1 Ŋikor. 4:2 - Ebaibul

² Ibore ŋini iitana aloketiyan a ŋolo epolokinit etic, iŋes akikinyoma alokiŋaren ekapolon keŋ.

1 Ŋikor. 4:2 Iomraidhean Croise

2 Ŋirw. 12:15

Pa eŋiseneneo ŋulu ainanakinio ŋisiliŋa atacia ŋikadukok epite ŋolo esitiyaeta ikes ŋisiliŋa ŋul, anerae arae ikes ŋulu ekinyomitae.

2 Ŋirw. 22:7

Nai nyiŋitakinio ikes akitoodiun epite ŋolo kisitiyaere ŋisiliŋa ŋulu aponi inakinae ikes, anerae ikinyoma ikes.”

Ŋakit. 13:17

Eaununui ekiyakia ŋolo aronon ŋican, nai eaununui ekiyakia ŋolo ikinyoma ekisil.

Ekim. 12:7

Nyikote ŋakiro nen aneni a eketiyan kaŋ Moses; icikakinitae iŋes akiyok ŋituŋa kaŋ daadaŋ.

Mat. 25:21

Tolimok ekapolon iŋes tema, ‘Ikoŋina! Irae iyoŋ eketiyan ŋolo ajokan ka ŋolo ikinyoma. Ikwaŋina ibunio iyoŋ tojokyaror anakicuruta a ŋina edit, ekewuakini iyoŋ nakicuruta ŋina apolon. Bua olakaros kaapei ka ayoŋ.’

Mat. 25:23

Tolimok ekapolon iŋes tema, ‘Ikoŋina! Irae iyoŋ eketiyan ŋolo ajokan ka ŋolo ikinyoma. Ikwaŋina ibunio iyoŋ tojokyar anakicuruta a ŋina edit, ekewuakini iyoŋ nakicuruta ŋina apolon. Bua olakaros kaapei ka ayoŋ.’

Luk. 12:42

Toboŋok Yesu tema, “Ŋae bo erae eketiyan ŋolo aoson ŋolo kikinyoma, ŋolo iwuakini ekapolon toruwor ekapolokiniton ŋolo a ŋiketiyak keŋ, tokoranakini ikes akimuj apaki ŋina ecamitere?

1 Ŋikor. 4:1

Itemokino iyes toyenete atemar ikirae isua ŋiketiyak ŋulu a Kristo, ŋulu adau Akuj ainakin apolokin etic ŋolo ka akisera ŋakiro ŋuna a kire ŋuna imunono.

1 Ŋikor. 4:17

A ŋakiro a ŋun, eyakuunit ayoŋ neni kus Timoteo lokoku kaŋ ŋolo minat alotooma Kristo ka erae ŋolo ekinyomit ayoŋ. Ikitatamuni iŋes iyes ŋipitesyo ŋulu atupit ayoŋ anakiyar kaŋ anakimorikina ka Yesu Kristo ikwapei etatamya ayoŋ natukon daadaŋ ŋuna a Ŋikristo anakwapin.

1 Ŋikor. 4:3

Anapolokinit kaŋ etic, nyamitakinit ayoŋ epite ŋolo etubonokiniata ŋituŋa. Emam tari nyatubonokin ayoŋ bon.

1 Ŋikor. 7:25

Egiri tokona ayoŋ ŋuna ikamunito ŋuna ipotu iyes kigira aŋuna a ŋituŋa a ŋulu nyiitara: emam ŋuna akalimoki ayoŋ Ekapolon, nai alimuni ayoŋ ŋuna atami ayoŋ elope, ikwapei araakar ayoŋ ŋolo ekinyoma aŋuna ka akisyon a ŋina ke Ekapolon.

2 Ŋikor. 2:17

Nyikikwaan isua ka ŋuluce ŋulu elalak, ŋulu itusubunito etic ŋolo ka Akuj ŋolo kicurutaet; nai aŋuna eraakar Akuj ikiyakit isua, ikirworo isua ŋuna a kire alokiŋaren keŋ aŋuna ikiraakar ŋiketiyak ŋulu a Kristo.

2 Ŋikor. 4:2

Aŋeri isua ŋiticisyo ŋulu ka amodiyo ŋulu iwuaitae; aŋeri isua amodiyanut ka akibatanar ŋakiro ŋuna ka Akuj. Nai ikiserae isua ŋuna a kire emam akuryanu, ikotere oryamuniata akikinyoma alotuŋa a daadaŋ alokiŋaren Akuj.

Ŋikol. 1:7

Ipotu iyes toyenut ŋuna ka ajokis a ŋina ka Akuj aneni ke Epapuras, a ŋolo minat, a ŋolo ikitiyae kaapei ka isua. Erae iŋes eketiyan ŋolo a Kristo ŋolo ikinyomitae, ŋolo itiyae aŋuna kosi.

Ŋikol. 4:17

Tolimokisi Arikipo ebe, “Itemokino iyoŋ kirikak etic ŋolo ke Ekapolon, ŋolo aponi ikiinakin iyoŋ akitiya.”

Ŋikol. 4:7

Ikilimokini iyes Tuciko ŋakiro ŋuna akatapito ayoŋ daadaŋ. Erae iŋes lokaato ŋolo minat alotooma Ekapolon Kristo, ŋolo erae eketiyan ŋolo ikinyomitae isua, ŋolo ikitiyae kaapei ka isua etic ŋolo ke Ekapolon.