1 Ŋikor. 5:8 - Ebaibul

⁸ Nyikinumunum Paska yok a ŋamugati a ŋuna eya ŋakinyalet kec ŋuna ŋorok ŋuna ka asecit ka aronis, nai enumunuma a ŋamugati a ŋuna emam ŋakinyalet--ŋamugati ŋuna itesegunitae ka ŋuna a kire.

1 Ŋikor. 5:8 Iomraidhean Croise

Ŋikiru. 32:2

Erereŋ ŋulu nyerubakinit Akuj imarit erae ŋikasecak, ŋulu emam alyokonu alotai kec.

Ŋikiru. 42:4

Atamununui ayoŋ ŋakiro nu ŋapakio ŋuna ikalounio etau kaŋ: Epite ŋolo paaran ikirukitor ayoŋ ka ŋituŋa ŋulu alalak, epite ŋolo paaran eŋarenikinitor ayoŋ ikes ikilosi Kai ka Akuj, tocelatei eeoi ka alelyanu ŋieosyo ŋulu ka alakara neni ka Akuj; alalakae isua ikilosi nasuban ŋunakipuret Akuj.

Awos. 12:15

Tonyama ŋamugati kus ŋirwa ŋikanikaarei emam ŋakinyalet; akoloŋit ŋina esyaunan alorwa a ŋul, emaikina iyes tolemasi ŋakinyalet anakais kus, anerae ituŋanan daadaŋ ŋini enyami ibore ŋini eya ŋakinyalet akisyakin akoloŋit ŋina esyaunan tari ŋina a ŋakanikaarei, emaikina iŋes nyimari erae Esiraelit.

Awos. 12:19

Alotooma ŋirwa ŋikanikaarei ŋulu ke elap a ŋol, nyemaikina ŋakinyalet eyakasi nakais kus. Ituŋanan daadaŋ ŋini enyami ibore ŋini eya ŋakinyalet, emaikina iŋes nyimari erae Esiraelit; kerae iŋes egela, kori Ŋisirael eurito.

Awos. 12:8

Emaikina ikes tonyama akiriŋ ŋin epeitoe, tonyama imoriyarito ka ŋidyas ŋulu adwarak ta ŋamugati ŋuna emam ŋakinyalet.

Awos. 13:6

Tonyama ŋamugati ŋuna emam ŋakinyalet ŋirwa ŋikanikaarei, ani edoli akoloŋit ŋina a ŋakanikaarei ŋin, kitiyata ŋasuban neni ke Ekapolon.

Awos. 13:7

Tonyama ŋamugati ŋuna emam ŋakinyalet ŋirwa ŋikanikaarei; nyemaikina kiŋolikinae amugati adio ŋina eya ŋakinyalet iyakatar iyes. Nyemaikina kiŋolikinae ŋakinyalet ŋadi anakwap kus.

Isa. 25:6

Esubakini alomoru alo Ekapolon ŋolo a ŋajoresyo ŋasuban ŋuna ka akimuj a ŋina ajokan aŋuna a ŋituŋa a daadaŋ, ŋasuban ŋuna a epiini a ŋolo abobon nooi, ŋuna ka akimuj a ŋina ajokan nooi ka epiini ŋolo abobon nooi ŋolo eliitae ejok.

Isa. 30:29

Ieikinete iyes eete lopite ŋolo ieokinioto nakwaare apaki ŋina a ŋasuban a ŋuna asegak, eyakaun alakara lotai kus lopite ŋolo erotokinio ituŋanan iirari eruye a apilu a ŋina enyaritere ŋituŋa alosit lomoru a Ekapolon neni a Ekapolon a ŋolo arae ataaba a Isirael.

Ŋilep. 23:6

Ani edoli ŋirwa ke elap a ŋol ŋitomon ka ŋikan, kitiyata neni ke Ekapolon ŋasuban ŋuna a ŋamugati aŋuna emam ŋakinyalet; tonyama ŋamugati ŋuna emam ŋakinyalet ŋirwa ŋikanikaarei.

Mat. 16:12

Toyenut nai ŋikasyomak atemar meere ŋakiro a ŋamugati aŋuna emam ŋasip kec erworo Yesu, nai ŋakiro ŋuna itatamete Ŋiparisayon ka Ŋisadukayon.

Mat. 16:6

Tolimok Yesu ikes tema, “Tocoikinito ŋakinyalet ŋuna a Ŋiparisayon ka a Ŋisadukayon.”

Mar. 8:15

Kicik Yesu ikes tema, “Tocoikinito ŋakinyalet ŋuna a Ŋiparisayon ka ŋuna ke Erode.”

