1 Ŋirw. 15:4 - Ebaibul

⁴ Kikote neni daŋ aŋuna a Daudi, abu Ekapolon Akuj keŋ kiturubak ŋituŋa a Daudi eyakasi Yerusalem aŋuna abunio kilunyokinia lokoku keŋ kipuka ka aŋuna abunio kituruworya Yerusalem akibois ŋina emam ituŋanan ereuni.

1 Ŋirw. 15:4 Iomraidhean Croise

Akisy. 12:2

Eketipituni ayoŋ iyoŋ anakwap ka eketerereŋi, ido eturuwo ekiro kon ŋolo eyenen anakwap, ikotere iyoŋ iruwor ŋolo ka arereŋu.

Akisy. 19:29

Nai ŋina enyasunia Akuj ŋitaunio ŋulu aya nadipo anakwap a ŋin, abu iŋes tominak Aburaam, ido tolema Lot alotaunio a ŋul apaki ŋina enyasunia ŋitaunio ŋul, ŋulu sek eboiyo Lot ekiŋaren.

Akisy. 26:5

aŋuna abunio Aburaam kiwuap ŋakiro kaŋ ka kiyook ŋuna abu ecikak iŋes ikwapei; ŋakiciketa kaŋ, ŋakiro ŋuna abu otub ka ŋikisila kaŋ.”

2 Sam. 21:17

Nai abu Abisai lokoku a Seruia toiu Daudi; kicum a Epilistait kimasak kwap toar. Kikoŋo nai ŋirukitos a Daudi neni a Daudi temasi, “Mam nabo jik nyikirukori iwon lojie, ikotere nyikiari iyoŋ ŋolo irae akoŋu a Ŋisirael.”

1 Ŋirw. 11:12

Nai aŋuna a Daudi a papa kon, nyetiyakini ŋun eriŋa iyoŋ iyari. Elielaari ayoŋ apukan edoli ŋirwa ŋulu ipukaa lokoku kon.

1 Ŋirw. 11:32

Nai aŋuna a eketiyan kaŋ a Daudi ka aŋuna a etaun a ŋolo a Yerusalem, a ŋolo aseu ayoŋ alokabilae a Isirael a daadaŋ, ipukae iŋes ekabila epei bon.

1 Ŋirw. 11:36

Nai ainakini ayoŋ lokoku keŋ, ekabila epei, ikotere nai erubakinete ŋituŋa a eketiyan kaŋ a Daudi eyakasi kiŋaren kaŋ alo Yerusalem, alotaun a ŋolo aseu ayoŋ toyakaun ekiro kaŋ.

2 Ŋakiro a ŋirwa 21:7

Tari kikote neni daŋ, pa acamit Ekapolon akinyasun apukan a ekal a Daudi, anerae eikinit sek iŋes eketiyan keŋ Daudi atemar etoropari ŋiletok keŋ ipukato ŋikaru ka ŋikaru.

Ŋikiru. 132:17

Sion iŋes eturuworya ayoŋ epei a ŋipapae a Daudi erwosit ŋolo apolon nooi; Sion iŋes eturubakinia ayoŋ apukan ŋina a ŋolo abu ayoŋ oseu ikwapei erwosit.

Ŋikiru. 18:28

Okoe Ekapolon, iyoŋ ikiinakinit ayoŋ akiyar; iyoŋ Ekapolon Akuj ilemari aronis aneni kaŋ ikiinak ayoŋ akiyar.

Ŋikiru. 87:5

Kire jik aŋuna a Sion, etemaryo ebe, “Keurunio lu ka ŋul alotooma Sion;” anerae itogogoŋi Akuj ŋina alokidiama nooi Sion.

Isa. 14:32

Anukiro eboŋokinio neni a ŋituŋa a ŋulu iyakuunitae alo Pilistia? Eboŋokinio ikes atemar etogogoŋ Ekapolon Sion ka eryamunete ŋituŋa ŋulu eyakatar akiitanit neni eiunotor.

Isa. 37:35

Euryari ayoŋ etaun lo oiu, aŋuna kaŋ a elope ka aŋuna a Daudi a eketiyan kaŋ.”

Isa. 62:7

ka nyisieŋut iŋes daŋ akitodol ŋina esubakinia iŋes Yerusalem kituruwo etaun ŋolo arwon anakwap a daadaŋ.

Isa. 9:7

Erubakini apedor keŋ iyata jik, ido eyakaun ekisil ŋoloruba napukan keŋ, ilunyokin iŋes lokicoloŋ a Daudi kipuka, itogogoŋi iŋes apukan keŋ, anakitub ŋakiro eriyan ka anakiyookino ameun alorwa a lu tari ŋikaru ka ŋikaru elelakinit Ekapolon ŋolo a ŋajoresyo akitiyakin ŋun.

Yer. 33:2

Ŋakiro nu ikes abu Ekapolon ŋolo asubuni akwap, Ekapolon ŋolo ayeuni akwap kiwuak lopite ŋolo eyakar, Ekapolon iŋes ekiro keŋ. Abu iŋes tema,

Mat. 16:18

Akalimokini ayoŋ iyoŋ atemar, irae iyoŋ Petero, (apolou keŋ atemar ataaba.) Nataaba ŋin iŋes adukokini ayoŋ akai kaŋ ka nyepedori atwanare akiloun iŋes.

Luk. 2:32

Akica ŋina ecaikini lobukui ŋulu nyerae Ŋiyudayan, ka ŋina erae akipuro ŋina a ŋituŋa kon Isirael.”

Yoa. 8:12

Kirwor nabo Yesu neni kec tema, “Arae Ayoŋ akica ŋina ka akwap; ŋini ekewuapakini ayoŋ, nyelomari nakiryonut, nai eryamuni akica ŋina ka akiyar.”

Ŋirom. 11:28

Aŋuna eŋeritotor Ŋiyudayan Ŋakiro ŋuna Ajokak, eraakasi ikes ŋimoi ŋulu ka Akuj ikotere iyes ŋulu nyirae Ŋiyudayan. Nai aŋuna aseunia Akuj ikes, eraakasi ikes ŋikonei keŋ aŋuna atapapaa kec.

Ŋikis. 4:37

Tosodi aŋuna amina Akuj atapapaa kus, abu ekaku toseu ŋiletok kec. Abu ikiyau iyes alo Ijipit irukito ka iŋes a apedor keŋ a alope,

Akis. 22:16

“Ayoŋ Yesu eyakuunit emalaika kaŋ akiteyenun iyes ŋakiro nu anatukon a Ŋikristo. Arae ayoŋ ataagoroit ka alyasit--eletonit ŋolo anateker a Daudi; arae ayoŋ etop ŋolo ka ataparacu ŋolo enepi nooi.”