1 Ŋikor. 3:10 - Ebaibul

¹⁰ Aŋuna ka ajokis a ŋina abu Akuj okoinak ayoŋ, abu etiya ikwa ekadukon ŋolo aoson, odukok akisyakinet ŋina ka akai, ido eduki ituŋanan ice akai ŋin. Nai itemokino ŋinituŋanan tocoikinete epite ŋolo edukyo akai ŋin.

1 Ŋikor. 3:10 Iomraidhean Croise

2 Ŋakiro a ŋirwa 2:12

Tema daŋ Kiram, “Akipuro toyai neni ke Ekapolon Akuj a Isirael ŋina abu tosub nakuj ka akwap, ŋina adau ainakin erwosit Daudi ikoku ŋinisapat ŋini aoson, ŋini einakinitae aosou ka ayenut ŋuna ajokak ka ŋuna aronok, ŋini elosi akiduk Akai aŋuna a Ekapolon ka akai ŋina ka apukan aŋuna keŋ.

Awos. 36:4

Aŋun, apotu ŋipiiryanotin anakiduk ŋulu etiyaete ŋiticisyo ŋulu agelegelya anakiduk akibois ŋina Asegan, kimyekis ŋiticisyo kec,

Ŋakit. 12:8

Ani keos ituŋanan, ipurete ŋituŋa iŋes, nai ani kebaŋaana ituŋanan, ejamuwarete ŋituŋa iŋes.

Ŋakit. 9:1

Adau aosou akiduk akai keŋ, adau akitiyaun ŋipirin ŋikanikaarei aŋuna ka akai a ŋin.

Ekal. 12:9

Meere aosou bon ayakatar Ekalimonokinan, abu daŋ iŋes kitatam ŋituŋa ayenun ŋakiro, abu iŋes totamununu ka kiwarununu ŋakitadapeta kigir isibakit ejok.

Dan. 12:3

Ecaunete ŋikaosok lopite ŋolo ecaya akoloŋ alokidiama, ido ecaunete ŋikaru ka ŋikaru ŋulu erikunete ŋulu alalak nakiyookino lopite ŋolo ecayata ŋikacer.

Sakar 4:9

“Adau Serubabel adukokin akisyakinet ŋina ka Akai ka Akuj, irikakini iŋes akiduk Akai. Ani itiyakin ŋun, eyenunete nai ŋituŋa kaŋ atemar ayoŋ abu ekeyakiya iyoŋ neni kec.

Mat. 24:45

“Ŋae nai erae eketiyan ŋolo aoson ŋolo kikinyoma, ŋolo aseu ekapolon keŋ apolokin ŋuluceketiyak tokoranakini akimuj edoli apaki?

Mat. 7:24

“Aŋun, ituŋanan daadaŋ ŋini iirari ŋakaakiro kitiya, ikwaanikin ka ituŋanan ŋini aoson ŋini adukokini akai keŋ nataaba.

Luk. 11:35

Tocoik nyeruwor akica ŋina eyai tooma kon akiryonut.

Luk. 21:8

Toboŋok Yesu ikes tema, “Tocoito nyikimodik ituŋanan. Epote ŋikalalak irworosi alokiro kaŋ ebasi, ‘Ayoŋ iŋes ŋolo!’ kori ebasi, ‘Adol apaki!’ Nai tocoito iwuapakinete ikes.

Ŋitic. 18:27

Ani etyakuni Apolo alosit Akaia, kisimukekis ŋikanupak ŋulu a Epeso iŋes alosit, kigirakis ŋabaruwae neni a ŋikanupak a ŋulu alo Akaia akijaun iŋes aina. Ani edoli iŋes inaa, kiŋarak iŋes nooi Ŋikristo ŋulu keris keruworosi ŋikanupak anajokis a ŋina ka Akuj.

Ŋirom. 1:5

Akainaki Akuj ayoŋ arereŋu aneni a Yesu Kristo; arereŋu ŋina ruworet ekiyakia, ikotere etunupya ka esiwuapya ŋituŋa a ŋakwapin a daadaŋ ŋakiro keŋ, ido kitopolooroe ekiro a Kristo.

Ŋirom. 12:3

Aŋuna ka ajokis a ŋina abu Akuj okoinak ayoŋ, akalimokini ayoŋ iyes daadaŋ atemar, nyitamete atemar kori ipolok iyes nooi, torae bo nyipolok. Nai torae ŋulu iyakatar ŋatameta ŋuna ecayete ka itemokino ŋinituŋanan aneni kus toyenu epite ŋolo eyakar iŋes alotyae a ŋolo ka anupit a ŋina einakinitae iŋes.

Ŋirom. 15:15

Nai eyakasi ŋakiro ŋace ŋuna eketatamunit ayoŋ iyes anabaruwa a na emam akuryanu. Ikimamukar ayoŋ akuryanu aŋuna ka ajokis a ŋina abu Akuj okoinak ayoŋ.

