1 Ŋirw. 15:22 - Ebaibul

²² Tolimok nai Asa ŋituŋa a Yudaya daadaŋ atemar emaikina ŋituŋa daadaŋ emam akimyekin tari idio, toloto kiwokut ŋamoru ka ŋakito alo Rama ŋuna sek adukio Baasa. Abu erwosit Asa kisitiya ŋamoru ka ŋakito ŋun adukio Geba ka Misipa, ŋitaunio ŋulu aya Benjamin.

1 Ŋirw. 15:22 Iomraidhean Croise

1 Ŋirw. 15:17

Abu Baasa erwosit ŋolo a Isirael kitipeiyo Yudaya kisyak akiduk Rama kojokon, aŋuna ka akiretakin ituŋanan ŋini ebuni aneni ka Asa, kori elosi neni ka Asa a erwosit a ŋolo a Yudaya.

2 Ŋirw. 23:8

Tonyarau iŋes ŋisacaradotin alotaunio a Yudaya a daadaŋ, ido tomunaiyana ŋaduketa ŋuna aya nenimukur neni sek ainanankineta ŋisacaradotin ŋainanakineta neni a ŋakujo. Tomunaiya iŋes ŋaduketa ŋuna aya nenimukur alo Geba akitodol Beeriseba. Tobwaŋabwaŋaya ŋaduketa ŋuna aya nenimukur alopukei a ŋulu aya lopuke ŋolo aduli Yosua ŋolo apolokinit etaun, aya ŋaduketa ŋun alowae a ŋolo alokedyeny epuke ŋolo ke etaun.

2 Ŋakiro a ŋirwa 16:6

Abu nai erwosit Asa ya ŋikilyok ŋulu alo Yudaya daadaŋ akiwokun ŋamoru ka ŋakito alo Rama ŋuna sek adukio Baasa. Abu Asa kisitiya ŋamoru ka ŋakito ŋun adukio Geba ka Misipa.

Yer. 40:10

Ani eruwor ayoŋ, eboi ayoŋ alo Misipa okowoik iyes alokiŋaren Ŋibabiloniyae ŋulu epote neni yok; nai iyes, emaikina tolema ŋaraito a epiini, ŋaraito ŋuna ka akamu ka akimyet, kiŋadakis ikes loboro kus ka kiboiyoto alotaunio a ŋulu idaut iyes akikamar.”

Yer. 40:6

Abu nai Yeremia tolot Mesipi neni a Gedalia alokoku ka Aikam, kiboiyoto ka iŋes kaapei ka ŋituŋa ŋulu aponi kimyekinae anakwap a Yudaya.

Yer. 41:9

Arae akare ŋina emasakini Isimael ŋawat daadaŋ ŋuna a ŋikilyok a ŋulu abu iŋes toar, akare ŋina apolon, ŋina koloŋ keboki erwosit Asa aŋuna ka akiuryarya erwosit Baasa ŋolo a Isirael nyerem iŋes. Abu Isimael kilelebik akare ŋin ŋawat a ŋikilyok a ŋulu abu iŋes toar.

Sakar 14:10

Akwap daadaŋ akisyakin alo Geba tari Rimon, alo Kwap Yerusalem, emamukaun neni edipal, kori emukur nai ikeunio Yerusalem kileŋor kidiama, ido erubakini eyai nenipei sek ayai akisyakin alopuke a ŋolo a Benjamin tari neni koloŋ ayai epuke ŋolo ke ekiŋaren, tomyaa lopuke ŋolo ke ekoona, ido akisyakin anaduketait a ŋina aoyan a ŋina ka Ananel tari neni ecuyere epiini ŋolo ke erwosit.

Yos. 18:24

Kepar-Amoni, Opini ka Geba. Arae ŋul ŋitaunio ŋitomon ka ŋiarei ka ŋirerya kec.

Yos. 18:26

Misipe, Kepira, Mosa,

Yos. 21:17

Aponi alokabila a Benjamin inakinae ŋidwe ka Aron ŋitaunio lu: Geba,

1 Sam. 7:5

Tema nai Samuel, “Tocunakisi Ŋisirael daadaŋ Misipa, ido elipi ayoŋ neni ke Ekapolon aŋuna kus.”