1 Ŋikor. 9:16 - Ebaibul

¹⁶ Nyapedori ayoŋ akituro aŋuna alimonokinia Ŋakiro ŋuna Ajokak. Anerae ekecikak Akuj ayoŋ alimonokin ŋakiro ŋun. Erokyarosi aneni kaŋ erae pa kalimonok Ŋakiro ŋuna Ajokak!

1 Ŋikor. 9:16 Iomraidhean Croise

Isa. 6:5

Otema nai ayoŋ, “Oitakoi! Acakar bare ca, anerae arae ayoŋ ituŋanan ŋini nyerworo ŋakiro ŋuna ajokak ka ikiboi ayoŋ ka ŋituŋa ŋulu nyirworosi ŋakiro ŋuna ajokak, nai adau ayoŋ akiŋolikin erwosit, Ekapolon ŋolo a ŋajoresyo!”

Yer. 1:17

Nai toten iyoŋ Yeremia, towo, tolimok ikes ŋakiro daadaŋ ŋuna ekeciki ayoŋ iyoŋ. Nyikuryaniar alokiŋaren kec, kikuryaniar iyoŋ, akainakini ayoŋ iyoŋ akuryanu alokiŋaren kec.

Yer. 20:7

Okoe Ekapolon ikisupa iyoŋ ayoŋ ka adau ayoŋ akisuparo ikilou iyoŋ ayoŋ ka iruwor iyoŋ ekelounan. Aruwor ayoŋ ŋolo akakyenare apaaran jwii; akajamuwarito ayoŋ ŋituŋa daadaŋ.

Yer. 20:9

Ani katema ayoŋ ebe, “Nyalimuni nabo ayoŋ Ekapolon, kori nyeruwori nabo ayoŋ alimit ekiro keŋ,” aryamuni ayoŋ atemar emwana akirot kon alotooma kaŋ, ikwaan ka akim ŋina emwana pe ŋina egolokino tooma ŋakoyo kaŋ. akaup ayoŋ akidaŋidaŋ iŋes, nyapedorit akililiŋiyar,

Amos 3:8

Erurumak eŋatuny, ŋae nyebuli? Erworik Ekapolon Akuj, ŋae nyepedori akidwar?

Amos 7:15

ido abu Ekapolon okonyara ayoŋ anakiyok ŋakinei, okolimok ayoŋ tema, ‘Tolot todwar neni a ŋituŋa kaŋ a Ŋisirael.’

Mat. 25:16

Abu eketiyan ŋolo akorakinitae ŋicweei ŋikan tolot atipei kicurutak, toryamu ŋicweei ŋice ŋikan.

Luk. 9:62

Tolimok Yesu iŋes tema, “Ituŋanan daadaŋ ŋini ani ketikaki ŋakeekan lomeleku, torubak nabo iŋoliyanari kaku, nyitemokino aŋuna ka Apukan ka Akuj.”

Ŋitic. 4:20

Anerae nyeesikinio isua erwor ŋuna ikiŋolik ka ikiira.”

Ŋitic. 9:15

Nai tolimok Ekapolon Anania tema, “Tolot, anerae erae iŋes eketiyan kaŋ ŋoloseuna, ŋolo iteyenuni ekiro kaŋ lobukui ŋulu nyerae Ŋiyudayan ka lorwosi kec ta lotuŋa ŋulu a Isirael.

Ŋitic. 9:6

Nai tokona, tonyou toloma lotaun itolimokin ŋuna itemokino iyoŋ kitiya.”

Ŋirom. 1:14

Anerae ayakar ayoŋ etic ŋolo kitiyakina neni a ŋituŋa a daadaŋ a ŋulu eyakatar ayenut ka neni a ŋulu nyeyakatar ayenut, neni a ŋulu esyomito ka neni a ŋulu nyesyomito.

Ŋirom. 15:17

Anakimorikina nai ka Yesu Kristo, apedori ayoŋ akiturokin, anerae etiyae etic ŋolo ka Akuj.

Ŋirom. 4:2

Kerae tolimorite Akuj atemar iyookino Aburaam alokiŋaren keŋ aŋuna a ŋiticisyo keŋ, keyakar Aburaam ŋakiro ŋuna ituror, nai meere alokiŋaren Akuj.

1 Ŋikor. 4:15

Tari kiyakatar iyes ŋiketatamak ŋulu alalak nooi ananupit kus Kristo, iyakatar iyes papa epei; anerae anakiyar kus iraakasi Ŋikristo, abu ayoŋ oruwor papa kus aŋuna ayaunia Ŋakiro ŋuna Ajokak neni kus.

1 Ŋikor. 9:12

Ani nai keyakatar ŋulucetuŋa apedor ŋina ryamunet ŋiboro ŋul aneni kus, nyikiyakar nai isua apedor ŋina apolon akilo ikes a? Tari kikote neni, nyisitiya isua apedor ŋin; nai ikititinyik isua ŋican daadaŋ, ikotere nyitukuruwor alimonokin ŋina a Ŋakiro a ŋuna Ajokak a ŋuna a Kristo.

1 Ŋikor. 9:14

Ikwaŋinapei, icikakinit Ekapolon atemar ŋituŋa ŋulu elimonokinete Ŋakiro ŋuna Ajokak, itemokino toyarikis nalimonokin ŋinapei.

2 Ŋikor. 2:12

Ani ŋina adolunio ayoŋ Toroas alimonokin Ŋakiro ŋuna Ajokak ŋuna a Kristo, abu oryamu atemar kesir Ekapolon keŋaa aina erot ŋolo a Ŋakiro a ŋuna Ajokak.

Ŋikol. 4:17

Tolimokisi Arikipo ebe, “Itemokino iyoŋ kirikak etic ŋolo ke Ekapolon, ŋolo aponi ikiinakin iyoŋ akitiya.”

1 Sam. 12:23

Ani eruwor ayoŋ, nyikiryama ca ka akisec neni ke Ekapolon anajoŋore akilip aŋuna kus, ido eketatami ayoŋ iyes ŋipitesyo ŋulu ejokak ka ŋulu iyookino.