1 Ŋirw. 13:32 - Ebaibul

³² anerae, iyookin kire jik akirot ŋina ke Ekapolon, ŋina abu iŋes kisera itoroniyarit Namuroet ŋina a Besel ka itoroniyarit ŋakais ŋuna amuroet anakiboisyo a ŋuna ayakasi nenimukur alotaunio a ŋulu a Samaria.”

1 Ŋirw. 13:32 Iomraidhean Croise

1 Ŋirw. 12:29

Kiwuak iŋes ŋakujo ŋun apei Besel ka ŋinace kiwuak Dan.

1 Ŋirw. 12:31

Abu daŋ Yeroboam toduk ŋakais nakiboisyo ŋunamukur, ido toseununu ŋisacaradotin alokidiŋ ŋatekerin daadaŋ tari daŋ ŋina pa araakatar ikes ŋulu ka ateker a Lepi.

1 Ŋirw. 13:2

Kisera ekile ŋol akirot ke Ekapolon ŋina etoroniyarit Namuroet ŋina alo Besel tema, “Okoe Namuroet, Namuroet, ebala Ekapolon ebe, ‘Idounio ikoku ŋinisapat alokal a Daudi enyarao ekiro keŋ Yosia, eŋolikini iŋes kidiama kon ŋisacaradoti ŋulu a ŋakiboisyo aŋunamukur ŋulu tokona icunyete ekinyate alo kidiama kon eruwor ŋakoyo a ŋituŋa icunyo alo kidiama kon.’ ”

1 Ŋirw. 16:24

Abu Omiri togyel emukura ŋolo enyaritae Samaria aneni a Semer a ŋitalentae a ŋiarei a ŋulu a esilipa; toduk iŋes lomukura ŋol ejok, tolimok ekiro ke etaun Samaria, ekiro a Semer a elope emukura.

2 Ŋirw. 17:29

Tari kikote nen daŋ, apotu ŋituŋa tolukanar a ŋatekerin, kitiyaununut ŋakujo kec a ŋilopeyek alotaunio a ŋulu alomito ikes, kiwuanakis ŋakujo kec nakais ŋuna adukonokinitae neni elipeneneere ŋakujo.

2 Ŋakiro a ŋirwa 25:13

Nai ŋasigarya ŋuna etoboŋori Amasia alo Yudaya, ŋuna abu Amasia nyecamak arukor ka iŋes lojie, kepotu toloto toremo ŋitaunio a Yudaya ameun alo Samaria tari Bes-Oron. Kepotu toara ŋituŋa ŋalipyo ŋauni ka yaasi ŋiboro ŋulu alalak nooi.

Esir 4:10

ka ŋituŋa a ŋakwapin ŋuluce ŋulu kebu koloŋ arwonit ekapolon Osinapar toriko kisiboiyo lotaunio ŋulu a Samaria ka nakiboisyo ŋunace Alokekwaye Aŋolol Eupurate ŋuna epukat erwosit a Perisia, kigira abaruwa neni ka Aritaserses.

Ŋilep. 26:30

Amunaari ayoŋ neni ilipyata iyes alokidiama ŋimukur, amunaari ŋamuroeta ŋuna icunyata iyes ekinyate, atukokini ayoŋ ŋawat kus kidiama ŋitorubei a ŋakujo kus. Akaŋeri ayoŋ iyes.

Ŋitic. 8:14

Kiirasi nai Ŋikiyakia ŋulu ayakasi Yerusalem atemar acamut ŋituŋa ŋulu a Samaria ŋakiro ŋuna ka Akuj, kiyakiyasi ikes Petero ka Yoana neni kec.