Biblia Todo Logo
Bìoball air-loidhne

- Sanasan -




1 Ŋikor. 2:10 - Ebaibul

10 Nai adau Akuj akitoodikin isua ŋun alotooma Etau keŋ. Eripiripi Etau ŋakiro daadaŋ, tari ŋuna iwuaitae ŋuna ka Akuj.

Faic an caibideil Dèan lethbhreac




1 Ŋikor. 2:10
27 Iomraidhean Croise  

iwuanakini Akuj ajokis nakiboisyo ŋuna eya ŋican ŋulu ikote ŋulu akibois a ŋikatwak, ido isitorununui ajokis naryamunit ŋican.


Potu diyete kaŋ, kiirasi ŋakiro nu! Ŋinapei anakisyakinet nyirworo ayoŋ anakimunono, ayai ayoŋ ŋinapei anakisyakinet. Ekeyaku tokona ayoŋ Ekapolon kaapei ka etau keŋ.”


Alimu Ekapolon ebe, “Erae na acamunet kaŋ ka ikes. Ameun tokona tari ŋikaru ka ŋikaru, etau kaŋ ŋolo eyai neni kus ka ŋakiro kaŋ ŋuna ewuak ayoŋ nakituka kus, nyiyotorete anakituka kus, kori anakituka a ŋidwe kus, kori anakituka a ŋidwe kec.”


isileereununui ŋakiro ŋuna nyepatana ayenun ka ŋuna imunono; eyeni ŋuna eya nakiryonut ka eyai akica neni eyai iŋes.


“Kire, nyitiyakini Ekapolon Akuj ŋadikiro nyisileerekino neni a ŋiketiyak keŋ a ŋikadwarak ŋuna imunono ŋuna eyeunit iŋes akitiya.


Toboŋok Yesu ikes tema, “Ikiinakinitae iyes ayenut ŋuna imunono ŋuna ka Apukan a ŋina anakuj, nai nyeinakinitae ikes.


Tolimok Yesu Petero tema, “Irereŋ iyoŋ Simoni lokoku a Yona, anerae meere ituŋanan ikisileerek iyoŋ ŋakiro ŋun, nai erae Papa kaŋ ŋolo eyai nakuj.


Esaa ŋolopei kilelebun Etau ŋolo Asegan neni a Yesu, tolelyan iŋes nooi, tolimu tema, “Alakara ayoŋ neni kon, Papa, Ekapolon ŋolo anakuj ka nakwap, anerae ibu iyoŋ kiwua ŋakiro nu aneni a ŋikaosok ka ŋipiiryanotin; nai kisileereu neni a ŋidwe a ŋulu cicik. Ee, Papa, itiyak iyoŋ ŋun daadaŋ ikwaŋina icamitor iyoŋ elope.


Alimokinit Etau ŋolo Asegan iŋes atemar nyetwani eriŋa nyiŋolikina Kristo ŋolo ke Ekapolon.


Ebuni nai ekeŋarakiniton, Etau ŋolo Asegan, ŋolo iyakuuni Papa alokiro kaŋ, ikitatam iyes ŋakiro daadaŋ ka ikitatamunite iyes ŋuna daadaŋ adau ayoŋ alimokin iyes.


Nai ani ebuni Etau ŋolo irworo ŋuna a kire, ikiyoori iyes nakiro daadaŋ ŋuna a kire; anerae nyirwori iŋes aŋuna ka apedor keŋ bon, nai ebuni iŋes akirwor ŋuna iirarit, nabo ikilimokini iyes ŋuna epote.


Nai, ani kisileerek Akuj akirot keŋ neni a icetuŋanan a ŋini iboi anatukot, itemokino ituŋanan ŋini sek erworo kililiŋ.


Ŋae alotuŋa eyeni ŋatameta a ŋuluce? Etau a ituŋanan ŋolo eyai tooma keŋ, iŋes bon eyeni. Ikwaŋinapei, emam ituŋanan eyeni ŋatameta ŋuna ka Akuj mati Etau ŋolo ka Akuj.


Pa aryamuni ayoŋ ikes aneni a idiotuŋanan kori pa abu idiotuŋanan eketatamik ayoŋ ŋakiro ŋun. Arae Yesu Kristo elope iŋes abu totakanu neni kaŋ, eketeyenik ayoŋ ŋakiro ŋun.


Arae nakitoodikinet abunio Akuj ekesileerek ayoŋ ŋakiro keŋ ŋuna imunono, ŋuna ŋoon sek abu ayoŋ egir euruwuaka.


Koloŋ sek, pa alimokinitae ŋituŋa ŋakiro ŋuna imunono ŋun, nai tokona adau Akuj akitoodiun ikes alotooma Etau keŋ neni a ŋikiyakia keŋ a ŋulu ka Akuj ka neni a ŋikadwarak.


Elimunit Etau ŋolo ka Akuj ŋakiro ŋuna ileereete ebala, alorwa a ŋulu esidyok, epalikinete ŋituŋa ŋice anupit Kristo. Iwuapakinete ikes ŋitai ŋulu alyokonok ka akitatam ŋina a ŋipyan.


Abu Akuj kitoodik ŋikadwarak atemar, pa arae aŋuna kec a ŋilopeyek erworotor ikes ŋakiro ŋun, nai arae aŋuna kus. Ŋakiro ŋuna Ajokak ŋunapei ŋun elimonokinete tokona Ŋikiyakia neni kus anapedor a ŋina ke Etau a ŋolo Asegan a ŋolo eyakuunio anakuj. Tari ŋimalaikan daŋ iitanito ayenun ŋakiro ŋunapei.


Nai ikiinak iyes Kristo Etau ŋolo Asegan ka iyenete iyes daadaŋ ŋun.


Nai aŋuna kus, adau Kristo ainakin iyes Etau keŋ. Ani ca kiboi Etau keŋ alotooma kus, nyiitanito iyes ituŋanan idio ikitatam iyes. Anerae ikitatami iyes Etau keŋ ŋakiro daadaŋ ka ŋuna itatami iŋes erae ŋuna a kire, meere alyokonu. Kiwuapa nai akitatam ŋina ke Etau keŋ ka kiboiyoto kaapei ka Kristo.


Erae ekitaabo lo ŋolo igiritae ŋakiro ŋuna abu Yesu Kristo kisileereu. Abu Akuj inak iŋes akiseleerekinet na, ikotere iseleerekinio ŋiketiyak keŋ ŋuna itemokino totakanut atipei. Abu Kristo kiyakiya emalaika keŋ neni a Yoana ke eketiyan keŋ akiteyenikin iŋes ŋakiro nu.


Nai iyes ŋice alo Tyatira, nyetupa iyes akitatam ŋina aronon ŋin, nyeyenuna iyes ŋuna ebasi ŋice erae akimunono ŋina apolon ŋina a Satan. Abala ayoŋ neni kus: nyakainakini ayoŋ iyes etic ece;


Lean sinn:

Sanasan


Sanasan