1 Ŋirw. 14:10 - Ebaibul

¹⁰ Aŋun, ayauni ayoŋ ŋuna aronok neni a ŋituŋa a ekal a Yeroboam. Amunyari ayoŋ aneni a Yeroboam ŋikilyok daadaŋ, ŋipi ka ŋulu nyerae ŋipi alo Isirael. Ecunyari ayoŋ ŋituŋa a ekal a Yeroboam lopite ŋolo icunyia ituŋanan aoret todaun daadaŋ.

1 Ŋirw. 14:10 Iomraidhean Croise

1 Ŋirw. 13:34

Arae ŋun asecit ŋina a ekal a Yeroboam, ŋina abu yau neni kec abukor ka amunyaro anakwap.

1 Ŋirw. 16:11

Ani isyakini iŋes akipuka iboikin lokicoloŋ, abu atipei toar ŋituŋa a ekal a Baasa daadaŋ. Mam ituŋanan ŋinisapat ŋini abu iŋes kimyek eyari ŋini arae iyenet a Baasa, kori ekone.

1 Ŋirw. 16:3

Aŋun etoŋopiyari Baasa ke ekal keŋ, kikok ekal keŋ ekal a Yeroboam a lokoku a Nebat.

1 Ŋirw. 21:21

Toyenu nu, acamakini ayoŋ ŋican potu neni kon, akamunyari ayoŋ iyoŋ, alemari ayoŋ aneni kon ŋituŋa ŋulusapa, ŋulu erae ŋipi ka ŋulu nyerae ŋipi alo Isirael.

2 Ŋirw. 14:26

Etiyae Yeroboam ŋolo a ŋiarei ŋun, anerae abu Ekapolon kiŋolik atemar apipilu nooi ŋican a Ŋisirael a ŋulu arae ŋipi kaapei ka Ŋisirael ŋuluce daŋ. Amam ituŋanan tari ipei daŋ ŋini eŋarakinan ikes.

2 Ŋirw. 21:13

Esicani ayoŋ Yerusalem lopite ŋolo abu esicania Samaria. Esicani lopite ŋolo esicania Aab ŋolo arae erwosit a Isirael kaapei ka ŋiletok keŋ. Ani ŋituŋa a Yerusalem, apyaari pye, kidoŋ Yerusalem eorori ikoni atuba ŋina ilotaryo, ido tobuburiyarae.

2 Ŋirw. 9:37

Iledario akuwan a Yesebel alo Yesireel kikok aoret, ido todaun epite ŋolo eyenunia ituŋanan idio atemar erae iŋes Yesebel.’ ”

Yob 20:7

etwakete ikes toŋopiyasi lopite ŋolo eŋopiyaryata ŋacin kec; ido etemarete ŋulu sek eŋolikinito ikes, ‘Ai eyakasi ikes?’

Ŋikiru. 83:10

Ibu iyoŋ tomunya ikes alo En-Dor, apotu ikes tobosikis neni, toruwor ŋalup.

Isa. 14:19

nai ikimasar iyoŋ neni alwanan analyal kon lopite ŋolo imasarere ateni ŋina aronon. Erapitae akuwan kon a ŋawat a ŋituŋa a ŋulu aponi torae a ekileŋ a ŋulu emasar namoru ŋuna alotooma akipany, ikwaanikin iyoŋ ka alyal ŋina ipudaete ŋituŋa elosete.

Isa. 14:23

Eturuwori ayoŋ Babilon neni iboiyoto ŋapupui neni eya ŋataparin, apyaari ayoŋ Babilon omunya ibore daadaŋ a nen.”

Isa. 5:25

Aŋun, abu aŋoit ŋina a Ekapolon toyakaun lotuŋa keŋ, ka abu akisican ikes a apedori keŋ, apotu ŋimoru tomaranikis, kikokis ŋawat a ŋituŋa a ŋulu atwakito alorotin etukosi ŋatunyeny. tari ŋina aponiata ŋun kitiyakin, ariŋa Ekapolon eŋoikinit ikes ka arubakinit jik isicani ikes.

Yer. 32:18

Itoodikinit iyoŋ amina ŋina nyiryaŋiryaŋa nanyameta ŋalipyo, nai isicani ŋidwe aŋuna a ŋasecisya a ŋikauruunak kec. Okoe Akuj ŋina apolon ka ŋina etiron ŋina erae ekiro kon Ekapolon ŋolo a ŋajoresyo,

Yer. 8:2

ido elokinio ikes nakoloŋ, lolap ka losubuna ŋulu alokidiama daadaŋ ŋulu sek apotu ikes tominakis ka kitiyanakis, ŋulu apotu ikes kiwuapa ka kiŋita ŋakiro, ido kilipa neni kec, nyecunakinio ikes iwapei tonukae, ikwaanikinosi ikes ka aoret ipetipetakina kwap.

Esek. 26:4

Emunaarete ŋituŋa ŋul ŋarwatatain ŋuna a Tiro, ebwaŋabwaŋakinete kwap ŋaduketa a Tiro ŋuna aoyak. Ekesikisaari ayoŋ ŋalup alo Tiro eturuwo Tiro ataaba ŋina emam ŋalup.

Amos 3:6

Ani mono keruu abureryaŋ a emesek alotaun, nyetiŋi mono ekabule ŋituŋa a? Epedorete mono ŋican adolokin etaun pa kecamaki Ekapolon a?

Sepan. 1:17

“Ayauni ayoŋ akiyaloloŋ lotuŋa, toloto ikes esibit ŋimudukanotin; anerae aseca ikes aneni ke Ekapolon, ebukoryo ŋaokot kec ikwa ŋalup ka imasaryo ŋawat kec ikwa aoret.

Mal. 2:3

Esicani ayoŋ ŋiletok kus; awuatakini ayoŋ loreetin kus ŋikujit a ŋibaren a ŋulu imurotor iyes, ido itorikor iyes kiŋa eya ŋikujit loreetin.

Ŋikis. 32:36

“Kire jik, ituruwori Ekapolon ŋituŋa keŋ ŋulu iyookino, isyoni Ekapolon ŋiketiyak keŋ apaki ŋina eyenunia iŋes atemar adaun agogoŋu kec, ŋina idoŋioto ŋulu eenitae ka ŋulu nyeenitae.

1 Sam. 2:30

Aŋun, alimu Ekapolon Akuj a Ŋisirael ebe, ‘Abu ayoŋ eik atemar eketiyanakinete ayoŋ ŋituŋa a ekal kon ka ŋulu a ekal a papaa kon erae ŋisacaradotin ŋikaru ka ŋikaru.’ Nai tokona, alimu Ekapolon ebe, ‘Acakus ŋun! Etopoloori ayoŋ ikes ŋulu eketopoloorito ayoŋ, nai ikes ŋulu akajamuwarito ayoŋ, ituruworyo ŋicaryo.’

1 Sam. 25:22

Akuj bon itiyae ŋuna ecamit neni a Daudi, kitiya Akuj neni kaŋ erono nooi, erae kemyek ayoŋ moi taparacu ŋisaae ŋulu ka ataparacu ituŋanan a Nabal daadaŋ ŋinisapat eyari.”

1 Sam. 25:34

Ikwaŋinapei kire eraakar Ekapolon Akuj a Ŋisirael ŋina eyari, ŋina abu ekeretak ayoŋ nyakawan iyoŋ, kerae nyiwonyunit iyoŋ atipei akisiryam ayoŋ, kire jik, kemam moi taparacu ŋisaae ŋulu ka ataparacu ekile epei daŋ ŋolo idoŋitor Nabal.”