Luk. 12:1

Tocunakinos ŋituŋa ŋalipyo ŋuna alalak nooi neni a Yesu, kidiŋidiŋakinos, kicakacakas. Tolimok Yesu ŋikeekasyomak apaki ŋin tema, “Tocoito ŋakinyalet ŋuna a Ŋiparisayon, ŋuna erae ŋisoswae.

Yoa. 1:47

Ani iŋolikini Yesu Nasaniel ebunit neni keŋ, tolimok ŋikasyomak keŋ tema, “Erae lo Esiraelit ŋolo a kire! Emam amodiyo aneni keŋ!”

1 Ŋikor. 3:3

anerae eriŋa ŋipitesyo ŋulu ka aseconu ikipukato iyes. Anerae ani keyai arakao ka ebura kidiŋ kus, nyitoodiunito nai ŋun atemar ikipukato ŋipitesyo ŋulu ka aseconu ka ikwaan iyes ka ŋituŋa ŋuluce a?

1 Ŋikor. 5:1

Elimunitoe kire atemar eyai amalao kidiŋ kus ŋina aronon nooi, ŋina nyeryamun tari aneni a ŋulu nyenupito Akuj ŋina a kire. Anerae elimunitoe ebe eyai ekile ŋolo elomenene aberu a papa keŋ ŋinace!

1 Ŋikor. 5:6

Nyitemokino iyes iturosi! Nyiyenete mono iyes alimunet ŋina ebala, “Itubuunete ŋakinyalet ŋuna ekudyoko ŋakirya ŋuna alalak” a?

2 Ŋikor. 1:12

Erae akituro kosi na akiteyenunet ŋina a ŋatameta kosi ebe: ikitiŋ isua jwi jwi ŋituŋa daadaŋ akilo nooi iyes, anakerit ka anapatanu a ŋina ebunit aneni ka Akuj ka aŋuna ka ajokis a ŋina ka Akuj, ikidau isua akitiya nu emam aosou ŋina a ŋituŋa.

2 Ŋikor. 2:17

Nyikikwaan isua ka ŋuluce ŋulu elalak, ŋulu itusubunito etic ŋolo ka Akuj ŋolo kicurutaet; nai aŋuna eraakar Akuj ikiyakit isua, ikirworo isua ŋuna a kire alokiŋaren keŋ aŋuna ikiraakar ŋiketiyak ŋulu a Kristo.

2 Ŋikor. 8:8

Nyalimunit ayoŋ ŋun erae akiciket, nai acamit aanyun akikinyoma ŋina ka amina kus alotooma akisikwaanikin ka epite ŋolo iburitor ŋituŋa ŋulu a Makedonia ainanakin.

Ŋiep. 6:24

Toyai ajokis ŋina ka Akuj neni a daadaŋ a ŋulu eminasi Ekapolon yok Yesu Kristo alotooma amina ŋina nyedaun.

Ŋikis. 16:16

Ŋarwa ŋauni alotooma ekaru emaikina ŋisapa kus daadaŋ potu kiŋaren Ekapolon Akuj kus nakibois ŋina ebuni Ekapolon aseun; ŋarwa ŋun ikes nu: Ŋarwa ŋuna a ŋasuban a ŋuna emam ŋakinyalet, ŋarwa ŋuna a ŋasuban a ŋuna a ŋisabito ka ŋarwa ŋuna a ŋasuban a ŋuna a ŋisakaitei, nyemaikina ikes potu neni a Ekapolon eororete ŋakan, emaikina ikes yaut idiobore.

Ŋikis. 16:3

Ani inyamete iyes amuronot ŋin, nyinyama iŋes ka idiobore ŋini eyakar ŋakinyalet. Emaikina iyes tonyama ŋamugati ŋuna emam ŋakinyalet ka akiriŋ a amuronot a ŋin ŋirwa ŋikanikaarei, anerae ipotu iyes tolomut anakwap a Ijipit ikirikirasi nooi, aŋun emaikina iyes ŋirwa a akiyar kus daadaŋ totamunito akoloŋit ŋina irotokinioto iyes anakwap a Ijipit.

Yos. 24:14

“Tokona nai, itemokino iyes tokerito Ekapolon ka kitiyanakis iŋes anakikinyoma kus a daadaŋ. Toŋero akitiyanakin ŋakujo ŋuna ewuapito atapapaa kus alokekwaye aŋolol Eupurate ka anakwap a Ijipit, nai kitiyanakisi Ekapolon.

1 Pet. 4:2

Ameun tokona, nyeriŋa akiyar keŋ anakwap a na iwuapit ekibure ŋolo aronon, nai acamit ŋina ka Akuj.