1 Ŋirw. 11:21 - Ebaibul

²¹ Ani eriŋa Adad eyai Ijipit, kiira atemar adau Daudi atwanare ikwapei atapapaakeŋ ka adau Yoab daŋ ekarikon ka ajore atwanare, tema Adad neni a Parao, “Kimyekinae ayoŋ alot, ikotere aboŋori nakwap kaŋ.”

1 Ŋirw. 11:21 Iomraidhean Croise

Akisy. 45:24

Kitolot nai Yosepu ŋikaitotoi keŋ, ani erotokinete, tema Yosepu neni kec, “Nyiburata alorot.”

2 Sam. 3:21

Tema Abiner neni a Daudi, “Kimyekinae ayoŋ olot ocunak Ŋisirael daadaŋ aŋuna kon erwosit ekapolon kaŋ, ikotere iyoŋ icamunosi ka ikes, ido nai kipuka iyoŋ ibore daadaŋ ŋini ecamit etau kon.” Aŋun, abu Daudi kitolot Abiner, torotok a nen emam ŋace.

1 Ŋirw. 11:20

Abu nakaato a Tapenes kidou ikoku ka Adad, tolimokinae ekiro keŋ Genubas. Kitopolou Tapenes ikoku ŋin alo kai a Parao. Kiboi Genubas alo kai a Parao erukito ka ŋidwe a Parao.

1 Ŋirw. 11:22

Nai abu Parao kiŋit iŋes tema, “Nyo icanakin iyoŋ aneni kaŋ ŋini icamitor iyoŋ tokona alosit nakwap kon?” Toboŋok iŋes tema, “Mam ibore, kimyekinae ayoŋ alot.”

1 Ŋirw. 2:10

Totwana nai Daudi iwapei ata papaa keŋ tonukae akuwan keŋ lotaun a Daudi.

1 Ŋirw. 2:34

Aŋun, abu Benaia lokoku a Yekoiyada tolot kicum Yoab toar, tonukae kai keŋ a elope nariet.

Awos. 4:19

Aris sek Ekapolon kelimoki Moses alo Midian ebe, “Toboŋo Ijipit, anerae atwaka daadaŋ ŋulu paaran acamito akiar iyoŋ.”

Mat. 2:20

tema, “Tonyou, ya ikoku ka toto keŋ, toboŋo nakwap a Ŋisirael, anerae atwaka ŋulu ewarito akiar ikoku.”

Yos. 2:21

Tolimu Raab tema, “Ŋuna idaut iyes alimun, daadaŋ ŋunapei.” Kimyek nai iŋes ikes toloto. Tosodi nai toenik arac ŋina areŋan lodirisa.

1 Sam. 9:26

Ani nai esodi akwap akiwalar, tonyarau Samuel Saul alokidiama akai tema, “Tonyou, ikotere eketolot ayoŋ iyoŋ.” Tonyou Saul, torukosi ka Samuel kiŋa akai toloto lorot.