1 Ŋikor. 8:9 - Ebaibul

⁹ Nai tocoito nyeruwor alacakina kus ŋina nyamet ŋamuja, ŋina iteseci ŋulu epalag ayenut kec anakiro a ŋun.

1 Ŋikor. 8:9 Iomraidhean Croise

Isa. 35:3

Kitogogoŋo ŋakan ŋuna epalag, kitogogoŋo ŋakuŋin ŋuna emaranete.

Isa. 57:14

Iiraryo ŋituŋa ebasi, “Todukokisi, todukokisi, kitemonokisi erot, tolemasi ibore daadaŋ ŋini epedori akiretakin ŋituŋa kaŋ alorot kec.”

Esek. 14:3

“Lokoku a ituŋanan, adaut ŋikilyok lu akiwuakin ŋitai kec neni a ŋakujo ka imyekinito ŋakujo erikorete ikes nasecit. Etamete mono ikes atemar aboŋokini ayoŋ ŋuna iŋikitasi ikes a?

Esek. 44:12

Nai aŋuna aponiata ŋilepi kitiyata etic aŋuna a ŋituŋa alokiŋaren ŋakujo kec, torikosi Ŋisirael nasecit, aŋun adau ayoŋ Ekapolon Akuj akikoŋ ekyaarit akan kaŋ atemar emaikina ikes kisicanae aŋuna ka asecit kec.

Ŋilep. 19:14

Nyicenete ŋulu ekiŋimaka, kori nyiwuanak lorot ibore ŋini ibusokini ŋimudukan, nai kitopoloo Akuj kon. Arae ayoŋ Ekapolon.

Mat. 18:10

“Tocoito ijamuwarete tari ipei a ŋulu cicik a lu, anerae akalimokini ayoŋ iyes atemar, erukito ŋimalaikan kec jwi jwi ka Papa kaŋ ŋolo eyai nakuj. [

Ŋirom. 15:1

Itemokino iwon ŋulu ikigogoŋ ananupit eŋaranakinete ŋulu epalag, egaŋakisi ikes anatyokisyo kec. Nyitemokino iwon ikitiyae ŋuna ikitalakarete iwon make.

1 Ŋikor. 10:24

Nyitemokino idiotuŋanan atamuna bon, nai itemokino totamunite ŋulucetuŋa.

1 Ŋikor. 10:28

Ani nai kikilimok iyes ituŋanan atemar, “Erae akimuj na ŋina ka amuronot a ŋina einakinitae nakujo ŋace”, nyinyama akimuj ŋin aŋuna a ituŋanan a ŋini abu itolimok iyes ka ikotere nyipodosi;

1 Ŋikor. 10:29

iŋes atemar meere aŋuna a ŋatameta kus, nai aŋuna a ŋatameta keŋ. Kaanukiro iretakinitor icetuŋanan alacakina kaŋ aŋuna a ŋatameta keŋ?

1 Ŋikor. 10:32

Nyitoŋoa Ŋiyudayan kori Ŋigirik kori ŋatukon a Ŋikristo ŋuna erae ŋuna ka Akuj.

1 Ŋikor. 8:10

Iyoŋ ituŋanan ŋini ibala ayakar ayenut; ani mono kikiŋolik iyoŋ ituŋanan ŋini epalag ayenut inyami akimuj alokai a ŋina a ŋakujo a ŋace, nyiburakini mono iŋes aŋuna a ŋakiro a ŋun akinyam akimuj ŋin a?

1 Ŋikor. 8:12

Alopite a lo, isecete iyes alokiŋaren ŋikaitotoi kus alotooma Kristo ka kinyasut ikes anatameta kec a ŋuna palag, iseca iyes kire alokiŋaren Kristo.

1 Ŋikor. 9:22

Aneni a ŋulu epalag ananupit, apalag ikwa ikes, ikotere onyaraunia ŋulu palag daŋ neni a Kristo. Aruwor ayoŋ ŋinibore daadaŋ alotuŋa a daadaŋ, ikotere oiunia ŋice a epite a daadaŋ a ŋolo apedorya.

2 Ŋikor. 11:21

Ekerumito ayoŋ ŋileec acamun atemar ikitimit isua nooi akitiya ŋakiro ŋun. Ani kepedo ituŋanan idio akiturokin aŋuna a idiobore--erworo ayoŋ nu ikwa ebaŋaanot--apedori ayoŋ daŋ akitiya ikwaŋinapei koŋin.

2 Ŋikor. 11:29

Ani epalag idiotuŋanan, ayoŋ daŋ apalagagi; ani kiteseci idiotuŋanan, eyaloloŋi ayoŋ daŋ.

2 Ŋikor. 6:3

Nyecamitae isua aruwor akigukinet aneni a idiotuŋanan, ikotere tomam ŋuna itoroniaritere etic kosi.

Ŋigal. 5:13

Nai iyes ŋikaitotoi kaŋ, aponi iyes ikinyarae aruwor ŋulu ilacakina. Nyicamakis nai alacakina ŋin eruwor ŋina kimyekinet ekibure ŋolo a ŋawat kus ikipukae iyes. Akilo, kimyekisi amina ikiinak iyes akijaanakin make.

Ŋikol. 2:8

Nyicamut nai idiotuŋanan ikisupari iyes alotooma aosou a ŋituŋa ŋina erae amodiyo ŋina koŋinait, ŋina ebunit anakitatam a ŋituŋa ka aneni a ŋipyan a ŋulu ipukato akwap na, meere aneni a Kristo.

1 Pet. 2:16

Kiboiyoto ikwa ŋituŋa ŋulu ilacakina, nai nyisitiyata alacakina kus akiwaitor aronis. Kiboiyoto ikwa ŋiketiyak ŋulu ka Akuj.

2 Pet. 2:19

Iiyanakinete ikes ŋituŋa ŋuluce alacakina, torae bo ikes ŋipi ŋulu a ŋipitesyo a ŋulu amunaarak; anerae erae ituŋanan epito a ibore a daadaŋ a ŋini adau akiloun iŋes.

Akis. 2:14

Nai eketoroniyarit ayoŋ iyoŋ a ŋakiro a ŋadi a nu: “Eyakasi kidiŋ kus ŋituŋa ŋice ŋulu etupito akitatam ŋina ke ekile a ŋolo enyaritae Balaam, a ŋolo koloŋ abu kitatam ekile ŋolo enyaritae Balak akicocoiyar Ŋisirael nasecit anakitanyam ŋamuja ŋuna ainakinitae ŋakujo ka akitiya amalao.