1 Ŋirw. 11:33 - Ebaibul

³³ Etiyae ayoŋ ŋun, anerae ekemyek ayoŋ, ido ilipi neni ka Asitores a akuj a ŋisidonianineni a Cemes a akuj a Ŋimoabi ka neni a Milikom a akuj a Ŋiamoni. Awou iŋes akiwuap ŋuna abala ayoŋ, nyitiya daŋ ŋuna iyookino alokiŋaren kaŋ, nyiwuapa daŋ ŋikisila kaŋ ka ŋuna atubunit ayoŋ kitiya iŋes lopite ŋolo etiyator Daudi ŋolo arae papa a Solomon.

1 Ŋirw. 11:33 Iomraidhean Croise

1 Ŋirw. 11:34

Kikote neni daŋ, nyalemari ayoŋ apukan daadaŋ anakan keŋ, nai emyekini ayoŋ iŋes kipuka ŋirwa daadaŋ ŋulu eyarya iŋes. Itiyakin ŋun ŋuna a eketiyan kaŋ a Daudi a ŋolo abu ayoŋ oseu, ido abu kiwuap ŋakiciketa kaŋ ka ŋuna atubunit ayoŋ.

1 Ŋirw. 11:4

Ani edoli ŋikaru ŋulu amojoŋia Solomon, kituruwosi ŋaberu ŋun etau a Solomon ŋolo amina ŋakujo kec, tojamak etau a Solomon ainakina neni ke Ekapolon ka Akuj keŋ nyeminak lopite ŋolo sek aminar etau a Daudi a papa keŋ.

1 Ŋirw. 11:9

Aŋun nai, abu Ekapolon toŋoik Solomon, anerae abu etau keŋ nyemitak Ekapolon Akuj ŋina a Isirael, ŋina aris ketakanu neni keŋ ŋarwa ŋaarei,

1 Ŋirw. 14:8

ido abu eela apukan aneni a ŋituŋa a Daudi aŋuna ka ainakin neni kon, nai nyikwaanikina iyoŋ ka Daudi eketiyan kaŋ, ŋolo abu kiwuap ŋuna abu ayoŋ ecik iŋes, abu iŋes ekewuap ayoŋ a etau keŋ a daadaŋ, itiyae ŋuna iyookino bon alokiŋaren kaŋ.

1 Ŋirw. 3:14

Ani kiwuap ŋakiro kaŋ, kiwuap ŋikisila kaŋ ka ŋakiciketa kaŋ, lopite ŋolo ewuapitor Daudi papa kon, akainakini nai ayoŋ iyoŋ akiyar ŋina aoyan.”

2 Ŋirw. 1:3

Nai abu emalaika ŋolo ke Ekapolon kisirworik ekadwaran Eliya ŋolo alotaun Tisibe tema, “Tonyou, tolot kisiriamiya ŋituŋa ŋulu iyakit erwosit Aasia, kiŋit ikes tema, ‘Kaanukiro eraakar Baalsebub ŋina erae akuj a etaun a Ekiron iŋisit iyoŋ ŋakiro ŋuna ka adyak kon; mam mono Akuj alo Isirael a?’

2 Ŋirw. 21:22

Abu iŋes toŋer Ekapolon, Akuj ŋina atapapaa keŋ, toesik akiwuapit ŋakiro keŋ.

1 Ŋakiro a ŋirwa 28:9

“Iyoŋ Solomon lokoku kaŋ, tocamu Akuj a papa kon, kitiyanak iŋes ke ekonitau a daadaŋ icamakinit ka a ŋatameta a ŋuna einakina, anerae eyeni Ekapolon ŋuna eya lotai daadaŋ ka daadaŋ ŋuna etami ituŋanan akitiyakin. Ani kiwar iyoŋ iŋes, iryamuni iyoŋ iŋes, nai ani kiŋer iyoŋ iŋes, ikiŋeri iŋes iyoŋ ŋikaru ka ŋikaru.

2 Ŋakiro a ŋirwa 15:2

Tolot Asaria neni ka Asa tema, “Kiirasi ŋakiro kaŋ, iyoŋ Asa ka ŋituŋa a Yudaya daadaŋ ta ŋulu a Benjamin. Irukito iyes ke Ekapolon erae ca kirukito iyes ka iŋes. Ani kiwara iyes iŋes, ikimyekini iŋes iyes toryamut iŋes, nai ani kimyekis iyes iŋes, ikimyekini iŋes daŋ iyes.

Yer. 2:11

Eyai mono akwap adio ŋina elocok ŋakujo keŋ, tari pa kerae ŋakujo kec ŋuna a kire a? Nai aŋero ŋituŋa kaŋ Akuj kec aŋuna a ibore a ŋini emam ibore iryamunia.

Yer. 2:13

“Anerae etiyata ŋituŋa kaŋ ŋaronisya ŋaarei: Akaesikis ikes ayoŋ, ŋolo ekoni aneni kec eitanit ŋolo a ŋakipi a ŋuna eteyarak, ido aboka aŋuna kec ŋakare ŋuna ebaabaato, ŋuna nyepedorete ŋakipi ayakau tooma kec.

Yer. 48:13

Irumete nai ŋituŋa a Moab ŋileec aŋuna a akuj kec Kemos lopite ŋolo erumyata ŋituŋa a Isirael ŋileec aŋuna a akuj Besel a ŋina ekinyomito ikes.

Yer. 48:7

“Kire jik, aŋuna iponiata iyes kikinyoma ŋaduketa kus ŋunajiet ka abaru kus, iyes daŋ ikikamaryo. Eyaaryo akuj kus Kemos nakwap ace kaapei ka ŋisacaradotin keŋ ka ŋiketiyak keŋ.

Osea 4:17

“Emorikinosi Epuraim ka ŋakujo, kimyekisi iŋes bon.

Sepan. 1:5

Amunyari ayoŋ ŋulu edokanerete nakais akilip neni a akoloŋ, a elap ta neni a ŋikacer; amunyari ayoŋ ŋulu eryedikete kikoŋo ekiro ke Ekapolon, nai kikoŋete daŋ ekiro ka akuj a ŋina enyaritae Milikom;

Ekim. 21:29

Ekaŋ iyoŋ, okoe Moab! Ikimunyar iyes, okoe ŋituŋa a akuj Kemos! Eturuwo akuj ŋin ŋikilyok ŋulu ikinyomito iŋes ŋikayarak anakwapin ka aruworosi ŋaberu ŋuna ikinyomito iŋes ŋarikon a erwosit Sikon, erwosit a Ŋiamori.

1 Sam. 7:3

Abu nai Samuel tolimok Ŋisirael tema, “Ani kiboŋunito iyes neni ke Ekapolon a ŋitai kus a daadaŋ, tolemasi nai alokidiŋ kus ŋakujo ŋunagelae, ikwapei Asitaros. Totama alotai kus ŋuna ke Ekapolon, kitiyanakisi iŋes bon, ido ikiuni iŋes iyes anakan a Ŋipilistin.”