1 Ŋirw. 14:23 - Ebaibul

²³ Apotu ŋituŋa a Yudaya daŋ toduko aŋuna kec ŋakiboisyo ŋunamukur, kiwuanakis erae ŋakujo kec ŋamoru ka ŋitorubei ka akuj a ŋina enyaritae Asera lomukur ŋulu aoyak daadaŋ ka lokito ŋulu alibak daadaŋ.

1 Ŋirw. 14:23 Iomraidhean Croise

1 Ŋirw. 12:31

Abu daŋ Yeroboam toduk ŋakais nakiboisyo ŋunamukur, ido toseununu ŋisacaradotin alokidiŋ ŋatekerin daadaŋ tari daŋ ŋina pa araakatar ikes ŋulu ka ateker a Lepi.

1 Ŋirw. 14:15

“Isicani Ekapolon Ŋisirael emaranikinete lopite ŋolo iloilookinio ekuwuam eoot anakipi, elemari Ekapolon Ŋisirael anakwap keŋ a ŋina ajokan a ŋina abu iŋes inak atapapaa kec, ido ielari ikes yaye aŋolol ŋina enyaritae Eupurate, anerae apotu ikes kitoŋoa Ekapolon aŋuna etiyauniata ŋitorubei a akuj a ŋina anyaritae Asera.

1 Ŋirw. 15:12

Abu iŋes tolema ŋimalaae ka ŋamalaae anakiboisyo a ŋuna elipyata ŋituŋa alo Yudaya. Tolema iŋes nakujo ŋuna kepotu atapapaa keŋ kitiyaut.

1 Ŋirw. 20:23

Tolimokis ŋiketiyak a erwosit ka Aram erwosit kec temasi, “Eya ŋakujo a Ŋisirael lomukura, ŋakiro ŋun aponiata Ŋisirael togogoŋioto akilo iwon; nai ani kikitijik iwon ikes aneni emam ŋimukura, kire jik, ikigogoŋior iwon akilo ikes.

1 Ŋirw. 3:2

Apaki ŋin, ariŋa ŋituŋa itiyaete ŋamuronisya anakiboisyo a ŋunamukur aneni elipeneneere. Arae ŋun aŋuna amamukar Akai ŋina adukitoe aŋuna ka akilipya Ekapolon.

1 Ŋirw. 3:3

Amina Solomon Ekapolon ewuapit daŋ ŋikisila a Daudi a papa keŋ. Nai aayenene iŋes ŋamuronisya nakiboisyo ŋunamukur ŋun ka ecunyanakini ekinyate a nen.

2 Ŋirw. 10:26

Kipudut kiŋa epir ŋolo a etal alokai a Baal kicunyakis.

2 Ŋirw. 16:4

Abu iŋes tomuro ka inanak ŋainakineta aneni elipeneneere ŋakujo ka alokamukumukui ta alokwap ŋikito ca daadaŋ ŋulu alibito.

2 Ŋirw. 17:16

Apotu ikes toŋero ŋakiciketa daadaŋ ŋuna ke Ekapolon Akuj kec, tosodo kitiyaut aŋuna kec ŋitorubei a ŋitak ŋiarei a ŋasuwa. Apotu todukut epir ŋolo etaletoi, kilipa neni a ŋitopon ka etopoloorito akuj Baal.

2 Ŋirw. 17:19

Nai abu atyaketait ŋina a Yudaya daŋ nyiwuap ŋakiciketa ŋuna ke Ekapolon Akuj kec. Apotu ikes kiwuapa ŋipitesyo ŋulu sek arae ŋituŋa a atyaketait a ŋina a Isirael esyakinete.

2 Ŋakiro a ŋirwa 24:18

Apotu ŋituŋa a Yudaya ka Yerusalem kimyekis Akai a Ekapolon Akuj atapapaa kec, toloto akilip neni a ŋakujo ka lotorubei a akuj a ŋina anyaritae Asera. Abu nai anyunyura ŋina ke Ekapolon bu neni a ŋituŋa a Yudaya ka Yerusalem, aŋuna ka asecit kec a ŋin.

2 Ŋakiro a ŋirwa 28:4

Abu iŋes tomuro ka inanak ŋainakineta anakiboisyo a ŋunamukur ka alokamukumukui ta alokwap ŋikito ca daadaŋ ŋulu alibito.

Awos. 34:13

Emaikina iyes tobwaŋabwaŋaasi ŋamuroeta kec ka ŋitorubei ŋulu a ŋakujo kec ta ŋakiboisyo ŋuna iiryamununosi ikes,

Isa. 57:5

Ilipete iyes neni a ŋakujo aneni eya ŋikuyono, ilipete neni a ŋakujo alokwap ŋikito daadaŋ ŋulu alibak, iŋoleneneete iyes ŋidwe kus anakadipaalae ka alokwap ŋatabab ŋunasulut.

