16 Aŋun nai, ekemaimai iyes totupakis ŋuna etiyae ayoŋ!
Kituputoe ayoŋ, ikwapei etupusyo ayoŋ daŋ Kristo.
Ŋikaitotoi, torubakisi ikitupusete ayoŋ; kiteto, kiwuapa ŋikanupak ŋulu adaut akituput isua.
Kitiyata ŋuna ipotu iyes kisisaut ka kijaut ka toanyut aneni kaŋ. Eyakaun neni kus Akuj ŋina erae alope ekisil.
Ipotu iyes ikituputo isua ka Ekapolon, anerae ipotu kijaut ŋakiro ŋuna ka Akuj ka alakara a ŋina ebunit aneni ke Etau a ŋolo Asegan, tari ŋina daŋ iponiata iyes toryamuniata ŋican ŋulu alalak.
Aponi isua kitiyae ŋun, meere aŋuna amamukar isua apedor ŋina kiitanet akiŋarakinet adio aneni kus, nai ikotere eruworoe isua akitaanyikinet ŋina itemokino iyes kiwuapa.
Totamutu ŋikarikok kus ŋulu koloŋ, ŋulu ikilimonokinete iyes ŋakiro ŋuna ka Akuj. Totamutu epite ŋolo ayakar akiyar kec ka ŋolo atwakyata; torokutu anupit kec.
Nyipukato ka agogoŋu ŋituŋa ŋulu ikiinakinitae iyes, nai toruworos akitaanyikinet neni a ŋamesekin a daadaŋ.
