1 Ŋikor. 8:3 - Ebaibul

³ Nai ituŋanan ŋini emina Akuj, eyeni Akuj iŋes.

1 Ŋikor. 8:3 Iomraidhean Croise

1 Ŋirw. 3:3

Amina Solomon Ekapolon ewuapit daŋ ŋikisila a Daudi a papa keŋ. Nai aayenene iŋes ŋamuronisya nakiboisyo ŋunamukur ŋun ka ecunyanakini ekinyate a nen.

Ŋikiru. 1:6

anerae idarit ka iyokit Ekapolon ŋulu iyookino, nai etwakiyarete ŋulu aronok.

Ŋikiru. 17:3

Idau iyoŋ akisyem etau kaŋ, ibu iyoŋ bu neni kaŋ nakwaare, idau iyoŋ akikatakin ayoŋ, ido nyeryamuna iyoŋ ŋuna aronok aneni kaŋ; nyelimuno ayoŋ ŋakiro ŋuna aronok.

Awos. 33:12

Tema Moses neni ke Ekapolon, “Ikilimonokini iyoŋ ayoŋ ŋinapei paaran ebe, ‘Torik ŋituŋa lu,’ nai nyiteyenikina iyoŋ ayoŋ ituŋanan ŋini iyakiyari iyoŋ orukosi ka ayoŋ; tobali bo iyoŋ, ‘Ayeni ayoŋ ekiro kon ka idau iyoŋ ajokyar aneni kaŋ.’

Awos. 33:17

Tema Ekapolon neni a Moses, “Acamuni ayoŋ ŋakiro ŋun, ŋuna ilipa iyoŋ; anerae ijokiar iyoŋ aneni kaŋ ka ayeni ayoŋ ekiro kon.”

Yer. 1:5

“Eriŋa ayoŋ nyeyeuna iyoŋ anakook a toto kon, akayeni ayoŋ iyoŋ, ani eriŋa nyidouno iyoŋ, aris ayoŋ keketaleiyo iyoŋ, abu ayoŋ eketuruwo iyoŋ ekadwaran aneni a ŋituŋa a ŋakwapin.”

Amos 3:2

Alimu Ekapolon ŋakiro nu ebe, ‘Iyes bon abu ayoŋ okoyenu ka ekeric alokidiŋ ŋituŋa a ŋakwapin a daadaŋ, aŋun, ekesicani ayoŋ iyes aŋuna a ŋasecisya kus.’

Naum 1:7

Ejok Ekapolon, eiununui iŋes ŋituŋa keŋ apaki ŋina eyakatar locan, eiununui iŋes ŋituŋa ŋulu eemete neni keŋ,

Mat. 7:23

Alimokini nai ayoŋ ikes otema, ‘Pa akayeni ayoŋ iyes. Toloto aneni kaŋ iyes ŋulu itiyaete aronis!’

Yoa. 10:14

Arae Ayoŋ ekeyokon ŋolo ajokan. Ayeni ayoŋ ŋamesekin kaŋ ka akayenete ikes ayoŋ,

Yoa. 21:17

Kiŋit Yesu Petero akiŋiset ŋina a ŋauni tema, “Simoni lokoku a Yoana, ikimina iyoŋ ayoŋ a?” Kiyaloloŋ Petero aŋuna abunio Yesu kiŋit iŋes ŋakiŋiset ŋauni ebala, “Ikimina iyoŋ ayoŋ a?” Tolimok nai Petero Yesu tema, “Ekapolon, iyeni iyoŋ ŋakiro daadaŋ, iyeni daŋ atemar akamina ayoŋ iyoŋ!” Tolimok nai Yesu Petero tema, “Kiyok ŋamesekin kaŋ.

