1 Ŋirw. 16:13 - Ebaibul

¹³ Arae ŋun a ŋuna a ŋasecisya a Baasa ka ŋasecisya ŋuna ka Ela alokoku keŋ, ŋasecisya ŋuna kepotu ikes kitiyata, ido apotu torikokis Ŋisirael, toseca, ido apotu kitoŋoa Ekapolon Akuj a Ŋisirael a ŋakujo kec.

1 Ŋirw. 16:13 Iomraidhean Croise

1 Ŋirw. 14:16

Ipotori Ekapolon Ŋisirael aŋuna a asecit a ŋina etiya Yeroboam, ido abu torikok Ŋisirael nasecit.”

1 Ŋirw. 15:16

Apotu Asa ka Baasa erwosit ŋolo a Isirael torubakis ejiete ŋirwa daadaŋ ŋulu ka akiyar kec.

1 Ŋirw. 15:30

Arae ŋun aŋuna a ŋasecisya a Yeroboam ka aŋuna abunio iŋes torikokinia Ŋisirael nasecit ta aŋuna abunio iŋes kitoŋoya Ekapolon Akuj a Ŋisirael.

1 Ŋirw. 16:26

Abu iŋes kiwuap ŋuna etiyat Yeroboam lokoku a Nebat ka abu kiwuap asecit ŋina abunio Yeroboam torikokinia Ŋisirael nasecit kitoŋo Ekapolon Akuj a Ŋisirael a ŋakujo kec.

2 Ŋirw. 17:15

Apotu tojamuwasi ŋikisila a Ekapolon ka acamunet ŋina acamunotor iŋes ka atapapaa kec ta ŋakiyayanakineta ŋuna aris kisiirar ikes. Kiwuapa ikes ŋakujo ŋuna koŋinae toruworos ikes ŋikoŋinae. Kiwuapa ikes ŋipitesyo a ŋituŋa a ŋulu ebakito ka ikes, a ŋulu aris Ekapolon Akuj kicik ikes nyiwuap ŋipitesyo kec.

Isa. 41:29

Mam ipei daŋ, erae ikes daadaŋ ŋikalyokonok; erae ŋiticisyo kec ŋikoŋinae; erae ŋitorubei kec ekuwuam koŋin.”

Yer. 10:15

Erae ŋitorubei ŋul ŋicaryo, erae ŋulu itiyaunitae aŋuna ka ajamuwaro; apaki ŋina isicanere ikes, eŋopiyarete ikes.

Yer. 10:8

Imasimasit ka ebaŋaaka ikes daadaŋ; emam akitatam ŋina ejok ŋina eryamunete ikes aneni a ŋakujo a ŋunacaryo.

Yona 2:8

Ŋulu ilipete neni a ŋakujo a ŋunacaryo, adaut akiŋer Akuj ŋina isyonene ikes.

1 Ŋikor. 8:4

Aŋun nai, ŋuna etapito akinyam ŋamuja ŋuna einanakinio erae amuronot nakujo ŋace: ikiyeni atemar erae ŋakujo ŋuna kitiyauna ŋuna eyakasi nakwap ŋakoŋinae. Eyai Akuj apei bon.

Ŋikis. 32:21

Apotu ikes eketililikis ayoŋ ibore ŋini nyerae akuj, eketoŋoa ayoŋ a ŋitorubei kec a ŋulu a ŋakujo. Aŋun, ainakini ayoŋ ikes tolilikis ibore ŋini nyerae ituŋanan, kitoŋoa ŋituŋa ŋulu abaŋaaka ikes.

1 Sam. 12:21

Nyiminakis ŋiboro ŋulu erae ŋikoŋinae ŋulu emam epoida, kori ŋulu nyikiunete, anerae erae ŋikoŋinae.