1 Ŋikor. 3:5 - Ebaibul

⁵ Nyo mono ca Apolo? Ka nyo erae Paulo? Ikirae isua ŋiketiyak ŋulu ka Akuj ŋulu apotu ikitunupa iyes, ikwaŋina ekorakinitor Ekapolon ŋinituŋanan ekeetic.

1 Ŋikor. 3:5 Iomraidhean Croise

Mat. 25:15

Inak iŋes epei ŋicweei ŋikan ŋulu ke egolid, inak ŋoloce ŋicweei ŋiarei ka inak ŋoloce epei bon. Akorakinitae ŋinituŋanan ikwaŋina itiyaa iŋes. Ani kedau akorakin, torotok.

Luk. 1:2

Ikote nenipei ikilimokinitotor iwon ŋituŋa ŋulu aanyunito ka kiseraete daŋ anageunet.

Yoa. 3:27

Toboŋok Yoana tema, “Nyepedori idiotuŋanan aryamun idiobore, mati einakinitae anakuj.

Ŋitic. 18:24

Apaki ŋin, bu lotaun ŋolo ke Epeso Eyudayat ŋolo anyaritae Apolo, ŋolo edounitoe alo Alekisandaria. Ayeni iŋes erwor nooi, ayeni daŋ Ŋakigireta nooi.

Ŋitic. 19:1

Ani eriŋa Apolo eyai Korinto, kirimo Paulo nakwapin ŋuna a Galatia ka Pirigia, todol tari Epeso. Toryamu iŋes aina ŋikasyomak ŋidi,

Ŋirom. 15:16

Aruwor ayoŋ eketiyan ŋolo a Yesu akitiya aŋuna a ŋituŋa a ŋulu nyerae Ŋiyudayan. Etiyae ayoŋ ikwa esacaradoti analimonokin Ŋakiro ŋuna Ajokak ŋuna eponito aneni ka Akuj, ikotere nai ŋulu nyerae Ŋiyudayan eruworosi amuronot ŋina ecamunit Akuj, ŋina etojok Akuj nooi alotooma Etau ŋolo Asegan.

1 Ŋikor. 12:28

Anatukot a Ŋikristo, adau Akuj akiwuakin ŋituŋa loticisyo kec: ŋulu esyaunak erae ŋikiyakia, ŋulu a ŋiarei erae ŋikadwarak, ŋulu a ŋiuni erae ŋiketatamak, totupakis ŋulu etiyak ŋakujuwuanisya ka nabo ŋulu einakinitae apedor akitaŋaleunun ŋidekesyo; ŋice akiŋarakin ŋuluce, ŋice apolokinit ŋuluce ka ŋice daŋ akirworo ŋaŋajepa ŋuna egelaaka ŋuna ke Etau.

1 Ŋikor. 16:12

Ŋuna etapito lokaato yok Apolo, abu ayoŋ esimukek iŋes nooi abunore kaapei ka ŋikaitotoi ŋuluce aanyun iyes, nai nyecamunit iŋes nooi abunore inaa ŋirwa lu. Nai ani eryamuni iŋes apaki, ebuni.

1 Ŋikor. 3:10

Aŋuna ka ajokis a ŋina abu Akuj okoinak ayoŋ, abu etiya ikwa ekadukon ŋolo aoson, odukok akisyakinet ŋina ka akai, ido eduki ituŋanan ice akai ŋin. Nai itemokino ŋinituŋanan tocoikinete epite ŋolo edukyo akai ŋin.

1 Ŋikor. 3:22

kerae Paulo, Apolo kori Petero; kerae akwap na, akiyar kori atwanare, kerae ŋuna a tokona kori ŋuna a rwanu. Erae daadaŋ ŋulu kus;

1 Ŋikor. 3:7

Aŋun nai, emam apolou eyai neni a ŋini adupan kori neni a ŋini abukon ŋakipi, nai eyai neni ka Akuj bon a ŋina itopoloe ŋinibore.

1 Ŋikor. 9:17

Ani kalimonok ayoŋ aŋuna ka acamit kaŋ, iŋes atemar aryamuni ayoŋ eropit; nai itemokino ayoŋ etiyae ŋun, anerae ekecikak Akuj ayoŋ akitiya.