Ŋirom. 11:2

Nyeŋero Akuj ŋituŋa keŋ, ŋulu abu iŋes toseu anakisyakinet. Iyenete iyes ŋuna igiritae Nakigireta ŋuna edyekitor Eliya Akuj aŋuna keŋ itoroniyarit ŋituŋa a Isirael ebala,

1 Ŋikor. 13:12

Ibore ŋini ikite iwon tokona ikoni etorube ŋolo emuimui anaroet, nai moi, ikianyuni iwon Akuj; ŋuna ayeni ayoŋ tokona erae ŋuna eriŋa nyirikakina, nai moi, ayenuni ejok lopite ŋolopei akayenia Akuj ayoŋ.

1 Ŋikor. 2:9

Ikwaŋina igiritere Nakigireta ebe, “Ibore ŋini nyiŋolikina ŋakonyen, kori nyiirara ŋaki, kori nyetama ŋatameta a ŋituŋa, erae ibore ŋin ŋini abu Akuj kitemok aŋuna a ŋulu eminasi iŋes.”

Ŋigal. 4:9

Nai ikwaŋina tokona iyenuniata iyes Akuj, kori ikiyenunia Akuj iyes, ikokinete iyes icamito aboŋor neni a ŋipyan a ŋulu ipukato topalag ka topapanito ai? Kaanukiro icamitotor iyes aruwor ŋipi kec nabo?

2 Tim. 2:19

Nai akisyakinet ŋina agogoŋon ŋina kebu Akuj todupaki, ewuoi nyiukonokin; kidiama keŋ igiritae ŋakiro nu, “Eyeni Ekapolon ŋulu erae ŋulu keŋ” ka “Ituŋanan daadaŋ ŋini ebala arae iŋes ŋini ke Ekapolon, itemokino toesik akitiya aronis.”

Yak. 1:12

Erereŋ ituŋanan ŋini etitinyikini ŋakikatakineta, anerae kedau iŋes akikatakino, eryamuni ikwa ebokot akiyar ŋina iikinit Akuj ŋituŋa ŋulu eminasi iŋes.

Yak. 2:5

Topupokisi, ŋikaitotoi kaŋ ŋuluminan! Aseu Akuj ŋikulyak anakwap a na, ikotere toruworos ikes ŋulu ebarito ananupit ka ŋulu eryamunete Apukan ŋina iikinit Akuj ŋulu eminasi iŋes.

1 Pet. 1:8

Iminasi iyes iŋes tari pa kianyunito; inupito iyes iŋes tari pa kiteete iŋes. Ilelyanete iyes ka alelyan a ŋina apolon nooi a ŋina nyepedoryo alimun;

1 Yoa. 4:19

Eyai iwon amina, anerae aris sek Akuj kikiminak iwon.

1 Yoa. 4:7

Ŋikaakonei ŋuluminan, ominin make, anerae ebunit amina aneni ka Akuj. Ituŋanan daadaŋ ŋini emina, erae iŋes ikoku ka Akuj ka eyeni Akuj.

Akis. 2:13

Ayeni ayoŋ neni iboiyo iyoŋ; erae neni ipukat Satan. Nai irubakinit iyoŋ ikinupit ayoŋ, ibu iyoŋ nyiŋer anupit ayoŋ tari alorwa a ŋulu aarere Antipa, esuuda kaŋ ŋolo anupit nooi aina, anakwap a ŋina iboiyo Satan.

Akis. 2:19

Ayeni ayoŋ ŋiticisyo kon, amina kon, anupit kon, akijaanakin kon, atitinyu ŋina nyibunyakina ka ayeni atemar iloito ŋiticisyo kon ŋulu a tokona ŋulu paaran ke ekiŋaren.

Akis. 2:9

Ayeni ayoŋ ŋatyokisyo kon ka ayeni ayoŋ atemar ikulyakana iyoŋ, nai kire ibarit! Ayeni ayoŋ tari ŋuna aronok ŋuna ikirworotor iyoŋ ŋituŋa ŋulu ebasi ebe ikirae ikes Ŋiyudayan, nai nyerae; eraakasi ikes atukot ŋina a Satan!