1 Ŋirw. 13:18 - Ebaibul

¹⁸ Tema nai ekadwaran ŋolo amojoŋit ŋol neni keŋ, “Ayoŋ daŋ arae ekadwaran ikwapei iyoŋ, ido abu emalaika kirwor neni kaŋ ŋakiro ke Ekapolon ebala, ‘Kinyaku iŋes toboŋut ka iyoŋ kai kon, ikotere iŋes imuji akimuj ka emasi ŋakipi.’ ” Nai amodikinit ekadwaran ŋol ekile ŋol.

1 Ŋirw. 13:18 Iomraidhean Croise

Akisy. 27:24

Kiŋit tema, “Irae mono iyoŋ kire lokoku kaŋ Esau a?” Toboŋok Yakob tema, “Arae.”

Akisy. 3:13

Kiŋit Ekapolon Akuj aberu tema, “Anukiro nu ŋuna itiya iyoŋ?” Tema aberu, “Emun akamodikini ayoŋ, ido abu onyam.”

1 Ŋirw. 13:19

Aŋun, abu ekile ŋolo arae ituŋanan ŋini ka Akuj ŋol toboŋosi ka ekadwaran ŋol, kimuj ka tomat ŋakipi alo kai a ekadwaran a ŋol.

1 Ŋirw. 20:35

Anakirot a ŋina alimunit Ekapolon, abu epei a ŋikadwarak tolimok ŋoloce tema, “Toarae kareca ayoŋ!” Nai abu ŋol towou akiar iŋes.

1 Ŋirw. 22:22

Kiŋit Ekapolon iŋes tema, ‘Ikwaani?’ Toboŋok etau tema, ‘Alosi ayoŋ oinak ŋikadwarak ka Aab daadaŋ kirworo alyokonu.’ Tema Ekapolon, ‘Ape tomodiya iŋes. Ipedori iyoŋ amodiyar iŋes.’ ”

Ŋakit. 12:19

Erubakinete ŋakiro ŋuna a kire ŋikaru, nai euruwuana apaki ŋina irworore ŋuna ka alyokonu.

Ŋakit. 12:22

Erae asiilyo aneni ke Ekapolon akirworo alyokonu, nai elakara Ekapolon aŋuna a ŋituŋa a ŋulu itiyaete ŋuna a kire.

Ŋakit. 19:5

Nyebucanar esuuda ŋolo alyokonon, nyisicana ido nyimyekinio ituŋanan ŋini alyokonon tolot nyisicana.

Isa. 36:10

Ŋace nu, abunit mono ayoŋ akirem akwap na ka amunaar pa ikirukit ka Ekapolon a? Abu Ekapolon okolimok ayoŋ atemar ape kitipeiyo nakwap na ka tomunaa iŋes.”

Isa. 9:15

Anyaritae ŋikasikou ka ŋikapolok akou a ŋituŋa, anyaritae ŋikadwarak ŋulu etatamete alyokonu kaku a ŋituŋa,

Yer. 23:14

Nai eŋolik ayoŋ alokadwarak a Yerusalem ibore ŋini ikitubuli akilo, ikinyomito ikes ŋakujo ŋace ka iwuapito ŋuna ka alyokonu, itogogoŋito ikes ŋuna itiyaete ŋikaronok, ikotere tomamukaun ituŋanan imyekini akitiya aronis. Ekwaanikin ikes daadaŋ aneni kaŋ ka ŋituŋa a Sodoma ka ikwaan ŋituŋa a Yerusalem ka ŋituŋa a Gomora.”

Yer. 23:17

Elimonokinete ikes ŋituŋa ŋulu ejamuwarito ŋakiro ka Akuj ebe, ‘Mam ŋuna aronok itiyakin neni kus;’ ka elimonokinete ikes ŋulu daadaŋ iwuapito anakisyaanu kec akisyaanu a ŋikadwarak a ŋul ebe, ‘Mam ŋican epote neni kus.’

Yer. 23:32

Kiirasi, etidiŋit ayoŋ ŋikadwarak ŋulu edwarete ŋakirujaeta ŋuna ka amodiyo, ŋulu elimonokinete ŋituŋa kaŋ ŋakirujaeta ŋuna ka amodiyo ka ŋikadwarak ŋulu amodiyasi ŋituŋa kaŋ aneni kaŋ anakirworo ŋakiro ŋunacaryo ŋuna erae amodiyo, nyeyakiyarit bo ayoŋ ikes, kori nyaseunit ayoŋ ikes. Aŋun, nyitiyaete ikes ajokis adio neni a ŋituŋa a lu.

Yer. 29:31

“Kiyakiya ituŋanan tolimok ŋituŋa ŋulu erikoritae Babilon ebe, ‘Alimu Ekapolon ŋakiro nu aŋuna a Semaia a ŋolo a Neelam, aŋuna abunio Semaia todwar neni kus tari ŋina pa eyakitor ayoŋ iŋes, ido ikiinak iŋes iyes akikinyom alyokonu

Yer. 29:32

a ŋakiro a ŋun, alosi ayoŋ akisican Semaia ŋolo a Neelam ka ŋiletok keŋ, mam ituŋanan keŋ erubakini eyari alotuŋa a lu, ŋini iŋolikini ajokis ŋina alosi ayoŋ akitiya neni a ŋituŋa kaŋ, anerae adau iŋes alimokin ŋituŋa akiŋer Ekapolon.’ ”

Yer. 5:12

Erworo ikes alyokonu aŋuna ke Ekapolon, atemasi ikes, “Emam ŋuna itiyakini Ekapolon. Emam aronis ebuni neni kosi, nyeyakaun ejie kori eron neni kosi.”

