1 Ŋirw. 11:3 - Ebaibul

³ Ayakar Solomon ŋaberu ŋamiae ŋakanikaarei ŋuna auritae alokalya a ŋirwosi ka ŋace ŋamiae ŋauni ŋuna pa eitit; apotu ŋaberu keŋ ŋun kibatasi etau a Solomon.

1 Ŋirw. 11:3 Iomraidhean Croise

2 Ŋakiro a ŋirwa 11:21

Amina Reoboam Maaka nakoku ka Abusalom nooi akilo ŋaberu keŋ ŋunace daadaŋ ŋuna eitit ka ŋuna pa eitit. (Arae ŋaberu keŋ ŋuna eitit ŋatomon ka ŋakanikauni ka ŋuna pa eitit ŋatomonikanikapei. Arae ŋidwe keŋ ŋulusapa ŋatomoniarei ka ŋikanikauni ka ŋulupesur ŋatomonikanikapei.)

Esta 1:18

Kelunyar akoloŋit na nyitiya ŋadi, eŋerete ŋaberu a ŋikapolok a Perisia ka Media ŋakiro a ŋikapolok a ŋulu ipukato ikes ka ŋuna a erwosit aŋuna eiraryata aronis ŋina etiya Basiti, ido eyakaun ajamuwarit ka anyunyura ne ŋina nyesaluni.

Ekal. 2:8

Abu daŋ ayoŋ ocun aŋuna kaŋ esilipa, egolid ka ebari ŋolo a ŋirwosi a ŋice ta ŋolo a ŋakiboisyo a ŋace; abu ayoŋ oryamu ŋikilyok ka ŋaberu ŋulu arae ŋikaeok; abu ayoŋ oryamu ŋinibore daadaŋ ŋini etalakaran, abu ayoŋ oyakaunor ŋaberu ŋuna alalak ŋuna pa eiitit.

Ekal. 7:28

Ani eriŋa ayoŋ ewarit aryamun ŋaboŋonokineta a ŋakiŋiseta kaŋ, ido toriŋa nyeryamuna, abu ayoŋ oryamun ekile epei ŋolo eyookino alokilyok a ŋulu arae aliput, nai nyeryamuna ayoŋ aberu ŋina iyookino anaberu a ŋuna arae aliput.

Eete a Ŋie. 6:8

Tari keyakasi ŋaberu a erwosit ŋuna iitit ŋatomonikanikapei ka ŋuna nyiitit ŋatomonikanikauni ka ŋapesur ŋuna nyiryamakina ka ŋikilyok ŋuna nyimarun,

Eete a Ŋie. 6:9

nai mam ŋina ikwaanatar ŋina kaŋ, ŋinacope a ŋakonyen ikwa akuri ŋina ajokan nooi, iŋes bon erae ŋinaminat a toto keŋ. Apotu ŋapesur a erwosit ŋuna eitit ka ŋuna pa eitit kipuro iŋes ebasi,

Ŋikis. 17:17

Nyemaikina daŋ erwosit kus toryamu ŋaberu ŋuna alalak, acepaki epedori etau keŋ akibatar. Nabo daŋ, nyemaikina iŋes kirira aŋuna keŋ esilipa ka egolid ŋolo alalan.

Ŋikat. 3:6

apotu Ŋisirael yaanasi ŋidwe ŋulupesur ŋulu a ŋituŋa a ŋul erae ŋaberu kec ka inanakis daŋ ikes ŋidwe kec ŋulupesur aruwor ŋaberu neni a ŋidwe a ŋulusapa a ŋulu a ŋituŋa a ŋul, ido kilipa daŋ neni a ŋakujo kec.

Ŋikat. 9:5

Abu nai Abimeleki tolot lore a papa keŋ Opura, toar ŋikaipapae keŋ, ŋidwe ŋulusapa ŋulu a Yerubaal; toar Abimelek ŋikilyok ŋatomonikanikaarei alokidiama ataaba apei, nai abu Yosam, lokoku a Yerubaal ŋoloŋoorit toiun, anerae aponi kiwae ikotere Abimelek nyear.