1 Ŋirw. 13:2 - Ebaibul

² Kisera ekile ŋol akirot ke Ekapolon ŋina etoroniyarit Namuroet ŋina alo Besel tema, “Okoe Namuroet, Namuroet, ebala Ekapolon ebe, ‘Idounio ikoku ŋinisapat alokal a Daudi enyarao ekiro keŋ Yosia, eŋolikini iŋes kidiama kon ŋisacaradoti ŋulu a ŋakiboisyo aŋunamukur ŋulu tokona icunyete ekinyate alo kidiama kon eruwor ŋakoyo a ŋituŋa icunyo alo kidiama kon.’ ”

1 Ŋirw. 13:2 Iomraidhean Croise

1 Ŋirw. 13:32

anerae, iyookin kire jik akirot ŋina ke Ekapolon, ŋina abu iŋes kisera itoroniyarit Namuroet ŋina a Besel ka itoroniyarit ŋakais ŋuna amuroet anakiboisyo a ŋuna ayakasi nenimukur alotaunio a ŋulu a Samaria.”

2 Ŋakiro a ŋirwa 34:1

Arae ŋikaru a Yosia ŋikanikauni ŋina esyakinia akipuka. Kipuka iŋes Yudaya alo Yerusalem ŋikaru ŋatomoniuni ka epei.

2 Ŋakiro a ŋirwa 34:3

Ani edolete ŋikaru ŋulu epukator iŋes ŋikanikauni eriŋa iŋes erae edya, abu iŋes kisyak ayenun ŋuna ka Akuj a papaa keŋ a Daudi. Ani edolete ŋikaru keŋ ŋitomon ka ŋiarei, abu iŋes kisyak amunaanar alo Yudaya ka alo Yerusalem ŋakiboisyo ŋunamukur ŋuna elipere neni a ŋakujo, tomunaana tari ŋitorubei a ŋakujo ŋuluce daadaŋ.

Isa. 1:2

Kirwor Ekapolon tema, “Kiirasi okoe nakuj ka akwap! Anerae adau Ekapolon alimun ŋakiro nu, ‘Abu ayoŋ etan ŋidwe ka abu etopolou ikes, nai akaŋero ikes ayoŋ.

Isa. 42:9

Kiirasi, alunyarosi ŋakiro ŋuna ŋorok, erworo tokona ayoŋ ŋakiro ŋunakitet; ani eriŋa ŋakiro ŋun nyetakanuna, akalimokini ayoŋ iyes ikes.”

Isa. 46:10

Abu ayoŋ olimu ŋakiro ŋuna esidyok anakisyakinet ka abu ayoŋ alimu anapakio a ŋuna akoloŋ ŋakiro ŋuna ariŋa nyitiyakina otema, ‘Iyookin ŋakiro ŋuna ayeunit ayoŋ ka erikakini akitiya ŋuna acamit kitiyakin.’

Isa. 58:1

Alimu Ekapolon ebe, “Tocelutu nooi, nyililiŋiyasi! Tocelutu a ŋitoilon a ŋulu apolok esibit arupepe erwo. Tolimokisi ŋituŋa kaŋ ŋakiro ŋuna akaŋeryoto ayoŋ, tolimokisi ŋiletok a Yakob ŋasecisya kec.

Yer. 1:2

Abu Ekapolon kirwor neni a Yeremia alorwa a ŋulu a erwosit Yosia a lokoku ka Amon a ŋolo alo Yudaya arae ŋol ekaru ŋolo a ŋitomon ka ŋiuni ipukat iŋes.

Yer. 22:29

Okoe akwap, akwap, akwap, kiira ŋakiro a Ekapolon.

Esek. 36:1

Abu Ekapolon tema, “Lokoku a ituŋanan, todwar ŋakiro neni a ŋikamukumukui a Isirael, tolimok atemar okoe ŋituŋa ŋulu iyakasi lokamukumukui a Isirael, kiirasi ŋakiro a Ekapolon.

Esek. 36:4

aŋun okoe ŋituŋa ŋulu iboiyete alokamukumukui a Isirael, alimu Ekapolon Akuj ŋakiro nu aŋuna a ŋimoru, a ŋikamukumukui, a ŋayona a ŋuna eyakasi ŋakipi ka a ŋuna a ŋakadipaalae ka ŋakiboisyo ŋuna asilok ka ŋunakoŋinae ta aŋuna a ŋitaunio a ŋulu emam ituŋanan eyai a ŋulu aruwor ŋikoŋinae a ŋulu aponi toŋatarae ŋiboro kec ka tojamuwasi ŋituŋa a ŋakwapin a ŋuna idunyatar ikes.

Esek. 38:4

Ekesirimirimokini ayoŋ iyoŋ, ewuak ŋikodoce loŋitiny kon okoriku iyoŋ kiŋa kaapei ka ŋasigarya kon daadaŋ, ŋaŋolei kon ka ŋikametok ŋaŋolei, ikes daadaŋ ŋulu enapito ŋiboro ŋulujiet, asepic ŋina alalan nooi ŋin, ŋina eyakar ŋaupala ŋuna apolok ka ŋulu cicik, ikes ŋul daadaŋ ŋulu epwasete ŋileŋia kec.

Luk. 19:40

Toboŋok Yesu ikes tema, “Akalimokini ayoŋ iyes atemar, ani kililiŋa ikes, ecelunete ŋamoru nu.”

Ŋikis. 32:1

Okoe kidiama, topupok, ido erwor ayoŋ, okoe akwap kiira ŋakiro ŋuna erworo ayoŋ.