1 Ŋirw. 1:36 - Ebaibul

³⁶ Toboŋok Benaia ŋolo arae lokoku a Yekoiyada erwosit Daudi tema, “Amen! Elipi Ekapolon Akuj a ekapolon kaŋ a erwosit kitiyak ŋakiro ŋun.

1 Ŋirw. 1:36 Iomraidhean Croise

2 Sam. 8:18

Benaia lokoku a Yekoiyada iŋes apolokinit Ŋikeresi ka Ŋipelesi; ido arae ŋidwe a Daudi ŋulusapa ŋisacaradotin.

1 Ŋirw. 1:35

Emaikina nai iyes itupito iŋes itipeunete lotaun. Kimyekis iŋes toloma tooma, kiboikin lokicoloŋ kaŋ; anerae aseu ayoŋ iŋes aruwor ekepukan a Isirael ka Yudaya.”

1 Ŋirw. 1:37

Lopite ŋolo pei ayakatar Ekapolon ka ekapolon kaŋ erwosit, elipi toyai iŋes ka Solomon, kitopoloo nooi apukan keŋ kilo ŋina a ekapolon kaŋ a erwosit a Daudi.”

1 Ŋakiro a ŋirwa 17:27

Elipi tolakar iyoŋ kiterereŋ ekal a eketiyan kon, ikotere erubakinete erae ŋulu kon, anerae iyoŋ okoe Ekapolon, idau akiterereŋ ikes ka erereŋioto ikes ŋikaru ka ŋikaru.”

Ŋikiru. 18:2

Ekapolon iŋes erae ataaba kaŋ ŋina kiupala, aduketait kaŋ ŋina ajio alotooma ka ekaiunan kaŋ. Akuj kaŋ, ataaba kaŋ ŋinakiupala neni kon iŋes aiunor ayoŋ, iyoŋ irae aupal kaŋ ka ekaiunan kaŋ, neni kon ayakaun ayoŋ pa eryaŋiryaŋa.

Ŋikiru. 63:1

Okoe Akuj, irae iyoŋ Akuj kaŋ, ekeitanit ayoŋ iyoŋ, ekeburit ayoŋ nooi aanyun iyoŋ, alilimiyo akuwan kaŋ aŋuna ka akiitanit iyoŋ, alilimiyo lopite ŋolo iyakar nakwap ŋina aonon ka ŋina acaryoonon ŋina emam ŋakipi.

Ŋikiru. 72:19

Akipuro toyai neni ka Akuj aŋina eyakar apolou ŋikaru ka ŋikaru; elipi kilelebun apolou keŋ nakwap daadaŋ. Amen! Amen!

Ŋikiru. 89:20

Aryamu ayoŋ Daudi eketiyan kaŋ; eosak ayoŋ iŋes akimyet kaŋ ŋina asegan.

Ŋikiru. 89:26

Akanyarae iŋes ayoŋ etemari, ‘Irae iyoŋ papa kaŋ, Akuj kaŋ, ataaba ŋina aiunor ayoŋ.’

Yer. 11:5

ikotere esiyookini ayoŋ akikoŋiet kaŋ ŋina abu ayoŋ ekoŋ neni atapapaa kus, abu ayoŋ ekoŋ ainakin ikes akwap ŋina elelyaata ŋakile ka ao, lopite ŋolo eyakar nakoloŋit na.” Abu nai ayoŋ oboŋok iŋes otema, “Okoe Ekapolon, kitiyakinosi ŋakiro lopite ŋolo ilumunio iyoŋ”

Yer. 28:6

Kirwor ekadwaran Yeremia tema, “Amen! Elipi kitiya Ekapolon ŋun, elipi kisiyook Ekapolon ŋakiro ŋuna idwar iyoŋ, ido kinyaku nakibois na alo Babilon ŋiboro ŋulu ka Akai ka Akuj ka ŋituŋa daadaŋ ŋulu aponi torikoroe.

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Mat. 6:13

Nyikiya isua nakitemyet, nai toiunae isua aneni aronon. [Anerae apukan ka apedor ka apolou erae ŋuna kon, ŋikaru ka ŋikaru. Amen.]’

1 Ŋikor. 14:16

Nai ani ilakar iyoŋ neni ka Akuj ka aŋajep a ŋina ke Etau ka Akuj, ikokini nai ituŋanan ŋini emamukar ainakinet ŋin etemari “Amen” aŋuna ka akilip a ŋina ka alakar kon neni ka Akuj ai? Emam epite ŋolo epedorya iŋes ayenun ŋuna irworo iyoŋ.

1 Sam. 25:29

Ani kikinyoik iyoŋ ituŋanan, kiwar akiar iyoŋ, ikiuni iyoŋ Ekapolon kon, lopite ŋolo iyokiyo ituŋanan ebari keŋ. Nai icutaryo akiyar a ŋimoe kon lopite ŋolo icutarere amoru anadoe.