1 Ŋirw. 12:15 - Ebaibul

¹⁵ Aŋun, abu erwosit toŋer ŋakiro a ŋituŋa, anerae arae neni ke Ekapolon abunitor akilocokinet ŋin, akisiyookin akirot ŋina aris Ekapolon kelimoki Yeroboam lokoku a Nebat aneni ka Aija a Esilonit.

1 Ŋirw. 12:15 Iomraidhean Croise

Akisy. 24:50

Toboŋokis Laban ka Besuel temasi, “Erae neni ke Ekapolon eponitotor ŋakiro nu, emam ŋuna aronok, kori ŋuna ajokak ŋuna ikilimokinio isua iyoŋ.

2 Sam. 17:14

Temasi Abusalom ka Ŋisirael daadaŋ, “Iyookino ŋakiro ŋuna alimu Usai Earikait akilo ŋuna ka Aisopel.” Alimunete ikes ŋun, anerae pa acamit Ekapolon kiyookinos ŋakiro ŋuna ajokak ŋuna alimunit Aisopel, ikotere Ekapolon isicani Abusalom.

1 Ŋirw. 11:11

Aŋun, abu Ekapolon tema neni a Solomon, “Ikwapei eraakatar ŋuna itiya iyoŋ ŋuna kon a elope, ido nyiwuapa iyoŋ Acamunet kaŋ ka ŋikisila kaŋ ŋulu abu ayoŋ ekecik iyoŋ, kire jik, elielaari ayoŋ apukan aneni kon, oinak neni a eketiyan kon.

1 Ŋirw. 12:24

‘Alimu Ekapolon ŋakiro nu: Nyitipeiyosi akitijiore ŋikaitotoi kus Ŋisirael. Apesi iyes daadaŋ lorerya kus, anerae ayoŋ alimu ŋakiro ŋun.’ ” Aŋun, apotu ŋituŋa kiirasi ŋakiro ke Ekapolon toboŋosi lorerya kec ikwapei alimokinia Ekapolon ikes.

1 Ŋirw. 22:23

Toŋetak Mikaia ŋakiro keŋ ebala, “Erae ŋakiro nu ŋuna atakanut, adau Ekapolon akituruwor ŋikadwarak kon ŋulu irworosi alyokonu neni kon. Nai alimu Ekapolon elope atemar iryamuni iyoŋ ŋican.”

2 Ŋirw. 10:10

Itoodiunit nen atemar isiyookinitoe ŋakiro daadaŋ ŋuna abu Ekapolon kirwor aŋuna ke ekal ka Aab. Etiyak Ekapolon ŋuna abu kirwor aneni ke Eliya a ŋolo arae eketiyan keŋ.”

2 Ŋirw. 9:36

Ani eboŋunete ŋituŋa neni a Yeu alimokin iŋes, kirworik Yeu tema, “Erae nu ŋakiro ŋuna abu Ekapolon Akuj kirwor aneni ke Eliya a eketiyan keŋ a ŋolo alo Tisibe ebala, ‘Enyamete ŋiŋokwo akuwan a Yesebel alo Yesireel.

2 Ŋakiro a ŋirwa 10:15

Aŋun, abu erwosit toŋer ŋakiro a ŋituŋa, anerae arae neni ka Akuj abunitor akilocokinet ŋin, ikotere kiyookinor akirot ŋina aris Ekapolon kelimoki Yeroboam lokoku a Nebat aneni ka Aija a Esilonit.

2 Ŋakiro a ŋirwa 22:7

Analosit Aasia aanyun Yeoram, abu Akuj kitemok ŋuna ka atwanare keŋ. Ani edoli Aasia Yesireel, abu torukosi ka Yeoram akisiryam Yeu lokoku a Nimisi, ŋolo sek keris Ekapolon Akuj keseu amunyar ekal ka Aab.

2 Ŋakiro a ŋirwa 25:16

Nai ani eriŋa ekadwaran ŋol irworo, kiŋit Amasia iŋes tema, “Ori mono ikituruworere isua iyoŋ ŋolo iŋarakinit erwosit akipuka ejok? Tojoŋo erwor! Kaanukiro icamitor iyoŋ ikiari?” Aŋun, abu ekadwaran ŋol tojoŋo erwor, nai abu tema, “Ayeni ayoŋ atemar atubu Akuj akiar iyoŋ, anerae idau iyoŋ akilip neni a ŋakujo ka iŋer akiirar ŋakiro kaŋ.”

2 Ŋakiro a ŋirwa 25:20

Nai abu Amasia nyecamu ŋakiro ŋun, anerae arae acamit ŋina ka Akuj, ikotere ipotokini ikes neni a Yeoas aŋuna aponiata kilipa neni a ŋakujo a Edom.

Ŋikiru. 5:10

Okoe Akuj, totubok ka kisican ikes; kimyek ikes tomunyaros make anakiro a ŋuna etukete ikes akitiya. Aŋuna aseciata ikes nooi, kirita ikes nariet, anerae ikiŋero ikes iyoŋ.

Dan. 4:35

Erae ŋituŋa daadaŋ ŋulu ka akwap ŋicaryo, itiyae iŋes ŋuna ecamit neni a ŋisubuna a ŋulu eya kidiama ka neni a ŋulu iboiyete anakwap. Mam ituŋanan epedori akiretakin ŋuna ecamit iŋes akitiya, kori epedori akiŋit ebe, “Nyo itiyae iyoŋ?”

Amos 3:6

Ani mono keruu abureryaŋ a emesek alotaun, nyetiŋi mono ekabule ŋituŋa a? Epedorete mono ŋican adolokin etaun pa kecamaki Ekapolon a?

Ŋitic. 2:23

Aris Akuj anacamit ka anaosou keŋ ka alope ketyaku atemar itemokino ikirikokin iyes Yesu ka toara iŋes, anajalakin ŋituŋa ŋulu asecak ibubukinete iŋes lomusalaba.

Ŋitic. 3:17

“Ŋikaitotoi kaŋ, ayeni ayoŋ tokona atemar pa iyenete iyes ka ŋikepukak kus ŋuna ipotu iyes kitiyata.

Ŋitic. 4:28

Apotu ikes tocunakinos akitiya ŋakiro daadaŋ ŋuna koloŋ itubuni iyoŋ ka apedor ka acamit kon atemar itiyakin.

Ŋikis. 2:30

Nai abu erwosit Sikon nyikicamak isua kitoroi nakwap keŋ, anerae aris Ekapolon Akuj kus kitogogoŋ akou keŋ, inak etau keŋ topeganiar, ikotere Ekapolon ipotokini iŋes neni kus lopite ŋolo etiyakinia tokona.

Ŋikat. 14:4

Pa ayenete papa ka toto a Samuson atemar arae Ekapolon ayeunit ŋakiro ŋun, anerae ewarit Ekapolon epite ŋolo apedorya akitijikin Ŋipilistin. Apaki ŋin, epukato Ŋipilistin Ŋisirael.

1 Sam. 15:29

Nyemodiyana Akuj ŋina ailiilon ŋina a Isirael, kori nyiloconokini ŋuna atubu akitiya, nyerae iŋes ituŋanan, aŋun, nyiloconokini ŋatameta keŋ.”