1 Ŋirw. 10:25 - Ebaibul

²⁵ Ayaununui ŋinituŋanan abuni aanyun Solomon ŋiboro ŋulu arae ŋainakineta ŋulu etiyaunitae a esilipa ka egolid. Ayaununeete ikes ŋilowi, ŋiboro ŋulujiet, ŋikito ŋulu ekukuny, ŋaŋolei ka ŋaŋolei-sigirya. Ayaununuyo ŋul elalak a ŋolokaru.

1 Ŋirw. 10:25 Iomraidhean Croise

Akisy. 36:24

Ŋidwe a Sibeon ŋulusapa ikes lu: Ayia ka Ana; Ana ŋol iŋes ŋolo abu toryamu ŋicowae analoŋisat apaki ŋina eyokiyo iŋes ŋisigirya a Sibeon a papa keŋ.

2 Sam. 8:10

Kiyakiya iŋes lokoku keŋ ŋolo anyaritae Yoram neni a Daudi a erwosit, akimala ka akitalakar Daudi aŋuna elounia Adadeser. Kenipit sek Adadeser Toi ka aŋorot kitiji jik. Ya Yoram neni a Daudi ŋiboro ŋulu etiyaunitae a esilipa, a egolid ka a eburonis.

2 Sam. 8:2

Abu Daudi kilou tari Ŋimoabi, kiperik ikes kwap, kimaru ŋilaino ŋiarei ŋulu a ŋulu emaikina toarae ka elain epei ŋolo a ŋulu emaikina kimyekinae toyara. Aŋun, apotu Ŋimoabi toruwor ŋiketiyak a Daudi, kisyakis akitac ocur neni a Daudi.

1 Ŋirw. 1:33

tema erwosit neni kec, “Torukosi ka ŋiketiyak kaŋ a ekapolon kus, kitodakakisi Solomon lokoku kaŋ aŋole-sigirya kaŋ totiyaarotor iŋes Gion.

1 Ŋirw. 10:10

Inak nai arwosit ŋina a Seba erwosit ŋatalantae amiat ka ŋatomoniarei ŋuna ke egolid, ŋikito ŋulu ekukuny ŋulu alalak ka ŋamoru ŋuna epol egyelit; mam apaki ace ŋina ayaunitere neni a Solomon ŋikito ŋulu ekukuny ŋulu alalak, ŋulu etya ŋulu abu arwosit ŋina a Seba inak erwosit Solomon.

1 Ŋirw. 18:5

Tema nai Aab neni ka Obadia, “Apena erimokisi akwap na odolo lolelyan daadaŋ ka nayona daadaŋ; acepaki ikipedori aryamun ŋinya ŋulu iteyarete ŋaŋolei ka ŋaŋolei-sigirya, ikotere nyikitwakiya iwon ŋice a ŋibaren a lu.”

1 Ŋirw. 5:1

Ani iirari Iram, erwosit ŋolo a Tiro atemar eturuwor Solomon erwosit, elunyokin lorot a papa keŋ Daudi, kiyakiya iŋes ŋiketiyak keŋ neni a Solomon, anerae kerae sek iŋes ekone a Daudi.

2 Ŋirw. 17:4

Nai abu erwosit ŋolo ka Asiriya toripu atemar etuko Osea aŋuna kebunio kiyakiya ŋituŋa neni a So a ŋolo arae erwosit a Ijipit, ido towou akitac ocur neni ke erwosit ka Asiriya a ŋolo sek aris iŋes ketacanaki ocur a ŋolokaru. Aŋun abu erwosit ka Asiriya kikama iŋes kiwuak mabus.

2 Ŋakiro a ŋirwa 26:8

Apotu Ŋiamoni yaasi ocur kec neni a Usia, ido abu arwonu keŋ todol tari lokukor ŋolo ka akwap kec ka Ijipit, anerae abu Usia togogoŋior nooi.

2 Ŋakiro a ŋirwa 9:24

Ayaununui ŋinituŋanan abuni aanyun Solomon ŋiboro ŋulu arae ŋainakineta ŋulu etiyaunitae a esilipa ka a egolid. Ayaununeete ikes: Ŋilowi, ŋiboro ŋulujiet, ŋikito ŋulu ekukuny, ŋaŋolei ka ŋaŋolei-sigirya. Ayaununuyo ŋul elalak a ŋolokaru.

Esir 2:66

Ayakatar ikes ŋaŋolei ŋamiae ŋakanikaarei ka ŋatomoniuni ka ŋakanikapei, ŋaŋolei-sigirya ŋamiae ŋaarei ka ŋatomoniomwon ka ŋakan,

Esta 8:10

Kigir Moridekai ŋabaruwae alokiro a erwosit Ausero, ido toenik ekaboboot a erwosit neni egolokinitere ŋakiro ŋun. Kiyakiya iŋes ŋabaruwae ŋun yaasi ŋikametok ŋaŋolei ŋuna apiranak ŋuna auritae alosipan a ŋolo ka apukan.

