1 Ŋirw. 1:1 - Ebaibul

¹ Abu erwosit Daudi tomojoŋ, tolalata ŋikaru nooi, tolilimiyo akuwan keŋ, tari daŋ ŋina imukorere iŋes a ŋilowi, apa apedori nen akitomwanun akuwan keŋ.

1 Ŋirw. 1:1 Iomraidhean Croise

Akisy. 18:11

Apaki ŋin, aris Aburaam ka Sara kemojoŋa nooi, aris Sara daŋ kedepa ŋikaru ŋulukidoet.

Akisy. 24:1

Apaki ŋin, aris Aburaam kemojoŋ kelalata ŋikaru nooi, ido aris Ekapolon kiterereŋ iŋes a ŋiboro a daadaŋ.

2 Sam. 24:25

Abu Daudi todukok nen Namuroet aŋuna a Ekapolon, ido inak Ekapolon ŋainakineta ŋuna epeyo ka ŋuna ke ekisil a nen. Aŋun, abu Ekapolon toboŋok akilipa a Daudi aŋuna ka akwap kec, ido abu Ekapolon tolema edeke tojoŋo akiar Ŋisirael.

2 Sam. 5:4

Arae ŋikaru a Daudi ŋatomoniuni apaki ŋina esyakinia iŋes akipuka, ido abu iŋes kipuka Isirael ŋikaru ŋatomoniomwon.

1 Ŋirw. 1:15

Aŋun, abu Basiseba tolot aanyun erwosit anagule keŋ. Aris erwosit kemojoŋ nooi, ido arae nen edaritor Abisag ŋina arae Asunamit erwosit.

1 Ŋirw. 1:2

Aŋun, apotu ŋiketiyak keŋ temasi neni keŋ, “Erwosit Ekapolon kosi kimyek ikiwarakin apese ŋina nyiryamakina ka ekile, itowoik iyoŋ apese ŋin, toruwor akedaran kon. Emaikina iŋes inapakina losyepi kon, ikotere nai kitomwanu akuwan a ekapolon a erwosit kosi.”

1 Ŋakiro a ŋirwa 23:1

Ani emojoŋi Daudi itemokin ŋikaru keŋ, abu kituruwo lokoku keŋ Solomon ekepukan Isirael.

Ŋikiru. 90:10

Ikiyari isua akitodol ŋikaru ŋatomonikanikaarei, kori ŋatomonikanikauni erae kikigogoŋ; tari alokaru a ŋul daŋ, ikiryamunit isua ŋican ka ikiyaloloŋi nooi; edaunun ŋikaru ŋul atipei, ido oŋopiyasi isua jik.

Ekal. 4:11

Nabo ani kepero ŋiarei iwapei, isibusikinosi make, nai ikokini mono ituŋanan ipei isibusikin bon ai?

Luk. 1:7

Nai amamukatar ikes ikoku, anerae akolupana Elisabet; nabo daŋ amojoŋito ikes.

Yos. 13:1

Abu Yosua tomojoŋ nooi. Tolimok nai Ekapolon iŋes tema, “Imojoŋ iyoŋ nooi, nai eriŋa nyikamara ŋakwapin ŋuna alalak nooi.