1 Ŋikor. 6:3 - Ebaibul

³ Nyiyenete iyes atemar erae iwon ikitubokini ŋimalaikan a? Ani nai kikote neni, itemokino iwon opedorito akitub ŋakiro ŋuna a ŋinakoloŋit.

1 Ŋikor. 6:3 Iomraidhean Croise

Ŋikiru. 17:14

Okoe Ekapolon, toiunae ayoŋ a akan kon alotuŋa a ŋulu ikote lu; alotuŋa a ŋulu ka akwap a na a ŋulu erae eropit kec ibore ŋini eryamunete ikes anakiyar a na. Kisican ikes a ŋican a ŋulu itemokinit iyoŋ aŋuna kec, elipi toryamut ŋidwe kec ŋican ŋulu alalak nooi, ŋulu eryamunete tari ŋipapae kec.

Dan. 7:22

apotu ŋun kitiyas akitodol ŋina abunio ŋolo iboi ŋikaru ka ŋikaru, ŋolo abu totub ŋakiro eikinit ŋituŋa ŋulu ka Akuj a ŋina alokidiama nooi, tosodi abu todol apaki ŋina aponiata ŋituŋa ŋulu ka Akuj toruworos ŋikepukak.”

Mat. 25:41

“Elimokini nai iŋes ŋituŋa ŋulu alokedyany keŋ tema, ‘Toloto aneni kaŋ iyes ŋulu ilamam! Toloto nakim ŋina nyeduŋe ŋina itemokinitoe aŋuna a Satan ka ŋimalaikan keŋ!

Luk. 21:34

“Tokienyete! Kiuryasi adakanu, amera ka apodo ŋuna ka akiyar a na, nyikitumosi iyes, todolu akoloŋit ŋin atipei pa iyenete iyes,

Luk. 8:14

Ŋikinyom ŋulu adoete lokukwa, erae ŋituŋa ŋulu iirarete akirot; nai amitakinit ŋuna ka akwap ka ekibure ŋolo a ŋiboro daadaŋ elomunete tooma toridakis akirot ŋina ka Akuj nyera.

Ŋirom. 6:16

Iyenete iyes kire atemar, ŋina ijalatar iyes tocamut aruwor ŋipi ŋulu a ituŋanan a ice, iruworosi ŋipi ŋulu a ituŋanan a ŋini iwuapito iyes--kerae ŋipi ŋulu ka asecit a ŋina ikirikori natwanare kori ŋipi ŋulu ka akiwuapit ŋakiro ŋuna ka Akuj, ŋuna eyaunete akiyookino alokiŋaren Akuj.

1 Ŋikor. 6:15

Iyenete iyes atemar erae ŋawat kus ŋinerin ŋulu ka akuwan a Kristo. Apedori nai ayoŋ atyakar ekiner epei anakuwan a Kristo, ido eturuwo ekiner ŋolo ka akuwan ka amalaat a? Mam jik!

1 Ŋikor. 6:16

Kori nyiyenete iyes atemar ituŋanan ŋini imorikinosi ka amalaat eruworosi apeikuwan ka amalaat a? Elimunito Ŋakigireta ileerete ebe, “Eruworosi ŋuluarei ŋul apeikuwan.”

1 Ŋikor. 6:19

Nyiyenete iyes atemar erae ŋawat kus Akai ŋina ke Etau a ŋolo Asegan, a ŋolo eyai tooma kus, a ŋolo ikiinakinit Akuj iyes a? Nyiraakasi iyes ŋulu kus a ŋilopeyek, nai ŋulu ka Akuj.

1 Ŋikor. 6:4

Ani nai ŋina etakanuniata ŋakiro ŋuna ikote ŋun neni kus, kaanukiro eayeneneere iyes ikes totubo ŋituŋa ŋulu emamukatar apolou alokidiŋ Ŋikristo?

2 Tim. 2:4

Nyitemokino ekajion ŋolo ani eyai lojiye totamatamae eyare ŋolo palemu sek, anerae iwarit iŋes akitalakar ekapolon ŋolo enyaraunit iŋes lojiye.

2 Tim. 4:10

Aminaki Demas ŋakiro ka akwap a na, ido akaesiki ayoŋ, alot Tesalonika, alot Keresike nakwap a Galatia, alot Tito nakwap a Dalamatia.

2 Pet. 2:4

Pa abu Akuj kimyek ŋimalaikan ŋulu apotu toseca, nai abu tocakak ikes nakiryonut ŋinakiryonon cuc, neni eenitere ikes a ŋiriko akitodol Akoloŋit ŋina ka atubokino.

Yud. 1:6

Ŋimalaikan daŋ ŋulu apotu toŋero apolou kec, apotu toesikis neni eboiyoto ikes, ido eenit Akuj ikes a ŋiriko a ŋulu ruba, anakiryonut a ŋina iryono cuc, akitodol Akoloŋit ŋina apolon ŋina ka atubokino.