1 Ŋirw. 15:18 - Ebaibul

¹⁸ Aŋun nai, abu Asa tolemu esilipa daadaŋ ka egolid ŋolo edoŋit lositowae ŋulu ka Akai ke Ekapolon ka lositowae ŋulu ka akai ke erwosit, inak ŋiboro ŋul neni a ŋiketiyak keŋ. Kiyakiya Asa ŋiketiyak keŋ ŋul neni a erwosit Ben-Adad a lokoku a Tabirimon a ŋolo arae lokoku ka Esion a ŋolo alo Aram. Eboi Ben-Adad alo Damasko apaki ŋin. Temasi ŋiketiyak ŋul neni a Ben-Adad abala Asa,

1 Ŋirw. 15:18 Iomraidhean Croise

Akisy. 14:15

Ani ewari, totyak Aburam ŋajorei keŋ, aŋuna ka akisiryakin ŋimoe nakwaare. Toruko iŋes ka ŋiketiyak keŋ kisiiryakis ŋimoe kirita todolo tari Oba, Kuju Damasko.

Akisy. 15:2

Kiŋit Aburam Ekapolon tema, “Okoe, Ekapolon Akuj, inyoni ikiini iyoŋ ayoŋ, anerae arubak ayoŋ eboi emam ikoku, ido Eleasar ŋolo alo Damasko iŋes eruwor ekeruman ŋiboro kaŋ?”

1 Ŋirw. 14:26

Kiwok ebari ŋolo ayai Kai ke Ekapolon ka ebari ŋolo ayai kai ke erwosit, ya ibore daadaŋ alo Yerusalem, ya tari ŋaupala daadaŋ ŋuna etiyat Solomon a egolid.

1 Ŋirw. 15:15

Abu Asa yau Kai ke Ekapolon ŋainakineta a papa keŋ ŋuna asegak ka ŋainakineta keŋ ke elope ŋuna asegak; ŋainakineta ŋuna ke esilipa, a egolid ka ŋiboro ŋulukimujet.

2 Ŋirw. 12:17

Alorwa a ŋul, abu Asael ŋolo arae erwosit ka Aram torem etaun ŋolo anyaritae Gas, kikama. Ani irikakin, kiitan akirem Yerusalem.

2 Ŋirw. 12:18

Abu erwosit Yoas ŋolo a Yudaya tocunak ŋainakineta daadaŋ ŋuna koloŋ keris ŋirwosi ŋulu ke ekiŋaren kitaleiyosi aruwor ŋuna einakinitae Akuj. Arae ŋirwosi ŋul Yeosapat ka Yeoram ta Aasia. Kiatak erwosit Yoas ŋainakineta keŋ neni a ŋuna a ŋirwosi a ŋul, kimorik kaapei ka egolid ŋolo ayai Kai ka Akuj ka ŋolo ayai kai ŋina ke erwosit. Tosodi kiyaki ŋituŋa ayaar ŋiboro ŋul daadaŋ neni ka Asael a erwosit ka Aram. Apotu nai Asael ka ŋasigarya keŋ toboŋosi kimyekis akirem Yerusalem.

2 Ŋirw. 12:19

Ŋiticisyo a Yoas ŋuluce daadaŋ ka ŋuna daadaŋ etiyat iŋes, igiritae lokitaabo ŋolo a ŋakiro a ŋirwosi a Yudaya.

2 Ŋakiro a ŋirwa 15:18

Abu iŋes yau Kai ka Akuj ŋainakineta ŋuna kebu papa keŋ Abiya kikoŋ ainakin aŋuna ka Akai ka Akuj ka ŋuna abu iŋes kikoŋ ainakin aŋuna ka Akai ka Akuj, ŋiboro ŋul ikes: Esilipa, egolid ka ŋiboro ŋulukipoet ta ŋulukimujet.

Yer. 49:27

Enokakini ayoŋ akim narwatata a Damasko, enomiyari akim ŋin ŋaduketa a Ben-Adad ŋunajiet.”

Amos 1:4

Aŋun, emyekini ayoŋ akim tonom ekal ka Asael, enomiyari akim ŋaduketa ŋuna ka Ben-Adad ŋunajiet.