1 Ŋirw. 11:24 - Ebaibul

²⁴ Abu ŋol tocunak ŋulu ewuapito iŋes, kituruwor iŋes bon ekarikon a ajore aŋulu aŋerite apukan a Soba apaki ŋina aarya Daudi ŋituŋa kec. Toloto ikes Damasko kiboiyoto a nen, toruwor Reson erwosit a Damasko.

1 Ŋirw. 11:24 Iomraidhean Croise

Akisy. 14:15

Ani ewari, totyak Aburam ŋajorei keŋ, aŋuna ka akisiryakin ŋimoe nakwaare. Toruko iŋes ka ŋiketiyak keŋ kisiiryakis ŋimoe kirita todolo tari Oba, Kuju Damasko.

2 Sam. 10:18

Nai apotu tobwaŋas alokiŋaren Ŋisirael, toara ata Daudi Ŋiarameani ŋajorei ŋakanikaarei ŋulu ameto ŋaŋolei ka ŋalipyo ŋatomoniomwon ŋulu alosete a ŋakejen. Apotu ata Daudi toara tari Sobak, ekarikon a ajore a Ŋiarameani, kidoŋok lokiryam nen.

2 Sam. 10:6

Ani eanyunete Ŋiamoni atemar aremokin daudi ikes, kiyakiyata ikes ŋituŋa akipaŋgaun ŋituŋa ŋice kiŋarakis ikes. Apotu ikes kipaŋgaut: Ŋiarameani ŋulu alo Bes-Reob ka Ŋiarameani ŋulu alo Soba; potu ŋul erae ŋasigarya ŋalipyo ŋatomoniarei ŋulu alosete a ŋakejen, kipaŋgaut ikes tari erwosit ŋolo a Maaka ka ŋasigarya keŋ aliput; kipaŋgaut ikes ŋikilyok ŋice ŋalipyo ŋatomon ka ŋiarei alo Tob.

2 Sam. 10:8

Tolomut Ŋiamoni alotaun, kicodosi iwuapito erot epei akisyakin alopuke ke etaun; nai apotu Ŋiarameani ŋulu alo Soba ka ŋulu alo Bes-Reob ka ŋikilyok ŋulu alo Tob ta ŋulu alo Maaka, toriwo neni kec make neni alapat.

2 Sam. 8:3

Abu daŋ Daudi toar erwosit ŋolo anyaritae Adadeser, lokoku a Reob a ŋolo a Soba. Etiyae iŋes ŋun apaki ŋina alosyo Adadeser akikamar akwap ŋina ayai diyete aŋolol ŋina enyaritae Eupurate.

1 Ŋirw. 11:25

Torubak Reson erae emoit ŋolo a Isirael ŋirwa daadaŋ ŋulu epukator Solomon, kican iŋes Solomon lopite ŋolo ecanitor Adad Solomon. Abu Reson kipuka Aram, torubak imanit Isirael.

1 Ŋirw. 15:18

Aŋun nai, abu Asa tolemu esilipa daadaŋ ka egolid ŋolo edoŋit lositowae ŋulu ka Akai ke Ekapolon ka lositowae ŋulu ka akai ke erwosit, inak ŋiboro ŋul neni a ŋiketiyak keŋ. Kiyakiya Asa ŋiketiyak keŋ ŋul neni a erwosit Ben-Adad a lokoku a Tabirimon a ŋolo arae lokoku ka Esion a ŋolo alo Aram. Eboi Ben-Adad alo Damasko apaki ŋin. Temasi ŋiketiyak ŋul neni a Ben-Adad abala Asa,

1 Ŋirw. 19:15

Tema nai Ekapolon neni keŋ, “Ape, toboŋo tomek erot ŋolopei ŋoon, tolot naloŋisat ŋina alo Damasko. Ani idoli iyoŋ nen, kiosak akimyet neni ka Asael kituruwo iŋes erwosit ŋolo ka Aram.

1 Ŋirw. 20:34

Tema Ben-Adad neni ka Aab, “Ekenyakakini ayoŋ iyoŋ ŋitaunio ŋulu abu papa kaŋ ya aneni a papa kon; ipedori iyoŋ akiwuakin Damasko ŋimaketa kon, lopite ŋolo abunio papa kaŋ kiwuakinia ŋimaketa Samaria.” Toboŋok erwosit a Isirael tema, “Ekemyekini ayoŋ iyoŋ tolot aŋuna a ŋakiro a ŋuna acamunoi iwon a ŋun.” Aŋun, apotu Aab tocamunos ka Ben-Adad, kimyekinae nai Ben-Adad tolot.

2 Ŋirw. 14:28

Ŋiticisyo a Yeroboam a ŋolo a ŋiarei ŋuluce daadaŋ ka daadaŋ ŋuna etiyae iŋes ka ŋuna a arwonu keŋ ta epite ŋolo ademunia iŋes ŋituŋa a Yudaya ŋitaunio Damasko ka Amas, igiritae lokitaabo ŋolo ŋakiro a ŋirwosi a Isirael.

2 Ŋirw. 8:7

Tolot Elisa Damasko apaki ŋina adyakar erwosit Benadad, ŋolo ka Aram. Ani elimokinio iŋes atemar eyai Elisa nakwap ŋin,

Ŋitic. 9:2

akiŋit ŋabaruwae ŋuna itoodiunito atemar ecamakinitae iŋes alosit losinagogae ŋulu alo Damasko, ikotere ani keryamu ituŋanan idio ŋini enupit Kristo, ekile kori aberu, kikama ikes, toen ya Yerusalem. (Anyaritae daŋ ŋikewuapak a Kristo, “Ŋulu ke Erot.”)