1 Ŋikor. 6:9 - Ebaibul

⁹ Iyenete iyes kire atemar nyeruwor Apukan ka Akuj ŋina a ŋulu itiyaete aronis. Nyikimodikin! Ŋituŋa ŋulu itiyaete amalao kori ŋulu ilipete neni a ŋakujo a ŋace kori ŋikalomak kori ŋikilyok ŋulu iteperete ŋikilyok ŋuluce

1 Ŋikor. 6:9 Iomraidhean Croise

Akisy. 19:5

Tonyarata ikes Lot temasi, “Nyaalu ŋikilyok ŋulu sek apote neni kon eboŋ? Yau ikes kiŋa ne neni kosi ikotere toyenae isua ikes.”

Awos. 23:1

“Kimyekisi akisirop ŋakiro ŋuna erae alyokonu. Nyiriwo ka ituŋanan ŋini irworo alyokonu, nyiruworosi esuuda keŋ.

Ŋakit. 11:1

Erae asiilyo aneni a Ekapolon akisitiya akipimet ŋina emodyanakinere ŋituŋa, nai elakara Ekapolon erae kisitiyae ituŋanan akipimet ŋina nyemodyanakinere ŋituŋa.

Ŋakit. 22:8

Ani kitiyae ituŋanan ŋakiro ŋuna nyiyookino, elomunete ŋican anakiro a ŋun, ido itasalunete ŋatyokisyo ŋun ŋakiro ŋuna isicanitor ituŋanan ŋin ŋuluce.

Ŋakit. 7:27

Erae akai keŋ erot ŋolo elosere nakibois a ŋikatwak, erae erot ŋolo euruwuana atuboror natwanare.

Isa. 55:7

emaikina ŋulu aronok kimyekis akitiya aronis ka emaikina ŋulu nyiyookino ŋatameta kec kimyekis akitam ŋuna nyiyookino; emaikina ikes toboŋut neni ke Ekapolon, ikotere Ekapolon isyoni ikes emaikina ikes toboŋut neni ka Akuj yok, anerae isyoni iŋes ikes nooi.

Esek. 18:11

kori ŋolo itiyae ŋadi a ŋakiro a nu, (tari pa kitiyae papa keŋ ŋadi a ŋakiro a nu): Kenyami iŋes ŋamuja anamuroeta a ŋuna edukitoe lomoru, kitiyae ŋace ŋuna aronok naberu a ekidunyet keŋ,

Ŋilep. 18:20

Nyiryamakinosi ka aberu a eyenet kon, anerae iruwor iyoŋ ka iŋes ŋulu a ŋilam.

Ŋilep. 18:22

Nyemaikina ekile kiryamakinos ke ekile lopite ŋolo iryamanakinotor ekile ka aberu; erae ŋakiro ŋun asiilyo.

Ŋilep. 19:15

“‘Kitiyata ŋuna iyookino apaki ŋina itubioto ŋakiro, nyikisyonioto ŋulu a ŋican apaki ŋin, kori nyiwara akitojoka aneni a ŋulu erae ŋikabarak, nai totubonokisi ŋikidunyetkus alotooma akiyookino.

Ŋilep. 20:13

Ani kiryamakin ekile ke ekile lopite ŋolo iryamanakinotor ekile ka aberu, etiyata ŋul daadaŋ ŋakiro ŋuna ka asiilyo. Emaikina ikes toarae; erae atwanare kec nakyes kec.

Sakar 5:3

Tema nai iŋes neni kaŋ, “Erae ŋul ŋicen ŋulu epete akwap daadaŋ; anerae alotooma ŋakiro ŋuna igiritae epeiwae ekitaabo ŋol, ebasi ebe, ‘Emunyaryo ŋolo kokolan daadaŋ, ido ebasi ŋuna igiritae lowae ŋoloce, ituŋanan daadaŋ ŋini ikoŋi alyokonu emunyaryo.’

Mat. 19:29

Nabo ituŋanan daadaŋ ŋini aesiki ekeere kori ŋikaitotoi keŋ, papa keŋ, toto keŋ, aberu keŋ, ŋidwe keŋ, kori ŋamanat keŋ aŋuna kaŋ, einakinio eropit ŋolo erae amiat ŋarwa amiat, ka eryamuni akiyar ŋina nyedaun.