2 Ŋikor. 11:23

Eraakasi ikes ŋiketiyak a Kristo a? Erworo ayoŋ ikwa ŋolo a ŋikerep--eloit ayoŋ ikes anaraakau eketiyan! -- Abu ayoŋ etiya nooi adepar, aponi ekewuakin mabus ŋarwa ŋakalalak, ekebuŋatae ŋakibuŋa ŋuna nyimarun, ŋapakio ŋuna alalak adikino atwani.

2 Ŋikor. 3:3

Iyookino kire atemar iraakasi iyes abaruwa ŋina a Kristo, ŋina erae isua ikigirit. Nyigiritae iŋes ka akalam, nai igiritae a Etau a ŋolo ka Akuj a ŋina eyari ka nyigiritae namoru, nai lotai a ŋituŋa.

2 Ŋikor. 3:6

Erae iŋes abu ikiinak isua apedor ŋina kitiyanakinet neni ka Acamunet a ŋina kitete, meere ŋina a Ŋikisila a ŋulu igirir, nai ŋina ke Etau, anerae Ŋikisila ŋulu igiritae ikiarete, nai ikiinanakini Etau akiyar.

2 Ŋikor. 4:1

Ikiinak Akuj isua anakisyon keŋ akitiya etic lo, aŋun, nyikiupi isua atitinyikinit.

2 Ŋikor. 4:5

Nyikilimonokini isua ŋuna ikikamunito isua; nai ikilimonokini Yesu Kristo ikwapei Ekapolon, ka isua ikwapei ŋiketiyak kus aŋuna a Yesu.

2 Ŋikor. 4:7

Nai iwon ŋulu ikiyakar ebari ŋolo ebunit aneni ka Akuj, ikikoni iwon ŋamoti ŋuna eyeunitae a elupe, ikotere ikitoodiunia atemar nyerae apedor ŋina apolon ŋina ka Akuj ŋina yok.

2 Ŋikor. 5:18

Akuj iŋes etiya nu daadaŋ, Akuj ŋina ikimorik iwon ka iŋes alotooma Kristo ka abu iŋes ikiinak iwon etic ŋolo ka akimoryanakin.

2 Ŋikor. 6:1

Ikwaŋina itiyaere iwon kaapei ka Akuj, ikilipit isua iyes nyicanican ajokis ŋina idaut iyes aryamun aneni ka Akuj.

2 Ŋikor. 6:4

Akilo, aloticisyo a daadaŋ a ŋulu ikitiyae isua, ikitoodiunit isua atemar ikirae ŋiketiyak ŋulu ka Akuj, aŋuna ikidaŋidaŋia ka atitinyu: alotooma ŋican, ŋatyokisyo ka ŋiburasinei.

Ŋiep. 3:7

Aponi eketuruwor ayoŋ eketiyan ŋolo a Ŋakiro a ŋuna Ajokak alotooma ainakinet ŋina abu Akuj okoinak ayoŋ anajokis keŋ alotooma apedor keŋ ŋina itiyaa iŋes etic.

Ŋikol. 1:23

Itemokino nai iyes torubakis icasito ananupit kus, nyiryaŋiryaŋanakin anakigeno a ŋina a Ŋakiro a ŋuna Ajokak a ŋuna ipotu iyes kiirasi, ŋuna adaun alimonokin lotuŋa daadaŋ anakwapin--ŋakiro ŋun araakar ayoŋ Paulo ekalimonokinan.

Ŋikol. 1:25

Abu Akuj eketuruwo ayoŋ eketiyan ŋolo a Ŋikristo, abu iŋes okoinaki ayoŋ etic lo akitiya aŋuna kus akiteyenun ŋituŋa daadaŋ ŋakiro ka Akuj.

1 Tim. 1:12

Alakara ayoŋ neni a Yesu Kristo Ekapolon yok, ŋolo akainaki ayoŋ agogoŋu aŋuna ke etic kaŋ, anerae ekemarak ayoŋ atemar arae ŋolo ekinyoma aŋuna ekewuakinia ayoŋ lotic keŋ,

1 Pet. 4:10

Einakinit Akuj ŋinituŋanan alokidiŋ kus ŋainakineta ŋuna egelegelya; aŋun, ikwapei iraakatar iyes ŋulu iyokito ikes, kisitiyata ŋainakineta kus ejok aŋuna a ŋuluce.