1 Ŋirw. 12:14 - Ebaibul

¹⁴ Kirwor iŋes lotuŋa iwuapit ŋuna alimokinete ŋisorok iŋes tema, “Abu papa kaŋ ikiinak iyes egogos ŋolo apotyon, nai eturuwori ayoŋ egogos ŋol ŋolo apotyon nooi akilo neni sek, abu papa kaŋ ikida iyes a ŋadase nai akadai ayoŋ iyes a ibore a ŋini ikoni epipil akisorit a ekiitwan.”

1 Ŋirw. 12:14 Iomraidhean Croise

1 Ŋirw. 12:13

Toboŋok erwosit ŋituŋa ŋakiro eryenyaana, tojamuwa ŋakiro ŋuna alimokinete ŋikasikou iŋes,

Awos. 1:13

Apotu ŋun inakis Ŋijipitian aryenyaanikin Ŋisirael nooi kitiŋanakis etic.

Awos. 1:14

Kitakadakis Ŋijipitian Ŋisirael nooi aŋuna aponiata kitiŋakis ikes etic ŋolo agogoŋon nooi; ikwapei amuna ecoto ka akiram ŋamatapali ta ŋiticisyo ŋice ŋulu a ŋimanikorin. Aryanyaaka Ŋijipitian nooi isitiyaete Ŋisirael ŋiticisyo ŋuluce daadaŋ.

Ŋakit. 12:5

Erae ŋakiro ŋuna etamete ŋulu iyookino ŋuna iyookino; erae ŋakiro ŋuna ikilimokinete ŋulu aronok ŋuna nyipedori akikinyom.

Ŋakit. 13:10

Nakituro iŋes elomunitotor ŋiburasyo, nai eryamun aosou aneni a ŋulu ecamunete ŋuna ebookoi kitiyata.

Ŋakit. 16:18

Erikori akituro ituŋanan nakinyasuno, ido erikori ajamuwarit ŋuluce ituŋanan nacaryonut.

Ŋakit. 17:14

Ikoni akisyakin ebura apunor ŋakipi anamatata, aŋun, tojoŋo erwor eriŋa nyiburakina.

Ŋakit. 29:12

Ani kecamu ekepukan akiwuap ŋakiro ŋuna erae alyokonu, erokyata ŋikapolok daadaŋ ŋulu ipukatotor iŋes.

Ŋakit. 5:13

Abu ayoŋ oŋer akiirar ŋuna eketatamete ŋiketatamak kaŋ, kori abu ayoŋ nyaŋak akit kaŋ nakiro ŋuna akalimonokinio.

Ekal. 7:8

Ejok asalunet a ŋinibore akilo akisyakinet keŋ. Ejokak ŋulu idaŋidaŋete ŋakiro alotai kec akilo ŋulu iturosi alotai kec.

Dan. 6:7

Adaut ŋikapolok daadaŋ ŋulu ikiŋarakinito iyoŋ akipuka akwap kon kaapei ka ŋikapolok a ŋikawoikinitok a ŋakwapin, ŋikepukak a ŋakiboisyo, ŋikeŋarakinitok ka ŋikawoikinitok a ŋakwapin acamun atemar kiwuak erwosit ekisil ka toreik ŋituŋa kiwuapa, tosodi ituŋanan daadaŋ ŋini ilipi alotooma ŋirwa ŋatomoniuni neni a ibore a idio a ŋini erae akuj keŋ, kori neni a ituŋanan a ice akilo iyoŋ, okoe erwosit, emaikina tocakakinae iŋes nadui a ŋiŋatunyo.

Yak. 3:14

Nai ani kiyakatar iyes arakao ŋina aronon nooi ka akitojoka lotai kus, nyiturokinotor aosou ŋin, ido torapa ŋuna a kire aŋuna ka alyokonu kus.