Esta 8:14

Aŋun, apotu ŋikakerak todokakis ŋaŋolei ŋuna apiranak ŋuna ka apukan, toema kiŋa atipei, anerae alimokinit erwosit ikes akionyakin. Aponi nai ekisil ŋol tolimokinae lotuŋa alokai ka apukan a ŋina alo Susa.

Yob 42:11

Ekaku, potu neni a Yob ŋikaitotoi keŋ, ŋakaitotoi keŋ ka daadaŋ ŋulu sek ayenete iŋes, kimuja kaapei ka iŋes alokai keŋ. Apotu kitoodiut akiyaloloŋ ŋina sek ayakatar ikes aŋuna a Yob ka apotu kisirworiut iŋes aŋuna ka aronis a daadaŋ a ŋina abu Ekapolon yau neni keŋ abu ŋinituŋanan alotooma ŋul inak Yob ŋidisiliŋa ka ekaboboot ŋolo etiyaunitae a egolid.

Ŋikiru. 68:29

Aŋuna a Akai kon a ŋina eyai Yerusalem, eyaunete ŋirwosi neni kon ŋainakineta.

Ŋikiru. 72:10

Emaikina inakis ŋirwosi ŋulu a Tarisis ka ŋulu a ŋiculeta iŋes ocur, emaikina yaut neni keŋ ŋirwosi a Ceba ka Seba ŋainakineta.

Ŋikiru. 72:15

Agasi ayoŋ torubak iŋes eyari jik! Elipi ayoŋ inakinae iŋes egolid ŋolo a Ceba. Elipi ayoŋ kilipete ŋituŋa aŋuna keŋ jwi jwi ido togatunito ŋarereŋisyo aŋuna keŋ apaaran jwii.

Isa. 36:16

Nyipupokis ŋakiro a Esekia, anerae ebala erwosit ka Asiriya, ‘Tocamutu ekisil ka ayoŋ, ido potu neni kaŋ, epedori nai ŋinituŋanan kus akinyam ŋaraito a epiini keŋ ka ŋaboboryo a ebobore keŋ ka akimat ŋakipi a akare keŋ,

Isa. 66:20

Eyaunete ikes ŋiyeneta kus daadaŋ anakwapin a daadaŋ erae ainakinet neni ke Ekapolon iwuokito a ŋaŋolei ka a ŋagaari a ŋuna iritae a ŋaŋolei, a ŋitak a ŋaŋolei, a ŋaŋolei-sigirya ka a ŋikaala, eyaunete ikes ŋituŋa ŋul lomukura kaŋ ŋolo asegan Yerusalem, lopite ŋolopei eyaununiata Ŋisirael ŋainakineta a ŋikinyom, a ŋiboro a ŋulu asegak Kai a Ekapolon.

Esek. 27:14

Apotu ŋituŋa a Bes-Togarima yaasi ŋiboro kon, ikiinakis iyoŋ ŋaŋolei ŋunakitiyaet ka ŋuna a ejie ta ŋaŋolei-sigirya.

Mat. 2:11

Tolomasi ikes kai, kiŋolikis ikoku ka toto keŋ Maria, toryediko ikes alokiŋaren keŋ, tomaa, toŋaasi nai ŋicweei kec, tolemikis iŋes ŋainakineta nu: egolid, eminae ŋolo ke ekinyate ka eceminae ŋolo akukunyon nooi.

Ŋikat. 3:15

Nai ani igworokinete Ŋisirael Ekapolon, abu Ekapolon toseu aŋuna kec ekalakunan, iŋes Eud lokoku a Gera, ŋolo alokabila a Benjamin, arae iŋes ekile ŋolo akedyenyana. Apotu Ŋisirael kiyakiyasi iŋes akiya ocur kec neni a erwosit Egilon ŋolo a Ŋimoabi.

1 Sam. 10:27

Nai apotu ŋasyanisya ŋace temasi, “Epedori mono etuŋanan lo aiun iwon a?” Tojamuwasi ikes Saul, ido nyeaut ŋainakineta ŋadi neni a Saul. Nai abu Saul nyemitak ŋakiro kec. Apaki ŋin, atiŋit neni aronon nooi Naas erwosit ŋolo a Ŋiamoni erwosit ŋolo a Ŋigadi ka ŋolo a Ŋirubeni. Amina Naas agoronor ŋakonyen ŋuna aloteten ŋuna a ŋimoe keŋ a ŋul, ido pa acamit ainakin Ŋisirael ekaiunan. Mam Ŋisirael ŋulu eboiyete alokekwaye Yorodan ŋulu abu Naas erwosit a Ŋiamoni toesik nyegororo ŋakonyen ŋuna aloteten. Nai ayakasi Ŋisirael ŋalipyo ŋakanikaarei ŋulu kepotu tosiwa aneni a Ŋiamoni toloto Yabes-Gilead.