Yer. 17:2

Etamunito tari ŋidwe kec ŋamuroeta kec ka ŋipirin ŋulu italetoe ŋulu eyakasi diyete ŋikito ŋulu alibak daadaŋ ka lokamukumukui ŋulu aoyak,

Yer. 2:20

“Alorwa a ŋulu akoloŋ ipotu iyes ikiŋero ayoŋ ka ipotu kimyekis acamuna kus ka ayoŋ, ido temasi ‘Nyikitiyanakini isua iyoŋ!’ Ipotu iyes kilipa neni a ŋakujo alokidiama ŋimukura daadaŋ ka alokwap ŋikito ŋulu alibak daadaŋ.

Yer. 3:13

Nai emaikina iyes tocamut ŋuna ikiilitor iyes, emaikina iyes tocamut atemar ipotu iyes toŋero Ekapolon Akuj kus, ido toloto akilipenen neni a ŋakujo alokwap ŋikito ŋulu alibak daadaŋ ka nyiwuapa iyes ŋakiro kaŋ.

Esek. 6:13

Eyenunete nai ikes atemar arae ayoŋ Ekapolon apaki ŋin ŋina iŋolikiniata ikes ŋalyalin a ŋituŋa kec eperete alokidiŋ ŋakujo kec, alodiyete ŋamuroeta kec, alokidiama ŋikamukumukui ŋulu aoyak daadaŋ, alokidiama ŋimoru daadaŋ, alokwap ŋikito ŋulu alibak daadaŋ ka alokwap ŋolokuyon eya ŋakuii daadaŋ, nakiboisyo ca daadaŋ ŋuna apeyoto ikes neni a ŋakujo ŋainakineta ŋuna ebob eure icunyo neni a ŋakujo kec.

Esek. 6:3

Tolimok ikes ebe, ‘okoe, ŋimoru a Isirael, kiirasi ŋakiro a Ekapolon Akuj, irworo Ekapolon ŋakiro keŋ neni kus ŋimoru ka ŋikamukumukui, neni kus ŋakadipaalae ka ŋayona, irworo iŋes atemar kiirasi, eyakuuni ayoŋ ŋikaarak lotuŋa kus ka alemari ayoŋ ŋaitae kus.

Esek. 6:6

Eruwor ŋitaunio daadaŋ ŋulu iboiyoto iyes ŋireŋoroto ka ebwaŋabwaŋaaryo ŋaitae a ŋimoru kus, ikotere ŋamuroeta ŋuna edukitoe naitae ŋun, eruwor ŋacaryo ka ŋuna emunaara ka eruwor ŋakujo kus ŋuna ebwaŋabwaŋatae ka emunaaritae, ebwaŋabwaŋakinio kwap ŋamuroeta ŋuna icunyere ekinyate, ido eŋopiyari etic ŋolo idaut iyes akitiya.

Osea 10:1

Ikwaan ŋituŋa a Isirael ka ekitoe a epiini ŋolo elyaarito ŋaten neni alwanan, ŋolo eraunene ŋaraito ŋuna alalak nooi, ani elalakunete ŋiletok kec, tolalata ŋamuroeta ŋuna edukete ikes. Ani elalauni abaru anakwap kec, kitalalata ikes ŋipirin ŋulu erae ŋakujo kec.

Ŋilep. 26:1

“‘Nyitiyaut ŋitorubei a ŋakujo aŋuna kus, nyisiponokis ŋitorubei ŋulu iceunitae, kori ŋipirin, nyiwuanakis ŋamoru ŋuna iceunitae nakwap kus, ido kilipa neni kec; anerae arae ayoŋ Ekapolon Akuj kus.

Mika 5:14

Alemari ayoŋ anakwap kus ŋitorubei a akuj a ŋina enyaritae Asera, amunaari ayoŋ ŋitaunio kus.

Ŋikis. 12:2

Emaikina iyes tomunaasi jik ŋakiboisyo daadaŋ ŋuna ilipyata ŋituŋa ŋulu ilosete iyes akiritar anakwapin kec, ŋakujo kec, ŋakiboisyo ŋuna eya kidiama ŋimoru, kidiama ŋikamukumukui ka kwap ŋikito ŋulu alibak daadaŋ.

Ŋikis. 16:22

nyidupakis tari epir ŋolo itiyaunitae a ŋamoru, etorube a akuj, eŋerit Ekapolon Akuj kus ŋiboro ŋul.