1 Ŋirw. 11:1 - Ebaibul

¹ Abu erwosit Solomon kiit ŋaberu ŋuna alalak ŋunamoen kaapei ka nakoku a Parao. Arae ŋaberu ŋun: Ŋamoabi, Ŋaamoni, Ŋaedomi, Ŋasidoni ka Ŋaitaiti.

1 Ŋirw. 11:1 Iomraidhean Croise

1 Ŋirw. 11:8

Abu Solomon todukonok ŋakais a ŋakuj a ŋaberu keŋ a ŋunamoen a ŋun a daadaŋ. Apotu ŋaberu ŋun yaanasi nakujo kec ekinyate ka ŋamuronisya.

1 Ŋirw. 14:21

Apaki ŋin arae Reoboam lokoku a Solomon epukat Yudaya. Arae ŋikaru a Reoboam ŋatomoniomwon ka epei apaki ŋina esyakinia akipuka Yudaya, ido abu iŋes kipuka Yudaya alo Yerusalem ŋikaru ŋitomon ka ŋikanikaarei. Kipuka iŋes Yudaya alotaun a ŋolo abu Ekapolon toseu toyakaun ekiro keŋ alotaunio a daadaŋ a ŋulu a ŋikabilae a Ŋisirael. Arae ekiro a toto a Reoboam Naama, arae iŋes Amonait.

1 Ŋirw. 14:31

Abu Reoboam totwan, ido aponi tonukae lotaun a Daudi neni anukitae atapapaa keŋ. Arae ekiro a toto keŋ Naama ŋina arae Amonait. Abu lokoku keŋ Abiyam kilunyokin lokicoloŋ keŋ kipuka Yudaya.

1 Ŋirw. 16:31

Ikwapei atakania aneni ka Aab esibit edit ŋina abunio iŋes kiwuapya ŋuna etiyat Yeroboam alokoku a Nebat, abu Aab kiit Yesebel nakoku a Esibaal a erwosit a ŋolo a Sidon, ido kisyak akitiyanakin Baal ka akilip neni a Baal.

1 Ŋirw. 3:1

Toyenakin Solomon ka Parao, erwosit ŋolo a Ijipit anakiit Solomon nakoku a Parao. Yau Solomon aberu ŋin akiboi lotaun a Daudi akitodol ŋina erikakinia Solomon akiduk akai keŋ ka Akai ke Ekapolon ta arwatata ŋina eryamit Yerusalem.

Esir 10:44

Kepotu ŋituŋa ŋul daadaŋ kiitut ŋaberu ŋunagelae, ido apotu ikes kiritasi ŋaberu ŋun ka ŋidwe daŋ.

Esir 9:1

Kedaun akitiya ŋakiro ŋun daadaŋ apotu ŋikapolokinitok ŋituŋa potu neni kaŋ temasi, “Nyetyakara ŋituŋa a Isirael ka ŋilepi alotuŋa a ŋakwapin ka anakiro kec a ŋuna asiilyanak, nyetyakara ikes aneni a Ŋikanaani, a Ŋiitaiti, a Ŋiperisi, a Ŋiyebusi, a Ŋiamoni, a Ŋimoabi, a Ŋijipitian ka aneni a Ŋiamori,

Esir 9:2

anerae eitununut ikes ŋidwe ŋulupesur ŋulu a ŋituŋa a ŋul ikwapei ŋaberu kec ka ŋaberu a ŋidwe kec a ŋulusapa. Aŋun, enyalakin ŋituŋa ŋulu asegak ŋulu ka Akuj ka ŋituŋa a ŋakwapin, ido anamamukau akikinyomit Akuj arikokis ŋikapolokinitok ŋituŋa akitiya ŋakiro ŋun.

Awos. 34:16

Ani kicamunosi ka ikes, ipedorete iyes akiitakin ŋidwe kus ŋulusapa ŋidwe kec ŋulupesur, tosodo ŋidwe kec ŋulupesur ŋulu ilipete ŋakujo kec, kituruwosi ŋidwe kus ŋulusapa ŋulu ilipete ŋakujo a ŋaberu kec.

Ŋakit. 2:16

Ikiuni iyoŋ aosou tari anaberu a ŋina italit amalao, a ŋina itobobot ŋakiro keŋ aŋuna ka alomya,

Ŋakit. 22:14

Erae ŋakiro a aberu a ŋina emalaana akipany ŋina ecukul nooi, ituŋanan daadaŋ ŋini elomari nanyunyura ŋina a Ekapolon elomari nakiro a aberu a ŋin.

Ŋakit. 23:33

Igeuni iyoŋ akitere ŋiboorei ŋulu egelaaka, ido eyakaun natameta kon ŋitorubei ŋulu ikisibilerete.

Ŋakit. 31:3

Nyiwuak agogoŋu kon naberu, nyiwuak ŋiboro kon naberu ŋuna amunyasi ŋirwosi.

Ŋakit. 6:24

Erae ŋun ŋuna ikiunete iyoŋ anaberu a ŋina amalaanan, erae ŋun ŋuna ikiunete iyoŋ anakiro a ŋuna abobok a ŋuna irworo akaloman.

Ŋakit. 7:5

Ikiuryarete ikes iyoŋ anamalaae, ikiuryarete ikes iyoŋ anakalomak a ŋuna itoboboto ŋakiro a ŋun.

Ŋilep. 18:18

Nyiya nakaato ka aberu kon, kituruwo akain ka aberu kon, ido kiryamakinos ka iŋes, toriŋa aberu kon eyari.

Ŋikis. 17:17

Nyemaikina daŋ erwosit kus toryamu ŋaberu ŋuna alalak, acepaki epedori etau keŋ akibatar. Nabo daŋ, nyemaikina iŋes kirira aŋuna keŋ esilipa ka egolid ŋolo alalan.