1 Ŋikor. 7:7 - Ebaibul

⁷ Okoe, kerae kikote ŋituŋa daadaŋ ayoŋ ŋolo amamukar aberu. Nai eyakar ŋinituŋanan ainakinet keŋ aneni ka Akuj; icetuŋanan ainakinet ŋina ikoni ŋin, ice ŋina egelaana.

1 Ŋikor. 7:7 Iomraidhean Croise

Akisy. 30:34

Tema Laban, “Ejok! Kimyek kitiyakin lopite ŋolo ilimunio iyoŋ.”

Ŋitic. 26:29

Tema Paulo, “Kerae ŋuna alalak kori ŋuna ekudyoko, elipit ayoŋ Akuj atemar meere ayoŋ bon anupi Kristo, nai tari daadaŋ ŋulu epupete ŋakiro kaŋ nakoloŋit na, itemokino ikes kikokis ayoŋ--alemar nyitemokino toenae!”

Ŋirom. 12:6

Aŋun, itemokino iwon esitiyaete ŋainakineta yok ŋuna egelegelya alopite a ŋolo ikiinakinitor Akuj iwon anajokis keŋ. Ani kerae ainakinet yok akidwar ŋakiro ŋuna ka Akuj, itemokino iwon odwara alopite a ŋolo ka anupit a ŋina ikiyakar.

1 Ŋikor. 12:11

Ŋainakineta ŋun daadaŋ erae Etau ŋolo Asegan ŋolopei ŋol einanakini, iŋes ekoranakini neni a ŋinituŋanan anacamit keŋ.

1 Ŋikor. 12:4

Egelegelya ŋainakineta ŋuna ke Etau a ŋolo Asegan, nai Etau ŋolopei ekori ikes.

1 Ŋikor. 7:8

Abala nai ayoŋ neni a ŋulu nyiitara ka neni a ŋapuseru ebe, ejok ikes akiboi nyiitara ikwa ayoŋ.

1 Ŋikor. 9:15

Nai, nyisitiya ayoŋ ŋapedorosyo ŋun tari apei daŋ, nabo nyegiri ayoŋ ŋun aŋuna ka aryamun idiobore aŋuna kaŋ. Kejok ayoŋ otwan akilo idiotuŋanan alemar aneni kaŋ ibore ŋini eturor ayoŋ.

1 Ŋikor. 9:5

Nyayakar mono ayoŋ apedor ŋina ryamunet aberu ŋina Kristoit orukito ka ayoŋ analosit kaŋ, ikwapei Ŋikiyakia ŋuluce ka ŋikaitotoi ŋulu ke Ekapolon ka Petero a?