1 Ŋirw. 1:40 - Ebaibul

⁴⁰ Kitipeiyosi ŋituŋa daadaŋ lotaun iwuapito Solomon ekusete ŋapilui, elelyanete analelyanu a ŋina apolon nooi, ŋina abu kitecelu ikes kituruturokin tari akwap.

1 Ŋirw. 1:40 Iomraidhean Croise

1 Ŋirw. 1:39

Ani edolete ikes nen, tolemu esacaradoti Sadok amomwara ŋina eyai akimyet alo eema, ido kiosak akimyet neni a Solomon. Tokutakis nai arupepe, temasi ŋituŋa daadaŋ “Ikigasi isua torubak erwosit Solomon eyari.”

1 Ŋirw. 1:41

Kiirasi Adoniya ka ŋipeyok daadaŋ ŋulu arukitotor iŋes ecelet ŋol apaki ŋina adaunotor ŋasuban kec. Ani iirari Yoab arupepe erwo, kiŋit tema, “Alicelet lo ŋolo ireta alotaun?”

1 Ŋirw. 1:45

Adaut esacaradoti Sadok ka ekadwaran Nasan akios iŋes ka akimyet ka akituruwor iŋes alo Gion erwosit. Anyout ikes a nen etipeiyosi lotaun elelyanete. Ŋakiro ŋun nai ayakar ecelet lotaun, ido ecelet ŋol iŋes ipupete iyes.

2 Ŋirw. 11:14

Ani edoli iŋes nen, kiŋolik erwosit ŋolo ariŋa eseunio ewoi alopir a ekek a Akai ka Akuj, lopite ŋolopei sek ewoenenea erwosit a nen. Erimokinito iŋes kidiŋ ŋikarikok a ŋasigarya ka ŋikakutak ŋarupepe, tocelas ŋituŋa daadaŋ elelyanete, tokusete ŋarupepe. Abu arwosit Asalia tocilicili ŋilowi keŋ, kiworou tema, “Erae ibore en aruruma ŋina demaret arwosit apukan, Erae ibore en aruruma ŋina demaret erwosit apukan!”

2 Ŋirw. 11:20

Tolelyana ŋituŋa ka akwap a ŋin daadaŋ, bu ekisil lotaun keari Asalia a ekileŋ a ŋolo alokai ke erwosit.

Ŋikiru. 97:1

Erae Ekapolon Erwosit! Emaikina ŋituŋa tolelyana; emaikina ŋituŋa ŋulu iboiyete alodiyete ŋanamyo tolakar.

Dan. 3:5

ani iirarete iyes eruye a amomwara a emesek, a apilu, a agita, a aujiwij, a aduŋgu, a ebur ka ŋolo a ŋiboro a daadaŋ a ŋulu eore, emaikina iyes toryediko ka kilipa etorube a egolid ŋolo adau erwosit Nebukadinesar asipokin.

Sakar 9:9

“Tolelyana nooi iyes ŋituŋa a Sion! Tocelutu nooi aŋuna ka alelyanu, iyes ŋituŋa a Yerusalem! Kiŋolikisi ebunit erwosit kus neni kus; Erae iŋes ŋolo iyookino ka ŋolo adau akiloun, erae iŋes ŋolo itiditeuna ka edokit isigirya, itaok ŋini ka asigirya.”

Luk. 19:37

Ani eapuuni Yesu Yerusalem neni etiyaaror erot ŋolo eteni moru a ŋikito a ŋulu enyaritae Olipa, tolomak asepic a ŋikasyomak alelyan ka akipuro Akuj iworoete nooi, ikotere ŋakiro ŋuna kepotu ikes toanyut. Temasi ikes,

1 Sam. 11:15

Aŋun, apotu ŋituŋa daadaŋ toloto Giligal, kituruwosi Saul erwosit a nen alokiŋaren Ekapolon. Toara ŋamuronisya ŋuna ke ekisil a nen alokiŋaren Ekapolon. Tolelyana nooi Saul ka Ŋisirael daadaŋ a nen.

1 Sam. 4:5

Ani edolunere Asaduku ŋina ka Acamunet a Ekapolon neni eboiyoto Ŋisirael, tocelut Ŋisirael daadaŋ nooi, kituruturokin akwap.