1 Ŋikor. 2:6 - Ebaibul

⁶ Tari kikote nen, ikitatami isua ka aosou neni a ŋituŋa a ŋulu epakito anatameta kec tari pa kerae aosou na ŋina ka akwap a na, kori ŋina a ŋikepukak a ŋulu ka akwap a na a ŋulu esaluni apolou kec.

1 Ŋikor. 2:6 Iomraidhean Croise

Yob 1:1

Keyai koloŋ ekile ŋolo kenyaritae Yob, kiboi iŋes anakwap a ŋina anyaritae Us. Arae Yob ituŋanan ŋini amam ŋuna etoroniyaritere, ido etiyae ŋuna eyookino, etopoloorit Yob Akuj ka aŋerit ŋuna aronok.

Yob 12:19

Elemanari iŋes ŋisacaradotin anapolou a ŋina erikitotor ŋituŋa anakilip, elemanari iŋes ŋikagogoŋok tojoŋoto araakau ŋikepukak.

Yob 12:21

Ebukununui Akuj aŋoit keŋ neni a ŋikagogoŋok, elemanari agogoŋu aneni a ŋikagogoŋok.

Ŋikiru. 146:4

Ani etwakete ikes, eboŋorete ikes nalup, todaun akoloŋit ŋinapei ŋin ŋuna ayeto ikes akitiya.

Ŋikiru. 33:10

Ituruwonori Ekapolon ŋakiro ŋuna aronok, ŋuna etukete ŋakwapin ŋacaryo; nyisiyoonokini Ekapolon ŋakiro ŋuna aronok ŋuna etukete ŋituŋa.

Ŋikiru. 37:37

Toyenutu ka kiwuapa ŋuna a ŋulu emam ŋuna itoronitere ka kiteto ŋuna a ŋulu iyookino, anerae epote ŋulu eminasi ekisil akiboi emam ŋace.

Isa. 40:23

Ituruwonori iŋes ŋirwosi ŋikoŋinae, ituruwonori ŋikepukak a ŋakwapin ŋicaryo.

Mat. 13:22

Isikwaanitae ŋikinyom ŋulu adoete lokukwa ka ŋituŋa ŋulu iirarete akirot, nai amitakinit ŋuna ka akwap ka ekibure ŋolo ke ebari, eridakinete akirot ŋin nyera.

Mat. 19:21

Tolimok Yesu iŋes tema, “Ani kicamit iyoŋ aruwor ituŋanan ŋini ajokan nooi, tolot togyela ŋiboro ŋulu iyakar iyoŋ daadaŋ tokorak lokulyak, ibu nai ikiwuapak ayoŋ. Iryamuni iyoŋ ebari kon anakuj.”

Mat. 5:48

Itemokino iyes tojokak nooi, ikwaŋinapei eraakar Papa kus ŋolo anakuj ŋolo ajokan nooi!

Luk. 16:8

“Abu ekapolon kipur ekawuoikiniton etic ŋolo aronon ŋol, aŋuna etiyaa iŋes ŋuna ka apiiryanut, anerae ŋituŋa ŋulu ka akwap a na, epiiryaka nooi aloticisyo akilo ŋituŋa ŋulu ka akica.”

1 Ŋikor. 1:28

Abu Akuj toseu ŋulu ejamuwarit akwap, ikotere ituruwori ŋulu itopolooro ŋikoŋinae.

1 Ŋikor. 12:8

Einakini Etau ŋolo Asegan neni a ipei apedor ŋina kirworet ŋuna ka aosou, neni a ice einakini Etau ŋolopei ŋol apedor ŋina ka ayenut ŋakiro.

1 Ŋikor. 14:20

Ŋikaitotoi kaŋ, nyikote ŋidwe alopite a ŋolo itamyata iyes. Ipedorete iyes akitiya ikwa ŋidwe anakiro a ŋuna aronok, nai alopite a ŋolo itamyata iyes, toruworos ŋituŋa ŋulu ipakito anakiro a ŋuna ka Akuj.

1 Ŋikor. 2:1

Ŋikaitotoi, apaki ŋina abunio ayoŋ neni kus alimonokin ŋakiro ŋuna ka Akuj, ŋuna imunono pa erworo ayoŋ ebeli ŋakiro anapiiryanut kori anaosou.

1 Ŋikor. 2:13

Aŋun nai, ikilimonokini isua ŋakiro ŋun alopite a ŋolo itatamya Etau ŋolo ka Akuj, meere alopite a ŋolo itatamyata ŋituŋa anaosou kec, nai lopite ŋolopei ikilimonokinia isua ŋakiro ŋuna ka Akuj ikwa ecamitor Etau keŋ.

