1 Ŋirw. 15:20 - Ebaibul

²⁰ Kiira Ben-Adad ŋakiro ka Asa a erwosit, ido kiyakiya ŋikarikok a ŋajorei keŋ akirem ŋitaunio ŋulu a Isirael. Toreu iŋes ŋitaunio lu: Ijon, Dan, Abel-Bes-Maaka ka akwap ŋina anyaritae Keneres daadaŋ ta akwap a Naputali daadaŋ.

1 Ŋirw. 15:20 Iomraidhean Croise

Akisy. 14:14

Ani iirari Aburam atemar ariko ŋimoe lokoku alokaato keŋ, ya ŋikilyok ŋamiae ŋauni ka ŋitomon ka ŋikanikauni ŋulu etatamitae epite ŋolojiet, ŋulu arae ŋiyeneta keŋ; toloto kiwuapakis ŋimoe ŋul, todolo tari Dan.

1 Ŋirw. 12:29

Kiwuak iŋes ŋakujo ŋun apei Besel ka ŋinace kiwuak Dan.

1 Ŋirw. 20:1

Apaki ŋin, kebu erwosit Ben-Adad, ŋolo ka Aram tocunak ŋasigarya keŋ daadaŋ Ariito iŋes ka ŋirwosi ŋice ŋatomoniuni ka ŋiarei ka ayakatar ikes ŋaŋolei ka ŋagaari ŋuna eritae a ŋaŋolei. Toloto Ben-Adad ka ŋirwosi ŋul akirem Samaria. Kirikaut ikes Samaria toremo.

1 Ŋirw. 20:34

Tema Ben-Adad neni ka Aab, “Ekenyakakini ayoŋ iyoŋ ŋitaunio ŋulu abu papa kaŋ ya aneni a papa kon; ipedori iyoŋ akiwuakin Damasko ŋimaketa kon, lopite ŋolo abunio papa kaŋ kiwuakinia ŋimaketa Samaria.” Toboŋok erwosit a Isirael tema, “Ekemyekini ayoŋ iyoŋ tolot aŋuna a ŋakiro a ŋuna acamunoi iwon a ŋun.” Aŋun, apotu Aab tocamunos ka Ben-Adad, kimyekinae nai Ben-Adad tolot.

2 Ŋirw. 15:29

Alorwa a ŋulu epukator Pekaia Isirael, bu Tigilaspilese ŋolo epukat Asiriya torem akwap a Isirael kikama neni anyaritae Ijon, Abelebesmaaka, Yanoa, Kedec, Asor, Gilead ka Galileya, arae ŋul daadaŋ ŋirerya ŋulu ka akwap a Naputali. Kikama iŋes ŋituŋa daadaŋ ya Asiriya.

Yos. 11:2

Kiyakiya nabo ŋituŋa neni a ŋirwosi a ŋulu aya nakwap ŋina a ŋikamukumukui ŋina alowae a ŋolo alo Kuju ka neni a ŋulu aya Araba nadipo ŋina alo Kwap anam Galileya ka neni a ŋulu anadipo a ŋina a ŋikamukumukui a ŋulu a Karimel ta neni a ŋulu nadipo ka anam Mediteranian diyete Dor.

Yos. 12:3

Adolit neni epukat iŋes nakadipaalat a Yorodan, alowae a ŋolo alo Kwap anam Galileya, akitodol Besyesimos, Kide anam ŋina Atwan, kiriwor jik tari nakeju a emoru Pisiga.

Yos. 19:39

Arae ŋitaunio ŋul ka ŋirerya kec ŋulu a ekabila a Naputali a ŋatekerin kec.

Ŋikat. 18:29

Tolimokis ikes ekiro a etaun a ŋol Dan, ekiro a papaa kec Dan a ŋolo arae lokoku a Isirael, nai arae sek ekiro a etaun a ŋol Lais.