar erae Ekapolon Akuj ŋina eyai lomukura, meere Akuj ŋina eyai neni emam ŋimukura, akajalakini ayoŋ iyoŋ ajore na ŋina alalan ŋin toar, ido nai iyenuni iyoŋ atemar arae ayoŋ Ekapolon.’ ”

2 Ŋirw. 1:9

Abu erwosit Aasia kiyakiya ekarikon a ŋasigarya erikit ŋasigarya ŋatomonikan. Tolot ekarikon a ŋasigarya, torukau Eliya iboi alomukura, tolimok tema, “Iyoŋ, ekile ŋolo irae ituŋanan ka Akuj, ebala erwosit Aasia iyoŋ todoku kwap.”

2 Ŋirw. 3:13

Abu Elisa kiŋit erwosit Yeoram ŋolo a Isirael tema, “Inyoni iitanit iyoŋ aneni kaŋ? Tolot lokadwarak a papa kon ka toto kon.” Nai tolimok erwosit a Isirael iŋes tema, “Mam, erae Ekapolon ikinyarau isua ŋirwosi ŋiuni akitaar ŋituŋa a Moab.”

2 Ŋakiro a ŋirwa 35:21

Nai kebu Neko kiyakiya ŋituŋa neni a Yosia tema, “Alibura eyai kidiŋ iyoŋ ka ayoŋ erwosit a Yudaya? Nyabunit ayoŋ neni kon nakoloŋit na, nai abunit ayoŋ akitijiore ŋituŋa ŋulu erae ŋimoe kaŋ; akalimoki Akuj ayoŋ akitiya ŋun atipei. Toesik akitepeg Akuj ŋina ikirukit ka ayoŋ, ikotere nyikimunya iyes.”

Yob 13:23

Okoe Akuj, ŋaai mono ŋadyakanareta kaŋ ka ŋasecisya kaŋ? kimyekinae ayoŋ oyenu adyakaret ka asecit kaŋ.

Yob 13:26

Anerae igirit iyoŋ ŋakiro ŋuna apipilak ikiremokino ayoŋ, ido ikiteryamu ayoŋ ŋican anakiro aŋuna etiyat ayoŋ anasoroko kaŋ.

Ekim. 5:15

emaikina ekile ŋol yau aberu keŋ neni a esacaradoti kaapei ka ainakinet aŋuna ka aberu keŋ, emaikina iŋes yau akilo ŋina a ŋakirya a ŋuna a ŋikinyom a ŋulu esibito erau, nai nyemaikina iŋes kinyalak akimyet, kori kiwuak ekinyate, anerae erae ŋin ainakinet ŋina a ŋikinyom aŋuna ka atamakinit atemar esecit ituŋanan, ainakinet ŋina a ŋikinyom ŋina isileereunere ŋakiro ŋuna a kire.’

Mat. 8:29

Kiworout ŋikilyok ŋul temasi, “Anukiro eya iyoŋ ka isua, Lokoku ka Akuj? Ibunit iyoŋ amunyar isua eriŋa apaki nyedolo a?”

Mar. 5:7

kiworou nooi tema, “Anukiro eya iyoŋ ka ayoŋ, Yesu Lokoku ka Akuj, a ŋina alokidiama nooi? Ekemaimai kare ca ayoŋ iyoŋ aŋuna ka Akuj ebe, nyikisican kare ca!”

Mar. 6:16

Nai ŋina eirarya Erode ŋakiro ŋun, abu tema, “Yoana monopei ŋolo atubori ayoŋ akou ayaru a?”

Luk. 4:34

“Wooi! Eya iyoŋ ŋakiro ka isua Yesu ŋolo a Nasaret a? Ibunit iyoŋ amunyar isua a? Akayeni ayoŋ iyoŋ, irae iyoŋ ŋolo Asegan ŋolo ka Akuj!”

Luk. 5:8

Ani iŋolikini Simoni Petero ŋakiro ŋuna apotu kitiyakin, toryedik alokiŋaren Yesu tema, “Ekapolon, kiyotok aneni kaŋ, anerae arae ayoŋ ekasecan!”

Luk. 8:28

Ani iŋolikini iŋes Yesu, kiworou toramakin kiŋaren keŋ, tocelu tema, “Anukiro eya iyoŋ ka ayoŋ, Yesu Lokoku ka Akuj, a ŋina alokidiama nooi? Akadyekit ayoŋ iyoŋ atemar, nyikisican kare ca!”

Yoa. 2:4

Tolimok Yesu iŋes tema, “Okoe akimat! Kaanukiro eraakar iwon ikimitakinit? Eriŋa apaki kaŋ nyedolo.”

Ŋikat. 13:6

Abu nai aberu ŋin tolot, tolimok ekile keŋ tema, “Abu ekile ŋolo arae ituŋanan ŋini ka Akuj bu neni kaŋ etakani akuwan keŋ esibit emalaika ŋolo ka Akuj, arae iŋes ŋolo ikitubuli nooi; nyiŋita ayoŋ neni kebunio iŋes ka nyelimokina iŋes ayoŋ ekiro keŋ,

1 Sam. 16:4

Abu nai Samuel kitiya ŋuna ecikit Ekapolon, bu tari Betelem. Potu ŋikasikou a Betelem akisiryam Samuel emaranete, kiŋita Samuel temasi, “Ibunit iyoŋ isilit a?”