1 Ŋikor. 2:8

Amam tari ŋikepukak ŋulu ka akwap a na ŋulu ayenete ŋun, amam tari epei daŋ; kerae toyenunito, pa kibubukinito Ekapolon ŋolo ka apolou.

1 Ŋikor. 3:1

Ŋikaitotoi, pa apedorit ayoŋ akisirwor iyes ikwa ŋituŋa ŋulu ipukat Etau ŋolo ka Akuj, nai ikwa ŋituŋa ŋulu ipukato ŋipitesyo ŋulu ka aseconu; ikote iyes ŋidwe ŋulu cicik ananupit kus Kristo.

2 Ŋikor. 1:12

Erae akituro kosi na akiteyenunet ŋina a ŋatameta kosi ebe: ikitiŋ isua jwi jwi ŋituŋa daadaŋ akilo nooi iyes, anakerit ka anapatanu a ŋina ebunit aneni ka Akuj ka aŋuna ka ajokis a ŋina ka Akuj, ikidau isua akitiya nu emam aosou ŋina a ŋituŋa.

2 Ŋikor. 13:11

Ŋuna isidiyete ŋikaitotoi, ikianyun! Kitogogoŋo ŋitai kus. Kitatamas make; tocamununos make; kiboiyoto a ekisil. Toyai neni kus Akuj ŋina ka amina ka ekisil.

2 Ŋikor. 4:3

Ani tari kerapap Ŋakiro ŋuna Ajokak ŋuna ikilimonokini isua, erapap aneni a ŋulu ebukoro.

2 Ŋikor. 4:4

Adau ekepukan ŋolo ka akwap a na akitumudukan ŋatameta a ŋulu nyenupito, ikotere nyiŋolikiniata akica ŋina a Ŋakiro a ŋuna Ajokak, ŋuna ka apolou a Kristo, a ŋolo ikwaan ka Akuj per.

Ŋiep. 2:2

Apaki ŋin ipotu iyes kiwuapa ŋipitesyo ŋulu ka akwap ŋulu aronok; ipotu iyes kisipukas ekepukan ŋolo epolokinit ŋipyan ŋulu eyakasi kidiama, ekipye ŋolo tokona epolokinit ŋituŋa ŋulu nyiwuapito ŋakiro ka Akuj.

Ŋikol. 1:28

Aŋun, elimonokinio isua ŋakiro a Kristo neni a ŋituŋa daadaŋ. Alotooma aosou daadaŋ icikanakinio ikes, ikotere yaunere ŋinituŋanan neni ka Akuj erae ŋini epakit anakiro a ŋuna ka Akuj anakimorikina ka Kristo.

Ŋikol. 4:12

Ikimalae iyes Epapuras, ŋolo erae ekaatukot kus, eketiyan ŋolo a Yesu Kristo. Ikitamunit iŋes iyes nooi jwi jwi anakilip keŋ, ilipenene iŋes atemar ikisicat Akuj iyes ikwapei ŋulu iyenete ŋakiro ŋuna ka Akuj nooi ka ŋulu itiyaete anacamit keŋ.

Ŋibur. 5:14

Nai erae akimuj ŋina nyamat ŋina a ŋituŋa a ŋulu apolok, a ŋulu ayenut anakitiya epite ŋolo etyaketa ŋakiro ŋuna ajokak ka ŋuna aronok.

Ŋibur. 6:1

Aŋun, oloto tokona kiŋaren etatama ŋakiro ŋuna apolok ŋuna ikamunito Kristo, ido emyekisi ŋakiro ŋuna ageunio akitatam anakiro ka Akuj. Nyitemokino tokona nabo ikiboŋokini akitatam ŋakiro ŋuna koloŋ kegeunio akitatam, ŋakiro ŋun ikes nu: akiŋer ŋakiro ŋuna ikirikorete natwanare ka ananupit Akuj;

Yak. 3:15

Nyebunit aosou ŋin anakuj; erae ŋina ka akwap, nyerae ŋina ke Etau a ŋolo ka Akuj, erae ŋina a ŋolo Aronon.

Yak. 3:2

Ikidyakanari iwon daadaŋ. Nai ani keyai ŋini nyedyakanari anakiro a ŋuna irworo iŋes, erae ituŋanan ŋin ŋini ajokan akilo, ŋini epedori akiyokiun akuwan keŋ daadaŋ.

1 Pet. 5:10

Ani kidaut iyes aryamun ŋican ŋul, ŋulu nyeayete apaki ŋina aoyan, epedori Akuj ŋina ka ajokis a daadaŋ, ŋina ikinyarit iyes akimor apolou keŋ ŋina nyedaun alotooma Kristo, akituruwor iyes ŋulu emam aronis; ikiinakini iŋes iyes atitinyu, agogoŋu ka ikitowuoi jik.