Ŋirom. 15:20

Ŋuna alelakinit ayoŋ jwi jwi, ikes ŋuna ka akiserakin Ŋakiro ŋuna Ajokak anakiboisyo a ŋuna eriŋa ŋituŋa nyiirara ŋakiro a Kristo, ikotere nyarubak erworo ŋakiro ŋuna aris ituŋanan ice kegeu.

1 Ŋikor. 3:11

Anerae emam akisyakinet ace ŋina epedori idiotuŋanan abokakin akilo ŋina erae Yesu Kristo.

1 Ŋikor. 9:2

Tari pa keketeete ŋice ayoŋ atemar arae ekiyakia, kire icamunito iyes atemar arae ayoŋ. Aŋuna ka akiyar kus anakimorikina ke Ekapolon, iyes ŋilopeyek itoodiunito araakau kaŋ ekiyakia.

2 Ŋikor. 10:15

Aŋun, nyikituro isua aŋuna ke etic a ŋolo adaut ŋuluce akitiya, a ŋolo nyimarakinitae nakipimet ŋina sek ikigerokinit Akuj isua. Nai akilo, ikigeno isua atemar topolou anupit kus ka opedosi akitiya etic ŋolo apolon nooi alokidiŋ kus.

Ŋiep. 2:20

Isikwaanitae Ŋikristo ka aduketait: aŋun, adaun iyes adukokin nakisyakinet ŋina ka aduketait a ŋina esyakinete ŋikiyakia ka ŋikadwarak. Yesu Kristo elope iŋes erae amoru ŋina itogogoŋit akai alokoona.

Ŋikol. 1:29

Aŋakiro a ŋun, etiyae ayoŋ ka agogoŋu ka aŋirikinit alotooma apedor ŋina akainakinit Kristo ŋina eketepedorit ayoŋ akitiya ŋun.

Ŋikol. 4:17

Tolimokisi Arikipo ebe, “Itemokino iyoŋ kirikak etic ŋolo ke Ekapolon, ŋolo aponi ikiinakin iyoŋ akitiya.”

1 Ŋites. 3:2

aponi isua kiyakuunae Timoteo lokaato yok ŋolo ikitiyae ka isua aŋuna ka Akuj alotooma alimonokin Ŋakiro ŋuna Ajokak ŋuna a Kristo. Aponi isua kiyakuunae iŋes akitogogoŋ ka akisimukekin iyes ananupit kus,

1 Tim. 4:16

Toyeni iyoŋ epite ŋolo iboiyo ka ŋakiro ŋuna itatami. Torubak itiyae ŋakiro ŋun, anerae kitiya iyoŋ, iiun iyoŋ elope ka ŋulu iirarete ŋuna itatami.

2 Tim. 2:15

Toŋirikinite araakau ŋolo ikitojokitae alokiŋaren Akuj, eketiyan ŋolo emamukar ŋileec, ŋolo itatami ŋakiro ŋuna a kire alopite a ŋolo iyookino.

Yak. 3:1

Ŋikaitotoi kaŋ, nyitemokino iyes ŋikalalak iruworosi ŋiketatamak; ikwaŋina iyeniata iyes atemar, ikitubokinio iwon ŋiketatamak ka agogoŋu akilo ŋuluce.

1 Pet. 4:11

Ituŋanan ŋini itatami, itemokino kitatam ŋakiro ŋuna ka Akuj; ituŋanan ŋini itiyae etic, itemokino iŋes kitiya ka agogoŋu a ŋina einanakini Akuj iŋes, ikotere ipuroe Akuj aloboro a daadaŋ, alotooma Yesu Kristo, ŋolo eyakar apolou ka apedor ŋina a ŋikaru ka ŋikaru. Amen.

2 Pet. 3:15

Totamunito atemar erae akidaŋidaŋakinit ŋina ke Ekapolon yok, apaki kus ŋina iunotor, ikwapei igiritor lokaato yok Paulo ŋolo minat ka aosou a ŋina ainakini Akuj iŋes.

Akis. 21:14

Adukokinitae arwatata ŋina ke etaun a ŋol namoru ŋunatomon ka ŋaarei ŋuna ka akisyakinet, ŋuna egiritae ŋirorwa ŋulu a Ŋikiyakia a ŋulutomon ka ŋiarei a ŋulu a Imesek.

Akis. 21:19

Esibusitae ŋamoru ŋuna ka akisyakinet a arwatata a ŋina ke etaun a ŋamoru a ŋuna epol egyelit a ŋuna egelegelya. Amoru ŋina ka akisyakinet ŋina esyaunan anyaritae Yaspa, ŋina a ŋaarei apusiyana ka anyaritae Sapire, ŋina a ŋauni arae ŋina aliban ka anyaritae Agate, ŋina a ŋaomwon arae ŋina aliban nooi ka anyaritae Emeral,