1 Ŋirw. 13:24 - Ebaibul

²⁴ Ani nai erotokini iŋes, kiryamunos ke eŋatuny lorot, toar eŋatuny iŋes, kimasak akuwan keŋ nen lorot, torubak esigirya ewoi a nen alodiye akuwan keŋ, eŋatuŋ daŋ torubak ewoi a nen.

1 Ŋirw. 13:24 Iomraidhean Croise

1 Ŋirw. 13:23

Ani irikakini ekile ŋolo arae ituŋanan ŋini ka Akuj akimuj ka akimat, toenik ekadwaran esigirya keŋ aŋuna a ekile a ŋol.

1 Ŋirw. 20:36

Tema iŋes neni keŋ, “Aŋuna iwounia iyoŋ akiirar etoil ke Ekapolon, apaki ŋina etyakare iwon, ikiari iyoŋ eŋatuny.” Ani kire etyakasi ikes, kiryamunos ekile ŋol ke eŋatuny, toar eŋatuny iŋes.

2 Ŋirw. 2:24

Toboboŋ iŋes kitek ikes, tosodi kilamakin elimit ekiro ke Ekapolon. Tolomut anamoni ŋityaŋ ŋuluberu ŋiarei ŋulu adedeŋak; toara ŋityaŋ ŋul ŋidyain ŋul daadaŋ ŋatomoniomwon ka ŋiarei.

Ŋakit. 22:13

Ebala ituŋanan ŋini ekalanyana ebe, “Eyai eŋatuny kiŋa!” kori ebala, “Akaarete ayoŋ ŋituŋa kaloma kiŋa!”

Ŋakit. 26:13

Ebala ituŋanan ŋini ekalanyana ebe, “Eyai ibore ŋini aaran lorot, eyakasi ŋikaarak lorotin ŋulu a etaun.”

Amos 5:19

Ikwaanikin akoloŋit ŋin ka ŋina ani keem ituŋanan kilany eŋatuny, kiryamunos ka etyaŋ ŋolo adedeŋan akilo, kori ani ieŋuni alokai keŋ erwaarit akan keŋ narwatata, tokony emun nakan.

Ekim. 22:33

Abu esigirya ekeŋolik ayoŋ ka abu tori aneni kaŋ ŋarwa ŋauni tokona. Ani kerae nyeriit iŋes aneni kaŋ, kire jik kakaarit tokona ayoŋ iyoŋ, emyek iŋes toyar.”