1 Ŋirw. 11:34 - Ebaibul

³⁴ Kikote neni daŋ, nyalemari ayoŋ apukan daadaŋ anakan keŋ, nai emyekini ayoŋ iŋes kipuka ŋirwa daadaŋ ŋulu eyarya iŋes. Itiyakin ŋun ŋuna a eketiyan kaŋ a Daudi a ŋolo abu ayoŋ oseu, ido abu kiwuap ŋakiciketa kaŋ ka ŋuna atubunit ayoŋ.

1 Ŋirw. 11:34 Iomraidhean Croise

2 Sam. 7:14

Aruwor ayoŋ papa keŋ, ido eruwor iŋes lokoku kaŋ. Ani kitiya iŋes aronis, adai ayoŋ iŋes lopite ŋolo edaya papa ikoku keŋ.

1 Ŋirw. 11:31

Tema nai Aija neni a Yeroboam, “Ya ŋacileta ŋatomon toruwor ŋuna kon, anerae ŋakiro nu ikes alimu Ekapolon Akuj ŋina a Isirael ebe, ‘Kiira, alosi ayoŋ akielar apukan anakan a Solomon, ido okoinak iyoŋ ŋikabilae ŋitomon kipuka.

1 Ŋirw. 11:33

Etiyae ayoŋ ŋun, anerae ekemyek ayoŋ, ido ilipi neni ka Asitores a akuj a ŋisidonianineni a Cemes a akuj a Ŋimoabi ka neni a Milikom a akuj a Ŋiamoni. Awou iŋes akiwuap ŋuna abala ayoŋ, nyitiya daŋ ŋuna iyookino alokiŋaren kaŋ, nyiwuapa daŋ ŋikisila kaŋ ka ŋuna atubunit ayoŋ kitiya iŋes lopite ŋolo etiyator Daudi ŋolo arae papa a Solomon.

1 Ŋirw. 11:35

Nai alemari ayoŋ apukan anakan alokoku keŋ, okoinak iyoŋ. Apukan ŋin, iŋes ŋikabilae ŋulutomon.

1 Ŋirw. 3:14

Ani kiwuap ŋakiro kaŋ, kiwuap ŋikisila kaŋ ka ŋakiciketa kaŋ, lopite ŋolo ewuapitor Daudi papa kon, akainakini nai ayoŋ iyoŋ akiyar ŋina aoyan.”

Yob 11:6

kerae ca itolimok iŋes iyoŋ ŋakiro ŋuna imunono ŋuna ka aosou! Anerae elalak ŋakiro ŋuna eya naosou, toyenu nai atemar ikisican iyoŋ Akuj iwadio, akilo neni emaikina ikisicanere iyoŋ aŋuna ka asecit kon.

Ŋikiru. 103:10

Nyikisicani iŋes iwon alopite a ŋolo emaikina ikisicanere iwon aŋuna a ŋasecisya yok, kori nyikicani iŋes iwon alopite a ŋolo emaikina ikisicanere iwon a ŋuna a ŋadyakanareta yok.

Ŋikiru. 89:19

Ibu iyoŋ koloŋ kirwor anakiruja neni a eketiyan kon a ŋolo ekinyoma tema, “Ainak ayoŋ apedor neni ekajion a ŋolo eyenen nooi; ainak ayoŋ apukan neni ke epei a ŋolo abu oseu alotuŋa.

Isa. 55:3

Topupokisi, ido ipotu neni kaŋ; kiirasi ŋakiro kaŋ ikotere iyarete. Ewuakini ayoŋ acamunet kaŋ ka iyes ŋina a ŋikaru ka ŋikaru, acamunet ŋina ikicamunor ayoŋ ka iyes, amina ŋina nyiryaŋiryaŋa ŋina abu ayoŋ eik Daudi.

Abak. 3:2

Okoe Ekapolon, adau ayoŋ akiirar ŋuna ka arwonu kon, ido aumokinit ayoŋ aŋuna a ŋiticisyo kon. Kitiya tokona nabo alorwa kosi ŋun, kisileereu tokona nabo ŋiticisyo kon ŋul. Toyakaunor akisyon, tari anapaki a ŋina iŋoitor.