1 Ŋirw. 11:36 - Ebaibul

³⁶ Nai ainakini ayoŋ lokoku keŋ, ekabila epei, ikotere nai erubakinete ŋituŋa a eketiyan kaŋ a Daudi eyakasi kiŋaren kaŋ alo Yerusalem, alotaun a ŋolo aseu ayoŋ toyakaun ekiro kaŋ.

1 Ŋirw. 11:36 Iomraidhean Croise

2 Sam. 21:17

Nai abu Abisai lokoku a Seruia toiu Daudi; kicum a Epilistait kimasak kwap toar. Kikoŋo nai ŋirukitos a Daudi neni a Daudi temasi, “Mam nabo jik nyikirukori iwon lojie, ikotere nyikiari iyoŋ ŋolo irae akoŋu a Ŋisirael.”

2 Sam. 22:29

Okoe Ekapolon, irae iyoŋ etaa kaŋ; isileereununui iyoŋ Ekapolon ŋuna nyileerete anakiyar kaŋ.

2 Sam. 7:16

Eturubakini ayoŋ ŋituŋa a ekal kon erae ŋirwosi ŋikaru ka ŋikaru ka apukan kon eyai ŋikaru ka ŋikaru, erubakinete ŋituŋa kon erae ŋirwosi ŋikaru ka ŋikaru.’ ”

2 Sam. 7:29

Kiterereŋ tokona anacamit kon ŋituŋa a ekal a eketiyan kon, ikotere erubakinete ŋikaru ka ŋikaru erae ŋulu kon ŋulu ikikinyomito iyoŋ. Idau iyoŋ okoe Ekapolon Akuj alimun ŋun, ido eyakaun arereŋu kon ŋin neni a ŋituŋa a ekal a eketiyan kon ŋikaru ka ŋikaru.”

1 Ŋirw. 11:13

Nyeelielaari ayoŋ apukan daadaŋ; ainakini ayoŋ lokoku kon kipuka ekabila epei, aŋuna a eketiyan kaŋ a Daudi ka aŋuna a Yerusalem a ŋolo aseu ayoŋ aruwor etaun kaŋ.”

1 Ŋirw. 11:32

Nai aŋuna a eketiyan kaŋ a Daudi ka aŋuna a etaun a ŋolo a Yerusalem, a ŋolo aseu ayoŋ alokabilae a Isirael a daadaŋ, ipukae iŋes ekabila epei bon.

1 Ŋirw. 11:37

Akaseuni ayoŋ iyoŋ, ido ipukae iyoŋ neni daadaŋ ecamit etau kon; iruwor iyoŋ erwosit a ŋikabilae a ŋulu alowae aŋolo alo Kuju Isirael.

1 Ŋirw. 12:17

Nai abu Reoboam kipuka Ŋisirael ŋulu eboiyete alotaunio a ŋulu aya Yudaya.

1 Ŋirw. 14:21

Apaki ŋin arae Reoboam lokoku a Solomon epukat Yudaya. Arae ŋikaru a Reoboam ŋatomoniomwon ka epei apaki ŋina esyakinia akipuka Yudaya, ido abu iŋes kipuka Yudaya alo Yerusalem ŋikaru ŋitomon ka ŋikanikaarei. Kipuka iŋes Yudaya alotaun a ŋolo abu Ekapolon toseu toyakaun ekiro keŋ alotaunio a daadaŋ a ŋulu a ŋikabilae a Ŋisirael. Arae ekiro a toto a Reoboam Naama, arae iŋes Amonait.

1 Ŋirw. 15:4

Kikote neni daŋ aŋuna a Daudi, abu Ekapolon Akuj keŋ kiturubak ŋituŋa a Daudi eyakasi Yerusalem aŋuna abunio kilunyokinia lokoku keŋ kipuka ka aŋuna abunio kituruworya Yerusalem akibois ŋina emam ituŋanan ereuni.

1 Ŋirw. 2:4

Nen nai isiyookinio Akuj akirot keŋ ŋina abu ekeik ayoŋ ebala, ‘Ani kiyok ŋiletok kon epite ŋolo eyaryata, toyarete eketopoloorito ayoŋ erae ŋulu ikinyoma alotai kec a daadaŋ ka anakiyar kec a daadaŋ, nyikipiyori iyoŋ aryamun ekile ŋolo iboikin lokicoloŋ kipuka Ŋisirael.’

1 Ŋirw. 8:29

Elipi kite iyoŋ Akai na nakwaare ka naparan, kite akibois na ŋina ibu iyoŋ tolimu a ŋuna keŋ ebe, ‘Neni eyakaun ekiro kaŋ ne,’ ikotere nai iirari iyoŋ eketiyan kon ilipi neni kon iŋoliunit nakibois na.

1 Ŋirw. 9:3

Tema Ekapolon neni a Solomon, “Adau ayoŋ akiirar akilip kon ka adyekitoi kon, ŋuna ibu iyoŋ kirwor alokiŋaren kaŋ; adau ayoŋ akitaleun Akai na ŋina idau iyoŋ akiduk ka eturubakini ayoŋ ekiro kaŋ eyai ne ŋikaru ka ŋikaru arubakini ayoŋ eŋoliunit ka amina ne jik.

2 Ŋirw. 8:19

Tari kikote nen daŋ, pa acamit Ekapolon akinyasun Yudaya, anerae eikinit sek iŋes eketiyan keŋ Daudi atemar etoropari ŋiletok keŋ ŋikaru ka ŋikaru.

2 Ŋakiro a ŋirwa 12:13

Abu nai Reoboam kisicat apukan keŋ alo Yerusalem, torubak ipukat erae erwosit. Arae ŋikaru keŋ ŋatomoniomwon ka epei apaki ŋina esyakinia akipuka, kipuka iŋes Yudaya alo Yerusalem ŋikaru ŋitomon ka ŋikanikaarei. Arae Yerusalem etaun ŋolo abu Ekapolon toseu alotaunio a ŋikabilae a Ŋisirael a daadaŋ atemar kilipere iŋes. Arae ekiro a toto a Reoboam Naama, arae iŋes Amonait.

2 Ŋakiro a ŋirwa 21:7

Tari kikote neni daŋ, pa acamit Ekapolon akinyasun apukan a ekal a Daudi, anerae eikinit sek iŋes eketiyan keŋ Daudi atemar etoropari ŋiletok keŋ ipukato ŋikaru ka ŋikaru.

Ŋikiru. 132:17

Sion iŋes eturuworya ayoŋ epei a ŋipapae a Daudi erwosit ŋolo apolon nooi; Sion iŋes eturubakinia ayoŋ apukan ŋina a ŋolo abu ayoŋ oseu ikwapei erwosit.

Ŋibur. 12:22

Nai ipotu iyes lomoru ŋolo enyaritae Sion, lotaun ŋolo apolon ŋolo ka Akuj a ŋina eyari, Yerusalem ŋolo anakuj, ŋolo eya ŋimalaikan ŋulu alalak.

Akis. 21:10

Abu Etau min neni kaŋ, okoya emalaika tari moru ŋolo aoyan nooi. Eketoodik Yerusalem etaun ŋolo apolon ŋolo ka Akuj ebunit alokidiama aneni ka Akuj,