1 Ŋirw. 14:21 - Ebaibul

²¹ Apaki ŋin arae Reoboam lokoku a Solomon epukat Yudaya. Arae ŋikaru a Reoboam ŋatomoniomwon ka epei apaki ŋina esyakinia akipuka Yudaya, ido abu iŋes kipuka Yudaya alo Yerusalem ŋikaru ŋitomon ka ŋikanikaarei. Kipuka iŋes Yudaya alotaun a ŋolo abu Ekapolon toseu toyakaun ekiro keŋ alotaunio a daadaŋ a ŋulu a ŋikabilae a Ŋisirael. Arae ekiro a toto a Reoboam Naama, arae iŋes Amonait.

1 Ŋirw. 14:21 Iomraidhean Croise

1 Ŋirw. 11:1

Abu erwosit Solomon kiit ŋaberu ŋuna alalak ŋunamoen kaapei ka nakoku a Parao. Arae ŋaberu ŋun: Ŋamoabi, Ŋaamoni, Ŋaedomi, Ŋasidoni ka Ŋaitaiti.

1 Ŋirw. 11:32

Nai aŋuna a eketiyan kaŋ a Daudi ka aŋuna a etaun a ŋolo a Yerusalem, a ŋolo aseu ayoŋ alokabilae a Isirael a daadaŋ, ipukae iŋes ekabila epei bon.

1 Ŋirw. 11:36

Nai ainakini ayoŋ lokoku keŋ, ekabila epei, ikotere nai erubakinete ŋituŋa a eketiyan kaŋ a Daudi eyakasi kiŋaren kaŋ alo Yerusalem, alotaun a ŋolo aseu ayoŋ toyakaun ekiro kaŋ.

1 Ŋirw. 11:43

Abu Solomon totwana ikwapei atapapaa keŋ ka aponi tonukae lotaun a Daudi a papa keŋ, kilunyokin Reoboam lokoku keŋ lokicoloŋ toruwor erwosit.

1 Ŋirw. 12:17

Nai abu Reoboam kipuka Ŋisirael ŋulu eboiyete alotaunio a ŋulu aya Yudaya.

1 Ŋirw. 14:20

Abu Yeroboam kipuka Isirael ŋikaru ŋatomoniarei ka ŋiarei ido, abu totwana. Abu lokoku keŋ Nadab kilunyokin lokicoloŋ keŋ, kipuka Isirael.

1 Ŋirw. 14:31

Abu Reoboam totwan, ido aponi tonukae lotaun a Daudi neni anukitae atapapaa keŋ. Arae ekiro a toto keŋ Naama ŋina arae Amonait. Abu lokoku keŋ Abiyam kilunyokin lokicoloŋ keŋ kipuka Yudaya.

1 Ŋirw. 22:42

Arae Yeosapat ŋikaru ŋatomoniuni ka ŋikan isyakini akipuka, ido abu iŋes kipuka Yudaya alo Yerusalem ŋikaru ŋatomoniarei ka ŋikan. Arae ekiro a toto keŋ Asuba, nakoku a Sili.

1 Ŋirw. 8:16

‘Ameun akoloŋit ŋina ayaunia ayoŋ ŋituŋa kaŋ Ŋisirael anakwap a Ijipit, mam etaun edio ŋolo aseu ayoŋ alokabila ke edio a ŋolo a Ŋisirael, ŋolo emaikina todukokinae Akai ikotere ekiro kaŋ eyakaun nen; nai abu ayoŋ oseu Daudi akipuka ŋituŋa kaŋ Ŋisirael.’

1 Ŋirw. 8:29

Elipi kite iyoŋ Akai na nakwaare ka naparan, kite akibois na ŋina ibu iyoŋ tolimu a ŋuna keŋ ebe, ‘Neni eyakaun ekiro kaŋ ne,’ ikotere nai iirari iyoŋ eketiyan kon ilipi neni kon iŋoliunit nakibois na.

1 Ŋirw. 8:44

“Ani kelomasi ŋituŋa kon kiŋa akitijiore ŋimoe kec, a lopite a daadaŋ a ŋolo iyakiyarya iyoŋ ikes, ido kilipa ikes neni ke Ekapolon iŋoliunito lotaun ŋolo idau iyoŋ aseun ka Kai na ŋina adau ayoŋ akiduk aŋuna ka akilipya neni kon,

2 Ŋakiro a ŋirwa 12:1

Kedau Reoboam akisicat apukan keŋ ka agogoŋior ikwapei erwosit a Yudaya, abu iŋes kaapei ka Ŋisirael daadaŋ toesikis akiwuapit ŋikisila ŋulu ke Ekapolon.

2 Ŋakiro a ŋirwa 12:13

Abu nai Reoboam kisicat apukan keŋ alo Yerusalem, torubak ipukat erae erwosit. Arae ŋikaru keŋ ŋatomoniomwon ka epei apaki ŋina esyakinia akipuka, kipuka iŋes Yudaya alo Yerusalem ŋikaru ŋitomon ka ŋikanikaarei. Arae Yerusalem etaun ŋolo abu Ekapolon toseu alotaunio a ŋikabilae a Ŋisirael a daadaŋ atemar kilipere iŋes. Arae ekiro a toto a Reoboam Naama, arae iŋes Amonait.

2 Ŋakiro a ŋirwa 13:7

Abu Yeroboam tocunak ŋasyaanisya ŋace ŋuna koŋinae, toloto toŋero Reoboam lokoku a Solomon apaki ŋina ariŋaakar edit emam ŋuna ayeni akitepegia ikes.

Awos. 20:24

Emaikina iyes kitiyaut a ŋalup Namuroet aŋuna kaŋ, ido inanakis ŋainakineta kus neni kaŋ a nen, ŋainakineta kus ŋuna a ŋamesekin ka ŋimoŋin ŋuna epeyo ka ŋuna ke ekisil. Abuni ayoŋ akiterereŋ iyes anakibois a daadaŋ a ŋina akainakini ayoŋ iyes akilipya ayoŋ.

Isa. 12:6

Tocelutu nooi aŋun ka toeikisi ilelyanete iyes ŋituŋa daadaŋ ŋulu iyakasi Sion, anerae epol Akuj ŋina asegan ŋina a Isirael ŋina iboi alokidiŋ ŋituŋa keŋ.”

Ŋikis. 12:21

Ani kelwana aneni kus akibois ŋina abu Ekapolon Akuj kus toseu toyakaun ekiro keŋ, ido toara iyes lopite ŋolo adaunia ayoŋ akicik iyes ibarasit anaatuk, kori anamesekin kus idio ŋini ikiinak Ekapolon iyes, ipedorete iyes akinyam iŋes alotooma ŋitaunio kus apaki daadaŋ ŋina icamitotor iyes.

Ŋikis. 12:5

Nai emaikina iyes kiwarut akibois ŋina eseuni Ekapolon Akuj kus anakiboisyo a ŋikabilae kus aruwor neni iboiyo iŋes ka neni ilipere enyaritae ekiro keŋ. Emaikina iyes toloseneneete nen,

Ŋikis. 23:3

Emam Eamonait, kori Emoabit ecamakinitae alomar natukot ŋina a ŋituŋa a ŋulu ke Ekapolon. Tari kedol nanyamet ŋina a ŋatomon, nyecamakinitae ŋiletok kec alomar natukot a ŋituŋa a ŋulu a Ekapolon,