Yer. 5:31

edwarete ŋikadwarak alyokonu ka ipukato ŋisacaradotin lopite ŋolo elimokiniata ŋikadwarak ikes, italakarito ŋakiro ŋun ŋituŋa kaŋ, nai anu itiyaete iyes apaki ŋina ebunio asalunet?”

Esek. 13:22

Aŋuna abunio alyokonu kus kiwuak ajamao lotuŋa ŋulu sek ajokak, tari daŋ pa esicanit ayoŋ ikes ka aŋuna iponiata iyes kisimukekis ŋulu aronok arubakin itiyaete aronis akilo aiun akiyar kec;

Esek. 13:8

“Aŋun, ŋakiro ŋuna irworo Ekapolon Akuj ikes nu, ‘Aŋuna irworyata iyes alyokonu ka itiyaata ŋakitoodyanakineta ŋuna ka amodiyo, ekeman ayoŋ iyes.’

Ekim. 22:35

Tolimok emalaika ŋolo ke Ekapolon Balaam tema, “Toloto kaapei ka ŋikilyok ŋul, nai kirwor ŋakiro ŋuna akalimokini ayoŋ iyoŋ akirwor make.” Aŋun, apotu Balaam toloto kaapei ka ŋikapolok ŋulu eyakuunit Balak.

Mat. 24:24

Anerae epote atakristo ka ŋikadwarak ŋulu alyokonok. Epote ikes akitiya ŋakitoodyanakineta ka ŋaumonokineta ŋuna ailiilok, ikotere itooliyorete tari ŋituŋa ŋulu seuna, erae kepedorete.

Mat. 7:15

“Tocoito ŋikadwarak ŋulu alyokonok; epote ikes neni kus epataka ikwa ŋamesekin, nai alotai kec ikote ŋipeei.

Ŋirom. 16:18

Anerae nyerae Kristo itiyanakinete ŋituŋa ŋulu ikote ŋul, nai itiyanakinete etic ŋolo ka akiwarit akimuj. Irworosi ikes ŋakiro ŋuna abobok, kirapirapete ŋituŋa alorwor kec ecamito amodikin ŋituŋa ŋulu epalag!

2 Ŋikor. 11:3

Nai akuryanit ayoŋ ebe ikwaŋina abunio emun tomodikinia Epa ka aosou keŋ, itooliyoryo ŋatameta kus anakikinyomit ka ananupit Kristo.

Ŋigal. 1:8

Nai tari kerae isua kori emalaika ŋolo anakuj ikilimonokini iyes ŋakiro ŋace ŋuna ebookoi ebe erae Ŋakiro ŋuna Ajokak, ŋuna nyikote ŋuna aponi isua ikilimonokin iyes, itemokino toruwor iŋes ŋini ilamam!

1 Tim. 4:1

Elimunit Etau ŋolo ka Akuj ŋakiro ŋuna ileereete ebala, alorwa a ŋulu esidyok, epalikinete ŋituŋa ŋice anupit Kristo. Iwuapakinete ikes ŋitai ŋulu alyokonok ka akitatam ŋina a ŋipyan.

1 Tim. 4:2

Akitatam ŋina ikoni ŋin, erae ŋina ebunit aneni a ŋikalyokonok a ŋulu emodiyaka, ŋulu etwakito ŋatameta kec esibit icunyitae ka asuwat a ŋina emwana.

2 Pet. 2:1

Ayakasi koloŋ ŋikadwarak ŋulu alyokonok lotuŋa; ikwaŋinapei ikoŋin, etakanunete ŋiketatamak ŋulu alyokonok aneni kus. Irepunete ikes ŋakitatameta ŋuna alyokonok ŋuna eyaunete akinyasuno ka eŋerete Ekapolon ŋolo abu tolaku ikes. Aŋun, eyaunete ikes neni kec akinyasuno atipei.

1 Yoa. 4:1

Ŋikaakonei ŋuluminan, nyinupito ŋulu daadaŋ ebasi ebe ikiyakar Etau ŋolo ka Akuj, nai torota ikes erae keponito ŋatameta kec aneni ka Akuj, anerae aloto ŋikadwarak ŋulu alalak ŋulu alyokonok nakwap.

Akis. 19:20

Aponi kikamarae etyaŋ kaapei ka ekadwaran ŋolo amodiyanan ŋolo kitiyae ŋakujuwuanisya alokiŋaren etyaŋ. (Ŋakujuwuanisya ŋun, ikes abunio iŋes tomodikinia ŋulu ayakatar emacar ŋolo ke etyaŋ ka ŋulu elipete neni ke etorube keŋ.) Ani eriŋa eyarete, aponi kimasakinae etyaŋ kaapei ka ekadwaran ŋolo amodiyanan nanam ŋina ka akim, ŋina enepya Sulpa.

Ŋikat. 13:3

Totakanu emalaika a Ekapolon neni ka aberu a Manoa, tolimok iŋes tema, “Tari kikolupana iyoŋ, kemam ŋidwe, ipotiuni iyoŋ ka idouni ikoku ŋinisapat.