Mat. 25:34

Etemari Erwosit isirwori ŋituŋa ŋulu aloteten keŋ, ‘Potu iyes ŋulu ikiterereŋit Papa kaŋ! Toryamut ajakaanut ŋina itemokinitoe aŋuna kus ameun anasubunet akwap.

Luk. 21:8

Toboŋok Yesu ikes tema, “Tocoito nyikimodik ituŋanan. Epote ŋikalalak irworosi alokiro kaŋ ebasi, ‘Ayoŋ iŋes ŋolo!’ kori ebasi, ‘Adol apaki!’ Nai tocoito iwuapakinete ikes.

Ŋitic. 20:32

“Nai tokona, ekewuakini ayoŋ iyes nakan ŋuna ka Akuj ka nakiro ŋuna ka ajokis keŋ, ŋina epedori akitogogoŋ ka ainakin iyes ŋarereŋisyo ŋuna iŋadat Akuj aŋuna a ŋituŋa a ŋulu eturuwo iŋes ŋulu keŋ.

Ŋitic. 24:25

Nai ani erubakini Paulo irworo ŋuna ka akiyookino, ŋuna ka akiyapara ka ŋuna ka abunore Akoloŋit ŋina etubokinia Akuj ŋituŋa, tobul Pelekis tolimok Paulo tema, “Ape mono! Akanyarae ayoŋ iyoŋ nabo aryamuni apaki.”

Ŋirom. 1:18

Itoodiunitae anyunyura ŋina ka Akuj anakuj nasecit ka naronis daadaŋ ŋina a ŋituŋa. Iretakinito ŋipitesyo kec ŋulu aronok ikes ayenun ŋuna a kire;

1 Ŋikor. 15:33

Tocoito nyikimodikin! “Emunaarete ŋirukitos ŋulu aronok ŋipitesyo ŋulu ajokak.”

1 Ŋikor. 15:50

Ŋikaitotoi, apolou a ŋakiro a ŋun iŋes na: ibore ŋini esubunitae anakiriŋ ka anaokot, nyepedori aryamun Apukan ka Akuj; ibore ŋini inyasun, nyeryamuni ibore ŋini nyinyasun.

1 Ŋikor. 3:16

Nyiyenete mono iyes atemar iraakasi iyes Akai ka Akuj ka eyai Etau ŋolo ka Akuj tooma kus a?

1 Ŋikor. 5:1

Elimunitoe kire atemar eyai amalao kidiŋ kus ŋina aronon nooi, ŋina nyeryamun tari aneni a ŋulu nyenupito Akuj ŋina a kire. Anerae elimunitoe ebe eyai ekile ŋolo elomenene aberu a papa keŋ ŋinace!

1 Ŋikor. 5:10

Pa akalimokinit ayoŋ iyes atemar nyirukito ka ŋituŋa ŋulu nyerae ŋikanupak ŋulu emalaaka, kori ŋulu erorokaka kori ŋulu ekokolaka kori ŋulu ilipete neni a ŋakujo a ŋace. Ani kerae olimunite ayoŋ ikoŋina, kitemokino iyes aesikin akwap na jik.

1 Ŋikor. 5:11

Nai ŋuna abu ayoŋ olimu ikes nu: nyirukito ka ituŋanan ŋini ebala arae iŋes lokaato alotooma Kristo, nai tomalaana kori tororokana kori kilipi neni a ŋakujo a ŋace kori tosyomar ŋuluce kori tomerana kori tokokolana. Nyimora tari ka ituŋanan ŋin akimuj.

1 Ŋikor. 6:10

kori ŋikokolak, ŋirorokanotin, ŋikamerak, ŋulu esyomatar ŋuluce kori ŋikademanarak--emam ipei daŋ alokidiŋ ŋul ŋini eruwor Apukan ka Akuj ŋina keŋ.

1 Ŋikor. 6:18

Toŋero amalao. Nyetapito ŋasecisya ŋunace ŋuna itiyae ituŋanan akuwan keŋ, nai ituŋanan ŋini itiyae amalao, itiyae asecit nakuwan keŋ a ilope.

1 Ŋikor. 6:19

Nyiyenete iyes atemar erae ŋawat kus Akai ŋina ke Etau a ŋolo Asegan, a ŋolo eyai tooma kus, a ŋolo ikiinakinit Akuj iyes a? Nyiraakasi iyes ŋulu kus a ŋilopeyek, nai ŋulu ka Akuj.

