1 Ŋikor. 5:5 - Ebaibul

⁵ Itemokino iyes nai apaki ŋin kipotokis ituŋanan ŋin neni a Satan, ikotere kinyasunae akuwan keŋ, ido toiunae etau keŋ Akoloŋit ŋina ke Ekapolon.

1 Ŋikor. 5:5 Iomraidhean Croise

Yob 2:6

Tolimok Ekapolon Satan tema, “Iyookino eyai iŋes napedor kon, nai nyiar iŋes.”

Ŋikiru. 109:6

Ebasi ebe, “Oseutu ituŋanan ŋini aronon kitepeg iŋes; emyekisi ituŋanan idio towo kisitak iŋes.

Ŋakit. 23:14

Ani kida iyoŋ ikes, iuni iyoŋ akiyar kec anatwanare.

Ŋilep. 13:21

Nai ani kisyeme esacaradoti toryamu atemar nyekwaŋak ŋajul ŋuna eya neni elomunitor edeke ŋol ka daŋ nyicukuliyoro ibore ŋin anamuny ka akuwan, nai anyisiwa, esetari esacaradoti ituŋanan ŋin neni keŋ bon ŋirwa ŋikanikaarei.

Mat. 4:10

Tosodi toboŋok Yesu iŋes tema, “Satan tolot! Anerae igiritae Nakigireta ebe, ‘Iryediki iyoŋ kitopoloo Ekapolon Akuj kon, kitiyanak iŋes bon!’ ”

Luk. 22:31

“Simoni, Simoni! Topupok mono iyoŋ! Aryamu Satan apedor ŋina kikeikeet iyes daadaŋ, ikwaŋina ikeikeya eketan ŋimomwa.

Ŋitic. 26:18

Iŋaari iyoŋ ŋakonyen kec, ikotere kibelekinos anakiryonut nakica ka anapedor a ŋina a Satan, pena neni ka Akuj; toryamut nai aŋuna ka anupit kec akisyonio ŋina a ŋasecisya ka akibois aneni a ŋituŋa a ŋulu eturuwo Akuj ŋulu keŋ.’

1 Ŋikor. 1:8

Erubakini iŋes ikitogogoŋit iyes ananupit kus tari nasalunet, ikotere itoryamun iyes emam ŋuna ikisitakinere Akoloŋit ŋina ke Ekapolon yok Yesu Kristo.

1 Ŋikor. 11:32

Nai ani ikisicani Ekapolon iwon, ikitatami erae akitatam, ikotere nyikitubokin iwon kaapei ka ŋituŋa ŋuluce ŋulu ka akwap.

2 Ŋikor. 10:6

Ani nai kidaut iyes akitoodiun atemar ipupete ŋuna ikilimokin, etenio isua akisican daadaŋ ŋulu nyepupete ŋuna elimokinitae ikes.

2 Ŋikor. 12:7

Aŋuna ka akiretakin ayoŋ nyeturo, aŋuna ka alalau a ŋakitoodikineta, aponi okoinakin ayoŋ apipilu ŋina ikoni aremot ŋina ke ekukwae, apipilu ŋina erae Satan iyakuunit, akisican ka akiretakin ayoŋ nyeturo.

2 Ŋikor. 13:10

Egiri ayoŋ nu eriŋa alwana aneni kus, ikotere ani abuni, nyadedeŋiar alopite a ŋolo esitiyaa apolou ŋina abu Ekapolon okoinak ayoŋ aŋuna ka adukunio, nai meere akielielaar iyes.

Ŋipil. 1:6

Ayeni ayoŋ kire atemar irikakini Akuj ŋina ageikini akitiya etic ŋolo ajokan lo aneni kus Akoloŋit ŋina eboŋunio Yesu Kristo.

1 Tim. 1:20

Ŋice alokidiŋ ŋul ikes Umenayo ka Alekisanda, ŋulu adau ayoŋ akipotokin neni a Satan; ikotere itatamete ŋun ikes ajoŋore ŋiyany kec.

2 Tim. 1:18

Elipit ayoŋ Ekapolon kisyoni Onesiporo Akoloŋit ŋina esidyon! Iyeni iyoŋ nooi ŋuna abu iŋes kitiya aŋuna kaŋ alo Epeso.

2 Pet. 3:12

Ani eriŋa idarito Akoloŋit ŋina ka Akuj, kitiyata ŋun ka agogoŋu, ikotere edoluni Akoloŋit ŋin atipei. Akoloŋit ŋin, enomiyari akim nakuj ka inyasun ka etalarete ŋiboorei ŋulu anakuj aŋuna ka amwanis.

1 Yoa. 5:16

Ani kiŋolik ipei lokaato keŋ eseci asecit ŋina nyikirikori natwanare, itemokino iŋes kilip neni ka Akuj aŋuna a lokaato keŋ, ido inak Akuj iŋes akiyar. Erworo ayoŋ, ikotere ŋulu nyeseca asecit ŋina ikirikori natwanare. Eyai asecit ŋina ikirikori natwanare; nyabala ayoŋ itemokino iyes kilipa ikotere ŋakiro ŋun.