1 Ŋikor. 9:24

Iyenete iyes kire atemar anakerit, elalak ŋituŋa ŋulu isyakinete akerit, nai ipei bon eryamuni eropit. Aŋun, tokera nai lopite ŋolo ipedoryata aryamun eropit.

2 Ŋikor. 12:21

Akabulit ayoŋ atemar ŋina adolunio inaa, ebuni Akuj kaŋ akisurum ayoŋ ŋileec alokiŋaren kus ka abuni nai ayoŋ akigworo aŋuna a ŋulu alalak, a ŋulu apotu toseca ŋapakio ŋuna alunyarosi toriŋa nyekiwa ŋipitesyo kec ŋulu ka aronis, ebe adoteu ka amalao.

Ŋigal. 6:7

Tocoito nyimodikinosi! Emam ituŋanan epedori akitabaŋaan Akuj. Elemi ituŋanan ibore ŋinipei aris iŋes keeki.

Ŋikis. 22:22

Ani keryamun ekile eperete ka aberu a ekile a ece, emaikina ikes daadaŋ toarae, aŋun ilemarete iyes aronis alo Isirael.

Ŋikis. 22:5

Nyecamakinitae ŋaberu enapito ŋilowi a ŋikilyok, ŋikilyok daŋ nyecamakinitae enapito ŋilowi a ŋaberu, anerae eŋerit Ekapolon Akuj kus ituŋanan daadaŋ ŋini itiyae ŋun.

Ŋikis. 23:17

Mam adiopese alodwe a Ŋisirael ŋina emaikina eruwor amalaat anakiboisyo a ŋuna ilipere ŋakujo, mam edya edio alodwe a Ŋisirael ŋolo emaikina eruwor emalaat anakiboisyo a ŋuna ilipere ŋakujo.

Ŋikol. 3:5

Itemokino iyes kitoŋopiyasi ekibure ŋolo aronon ŋolo alotooma kus ikwapei amalao, asiilyanut, akitiya ŋuna a ŋileec, ekibure ŋolo aronon, arorokanut (anerae ikwaan arorokanut ka akilip akuj ace.)

Ŋibur. 12:14

Toŋirikisi akisil ka ŋinituŋanan daadaŋ ka toŋirikisi akiboi anakiyar a ŋina Asegan, anerae emam ituŋanan eanyuwari Ekapolon emam ŋun.

Ŋibur. 12:16

Nyitemokino idio kus eruwor ŋini emalaana kori ŋini ejamuwarit Akuj, ikwa Esau ŋolo abu kisyeca anakimujet ka apei bon apolou ŋina araakar iŋes esapat ŋolo kiyae.

Ŋibur. 13:4

Itemokino ŋituŋa daadaŋ kitopoloorito ekiitanu. Itemokino ŋikilyok ka ŋaberu torae ŋulu ikinyoma make, anerae etubokini Akuj ŋulu emalaaka ka ŋikalomak.

Yak. 1:16

Tocoito nyikimodikin, ŋikaitotoi ŋuluminan!

1 Yoa. 3:7

Ŋidwe kaŋ! Tocoito nyikimodik iyes idiotuŋanan! Ituŋanan ŋini itiyae ŋuna iyookino, iŋes iyookino ikwapei Kristo ŋolo iyookino.

Akis. 21:8

Nai ŋikakuryanak, ŋikalukinok, ŋulu nyenupito, ŋikaarak, ŋimalaanotin, ŋikekukujak, ŋulu ilipete neni a ŋakujo ka ŋikalyokonok daadaŋ imasakinio ikes nanam ŋina ka akim ka ŋina a Sulpa. Erae ŋin atwanare ŋina a ŋaarei.”

Akis. 22:15

Nai kiŋa etaun ŋolo apolon eyakaunosi ŋisiilyanotin, ŋikapilak, ŋimalaanotin, ŋikaarak, ŋulu ilipete neni a ŋakujo car ka daadaŋ ŋulu irworosi ka kitiyaete alyokonu.

Ŋikat. 19:22

Ani eriŋa ŋituŋa ŋul imujete ka emasete, potu ŋikilyok ŋice ŋulu ke etaun a ŋol, ŋituŋa ŋulu esyaak, kirimokis akai kidiŋ togeikis anaŋanaŋ ekek a akai. Tolimokis ikes ekasikou; ŋolo a akai a ŋin temasi, “Yau kiŋa ekile ŋolo alomuni kai kon, ikotere isua toyenunae iŋes.”